ਚੰਡੀਗੜ੍ਹ, 10 ਅਕਤੂਬਰ (ਨੀਲ ਭਲਿੰਦਰ ਸਿੰਘ) : ਹਨੀਪ੍ਰੀਤ ਇੰਸਾਂ ਉਰਫ਼ ਪ੍ਰਿਅੰਕਾ ਤਨੇਜਾ ਨੂੰ ਅੱਜ ਮੁੜ ਪੰਚਕੂਲਾ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਅਦਾਲਤ ਨੇ ਹਨੀਪ੍ਰੀਤ ਦਾ ਰੀਮਾਂਡ ਤਿੰਨ ਦਿਨ ਹੋਰ ਵਧਾ ਦਿਤਾ ਹੈ। ਹਾਲਾਂਕਿ ਪੁਲਿਸ ਪੁੱਛਗਿਛ ਦੌਰਾਨ ਹਨੀਪ੍ਰੀਤ ਦੀ ਚੁੱਪੀ ਤੋੜਨ ਲਈ ਹਰਿਆਣਾ ਪੁਲਿਸ 9 ਦਿਨ ਦੇ ਰੀਮਾਂਡ ਦੀ ਤਵੱਕੋ ਕਰ ਰਹੀ ਸੀ। ਦਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਅਦਾਲਤ ਨੇ ਉਸ ਨੂੰ 6 ਦਿਨ ਦੇ ਪੁਲਿਸ ਰੀਮਾਂਡ 'ਤੇ ਭੇਜਿਆ ਸੀ। ਅਦਾਲਤ ਨੇ ਹਨੀਪ੍ਰੀਤ ਦੇ ਸਾਬਕਾ ਡਰਾਈਵਰ ਰਾਕੇਸ਼ ਨੂੰ 14 ਦਿਨ ਦੀ ਨਿਆਂਇਕ ਹਿਰਾਸਤ ਵਿਚ ਭੇਜਿਆ ਹੈ। ਸੁਖਦੀਪ ਕੌਰ ਨੂੰ ਵੀ ਅਦਾਲਤ ਵਿਚ ਪੇਸ਼ ਕਰ ਕੀਤਾ ਗਿਆ ਜਿਥੇ ਉਸ ਨੂੰ 3 ਦਿਨ ਦੇ ਪੁਲਿਸ ਰੀਮਾਂਡ 'ਤੇ ਭੇਜਿਆ ਗਿਆ ਹੈ। ਇਨ੍ਹਾਂ ਛੇ ਦਿਨਾਂ ਵਿਚ ਹਰਿਆਣਾ ਪੁਲਿਸ ਦੀ ਐਸ ਆਈ ਟੀ ਹਨੀਪ੍ਰੀਤ ਕੋਲੋਂ ਰੀਮਾਂਡ ਦੌਰਾਨ ਕੋਈ ਖਾਸ 'ਰਾਜ਼' ਨਹੀਂ ਉਗਲਵਾ ਸਕੀ। ਹਨੀਪ੍ਰੀਤ ਵਾਰ-ਵਾਰ ਇਕ ਹੀ ਗੱਲ ਕਹਿ ਰਹੀ ਹੈ ਕਿ ਉਸ ਨੂੰ ਉਸ ਨੂੰ ਕੁੱਝ ਨਹੀਂ ਪਤਾ।