ਸੰਗਰੂਰ, 9 ਦਸੰਬਰ (ਪਰਮਜੀਤ ਸਿੰਘ ਲੱਡਾ) : ਪੰਜਾਬ ਵਿਚ ਬੁਢਾਪਾ ਪੈਨਸ਼ਨ ਸਕੀਮ ਤਹਿਤ ਲਾਭਪਾਤਰੀਆਂ ਦੀ ਕੀਤੀ ਗਈ ਪੜਤਾਲ ਵਿਚ ਬਹੁ ਗਿਣਤੀ ਲੋਕ ਅਜਿਹੇ ਪਾਏ ਗਏ ਜੋ ਇਸ ਸਕੀਮ ਦੀਆਂ ਸ਼ਰਤਾਂ ਨਾ ਪੂਰਾ ਕਰਨ ਦੇ ਬਾਵਜੂਦ ਵੀ ਇਸ ਦਾ ਲਾਭ ਲੈ ਰਹੇ ਹਨ। ਇਸ ਸਬੰਧੀ ਕਰਵਾਏ ਗਏ ਸਰਵੇਖਣ ਦੀ ਰੀਪੋਰਟ ਦੀ ਜਾਣਕਾਰੀ ਅਨੁਸਾਰ 19.87 ਲੱਖ ਪੈਨਸ਼ਨਰਾਂ ਵਿਚੋਂ 16.24 ਲੱਖ ਪੈਨਸ਼ਨ ਦੇ ਯੋਗ ਪਾਏ ਗਏ ਹਨ, ਜਦਕਿ 3.62 ਲੱਖ ਪੈਨਸ਼ਨਰ ਸਕੀਮ ਅਧੀਨ ਹਨ। ਅਧਿਕਾਰਕ ਸੂਤਰਾਂ ਨੇ ਦਸਿਆ ਕਿ 93521 ਲੋਕਾਂ ਨੂੰ ਫਿਰ ਤੋਂ ਕੀਤੀ ਗਈ ਜਾਂਚ ਦੌਰਾਨ ਗ਼ਲਤ ਪਾਇਆ ਅਤੇ ਉਨ੍ਹਾਂ ਵਿਚੋਂ ਜ਼ਿਆਦਾਤਰ ਨੌਜਵਾਨ ਸਨ ਜੋ ਬਜ਼ੁਰਗਾਂ ਦੇ ਨਾਮ 'ਤੇ ਪੈਨਸ਼ਨ ਲੈ ਰਹੇ ਸਨ।ਸਰਕਾਰ ਨੇ ਇਹ ਹੁਕਮ ਦਿਤਾ ਹੈ ਕਿ ਇਨ੍ਹਾਂ ਸਾਰੇ ਖਾਤਿਆਂ ਦਾ ਭੁਗਤਾਨ ਤੁਰਤ ਬੰਦ ਕਰ ਦਿਤਾ ਜਾਵੇ। ਹਾਲਾਂਕਿ ਪੈਨਸ਼ਨ ਦੀ ਰਾਸ਼ੀ ਸਿਰਫ਼ ਮਹਿਜ਼ 500 ਰੁਪਏ ਪ੍ਰਤੀ ਮਹੀਨਾ ਹੈ। ਸਰਕਾਰ ਹਰ ਸਾਲ ਅਯੋਗ ਹੋਣ ਵਾਲੇ ਭੁਗਤਾਨ ਲਈ 56.11 ਕਰੋੜ ਰੁਪਏ ਤੋਂ ਵੱਧ ਦੀ ਬਰਬਾਦੀ ਕਰ ਰਹੀ ਹੈ। ਬਾਕੀ ਮਾਮਲਿਆਂ ਨੂੰ ਸਕੈਨਿੰਗ ਤਹਿਤ ਰਖਿਆ ਗਿਆ ਹੈ, ਉਨ੍ਹਾਂ ਨੂੰ ਅਪਣੇ ਕੇਸਾਂ ਦਾ ਪੱਕਾ ਕਰਨ ਲਈ ਇਕ ਮਹੀਨੇ ਦਾ ਸਮਾਂ ਦਿਤਾ ਗਿਆ ਹੈ। ਸੂਬੇ ਦੇ ਸਾਰੇ ਜ਼ਿਲ੍ਹਿਆਂ ਵਿਚ ਇਹ ਮੁਹਿੰਮ ਸ਼ੁਰੂ ਕੀਤੀ ਗਈ ਸੀ। ਪੰਜ ਮਹੀਨੇ ਪਹਿਲਾਂ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ ਨਕਲੀ ਪੈਨਸ਼ਨਰਾਂ ਨੂੰ ਕੱਢਣ ਦਾ ਆਦੇਸ਼ ਦੇਣ ਦਾ ਆਦੇਸ਼ ਦਿਤਾ ਸੀ ਜਿਸ ਤਹਿਤ ਹੀ ਇਹ ਮੁਹਿੰਮ ਚਲਾਈ ਗਈ ਸੀ। ਸਰਕਾਰੀ ਸੂਚਨਾ ਅਨੁਸਾਰ, ਅਜਿਹੇ ਲਾਭਪਾਤਰੀਆਂ ਦੀ ਕੁਲ ਗਿਣਤੀ 1987,96 ਤੋਂ ਵੱਧ ਹੈ, ਜਿਨ੍ਹਾਂ ਵਿਚੋਂ 16,24,269 ਸਹੀ ਪਾਏ ਗਏ ਹਨ ਅਤੇ ਬਾਕੀ 3,62,927 ਘੱਟ ਉਮਰ, ਵਧੇਰੇ ਆਮਦਨ ਅਤੇ ਹੋਰ ਸੰਪਤੀਆਂ ਕਾਰਨ ਸਕੈਨਿੰਗ ਅਧੀਨ ਹਨ। ਉਨ੍ਹਾਂ ਵਿਚੋਂ 196,478 ਉਹ ਹਨ ਜਿਹੜੇ ਮੁੜ-ਜਾਂਚ ਦੌਰਾਨ ਗ਼ਲਤ ਪਤੇ ਦੇ ਗ਼ੈਰ ਹਾਜ਼ਰ ਪਾਏ ਗਏ ਹਨ। ਸੋਸ਼ਲ ਸਕਿਉਰਿਟੀ ਵਿਭਾਗ ਨਾਲ ਰਜਿਸਟਰ ਹੋਏ ਲਾਭਪਾਤਰੀਆਂ ਦੀ ਉਮਰ ਅਤੇ ਪਛਾਣ ਨੂੰ ਵੋਟਰ ਸੂਚੀਆਂ ਨਾਲ ਕ੍ਰਾਸ-ਚੈੱਕ ਕੀਤਾ ਗਿਆ ਸੀ ਅਤੇ ਰਾਸ਼ਨ ਕਾਰਡ ਨੂੰ ਪਛਾਣ ਪੱਤਰਾਂ ਦੇ ਰੂਪ ਵਿਚ ਆਧਾਰ ਕਾਰਡ ਨਾਲ ਤਬਦੀਲ ਕੀਤਾ ਗਿਆ ਸੀ। ਇਸ ਦੌਰਾਨ ਇਹ ਪਾਇਆ ਗਿਆ ਸੀ ਕਿ 51,328 ਲੋਕਾਂ ਦੀ ਉਮਰ ਘੱਟ ਸੀ ਅਤੇ ਪੈਨਸ਼ਨ ਪ੍ਰਾਪਤ ਕਰਨ ਲਈ ਉਹ ਅਯੋਗ ਸਨ।ਇਸ ਤੋਂ ਇਲਾਵਾ 42193 ਪੈਨਸ਼ਨਰਾਂ ਦੀ ਆਮਦਨ ਯੋਗਤਾ ਨਾਲੋਂ ਵੱਧ ਸੀ। ਬਠਿੰਡਾ ਵਿਚ ਆਯੋਗ ਲਾਭਪਾਤਰੀਆਂ ਦੀ ਸਭ ਤੋਂ ਵੱਡੀ ਗਿਣਤੀ 35924 ਗ਼ੈਰ ਮੌਜੂਦਗੀ ਵਾਲਿਆਂ ਦੀ ਪਾਈ ਗਈ ਹੈ, ਜੋ ਕਿ ਸਕੈਨਿੰਗ ਅਧੀਨ ਹੈ। ਬਠਿੰਡਾ ਵਿਚ ਸਭ ਤੋਂ ਜ਼ਿਆਦਾ 9738 ਪੈਨਸ਼ਨਧਾਰੀਆਂ ਦੀ ਉਮਰ ਯੋਗਤਾ ਸਹੀ ਪਾਈ ਗਈ ਹੈ। ਪਠਾਨਕੋਟ ਵਿਚ ਪੈਨਸ਼ਨਰਾਂ ਦੇ ਸਭ ਤੋਂ ਘੱਟ 208 ਕੇਸ ਹਨ। ਅਸਲ ਪੈਨਸ਼ਨਰਾਂ ਦੀ ਤਸਦੀਕ ਕਰਨ ਦੇ ਹੁਕਮਾਂ ਵਿੱਚ ਪੰਜਾਬ ਸਰਕਾਰ ਨੇ ਜ਼ਮੀਨ ਅਕਵਾਇਰ ਦੇ ਬਕਾਏ ਦੇ ਤਹਿਤ ਪੈਨਸ਼ਨ ਦੀ ਰਾਸ਼ੀ ਨੂੰ ਦੁੱਗਣੀ ਕਰਨ ਦਾ ਵੀ ਫ਼ੈਸਲਾ ਕੀਤਾ ਸੀ। ਇਲਿਜ਼ੀਬਲ ਸੂਚੀ ਵਿੱਚ ਅੱਠ ਜ਼ਿਲ੍ਹੇ ਸ਼ਾਮਲ ਹਨ, ਜਿਨ੍ਹਾਂ ਵਿਚ ਬਠਿੰਡਾ 13516, ਸੰਗਰੂਰ 12,574, ਤਰਨ-ਤਾਰਨ 9790, ਮਾਨਸਾ 8958, ਅੰਮ੍ਰਿਤਸਰ 8496, ਮੁਕਤਸਰ 7441, ਗੁਰਦਾਸਪੁਰ 7319, ਪਟਿਆਲਾ 6528 ਦੇ ਨਾਂਅ ਸ਼ਾਮਲ ਹਨ।