ਬਠਿੰਡਾ : ਪਿੰਡ ਹਰਰੰਗਪੁਰਾ ਵਿਖੇ ਕੁਝ ਦਿਨ ਪਹਿਲਾਂ ਆਪਣੀ 100ਵੀਂ ਵਰ੍ਹੇਗੰਢ ਮਨਾਉਣ ਵਾਲੇ ਬਜ਼ੁਰਗ ਜੋੜੇ ਨੇ ਇਸ ਦੁਨੀਆ ਨੂੰ ਇਕੱਠੇ ਹੀ ਅਲਵਿਦਾ ਕਹਿ ਦਿੱਤਾ ਹੈ। ਵਰ੍ਹੇਗੰਢ ਮਨਾਉਣ ਦੇ ਕੁਝ ਦਿਨਾਂ ਬਾਅਦ ਹੀ 120 ਸਾਲਾ ਬਜ਼ੁਰਗ ਬਾਬੇ ਭਗਵਾਨ ਸਿੰਘ ਦੀ ਮੌਤ ਹੋ ਗਈ ਸੀ, ਜਦੋਂ ਕਿ ਉਸ ਦੀ ਮੌਤ ਤੋਂ 48 ਘੰਟੇ ਬਾਅਦ ਹੀ ਉਸ ਦੀ 122 ਸਾਲਾ ਉਸ ਦੀ ਪਤਨੀ ਧੰਨ ਕੌਰ ਵੀ ਇਸ ਜਹਾਨ ਨੂੰ ਅਲਵਿਦਾ ਕਹਿ ਗਈ। ਬਜ਼ੁਰਗ ਮਾਤਾ ਦੀ ਮੌਤ ਹੋ ਗਈ, ਦੋਹਾਂ ਨੇ ਵਿਆਹ ਤੋਂ ਬਾਅਦ 100 ਸਾਲ ਇਕੱਠਿਆਂ ਗੁਜ਼ਾਰੇ ਹਨ, ਜੋ ਕਿ ਇਕ ਵਿਸ਼ਵ ਰਿਕਾਰਡ ਹੈ। ਉਹ ਅਕਸਰ ਕਹਿ ਦਿੰਦੇ ਸਨ ਕਿ ਦੁਨੀਆਂ 'ਤੇ ਆਏ ਤਾਂ ਇਕੱਠੇ ਨਹੀਂ ਪਰ ਜਾਵਾਂਗਾ ਇਕੱਠੇ ਹੀ। ਉਹੀ ਹੋਇਆ ਕਿ 48 ਘੰਟਿਆਂ ਦੇ ਫਰਕ ਨਾਲ ਦੋਵੇਂ ਹੀ ਚੱਲ ਵਸੇ।
ਜਿਨ੍ਹਾਂ 'ਚ ਸਭ ਤੋਂ ਵੱਡੀ ਲੜਕੀ ਗੁਰਨਾਮ ਕੌਰ 90 ਸਾਲ ਦੀ ਹੈ, ਜਿਸਦੇ ਪੜਪੋਤੇ ਦੀ ਉਮਰ ਦੋ ਸਾਲ ਹੈ। ਜੋ ਕਿ ਭਗਵਾਨ ਸਿੰਘ ਤੇ ਧੰਨ ਕੌਰ ਦਾ ਪੜਪੜਦੋਹਤਾ ਅਤੇ ਇਹ ਬਜ਼ੁਰਗ ਜੋੜੇ ਦੀ ਪੰਜਵੀਂ ਪੀੜ੍ਹੀ ਹੈ। ਇਹ ਜੋੜਾ ਤਿੰਨ ਦਿਨ ਪਹਿਲਾਂ ਤੱਕ ਪੂਰੀ ਤਰ੍ਹਾਂ ਤੰਦਰੁਸਤ ਸੀ ਅਤੇ ਆਪਣੀ ਲੰਬੀ ਉਮਰ ਦਾ ਰਾਜ ਨਸ਼ਾਰਹਿਤ ਰਹਿਣ ਤੇ ਸਾਦਾ ਖਾਣਪਾਣ ਦੱਸਿਆ।
ਬੀਤੀ 5 ਮਾਰਚ 2018 ਨੂੰ ਭਗਵਾਨ ਸਿੰਘ ਦੀ ਅਚਾਨਕ ਮੌਤ ਹੋ ਗਈ। ਜਦਕਿ ਅੱਜ 7 ਮਾਰਚ ਨੂੰ ਧੰਨ ਕੌਰ ਵੀ ਸਦੀਵੀਂ ਵਿਛੋੜਾ ਦੇ ਗਏ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਬੜੀ ਧੂਮਧਾਮ ਨਾਲ ਕੀਤਾ ਗਿਆ। ਜਿਸ ਵਿਚ ਇਕੱਲਾ ਹਰਰੰਗਪੁਰਾ ਹੀ ਨਹੀਂ, ਸਗੋਂ ਆਸਪਾਸ ਦੇ ਵੀ ਕਈ ਪਿੰਡ ਪਹੁੰਚੇ ਹੋਏ ਸਨ।