ਸੁਖਬੀਰ ਵਲੋਂ ਰਿਫ਼ਾਈਨਰੀ ਦਾ ਦੌਰਾ, ਆਪ ਵਿਧਾਇਕਾਂ ਵਲੋਂ ਡੀ.ਸੀ. ਨੂੰ ਮੰਗ ਪੱਤਰ
ਬਠਿੰਡਾ ਦਿਹਾਤੀ/ਸ਼ਹਿਰੀ, 8 ਫ਼ਰਵਰੀ (ਲੁਭਾਸ਼ ਸਿੰਗਲਾ/ਸੁਖਜਿੰਦਰ ਮਾਨ): ਪਿਛਲੇ ਇਕ ਦਹਾਕੇ ਤੋਂ ਪੰਜਾਬ ਦੇ ਸੱਭ ਤੋਂ ਵੱਡੇ ਉਦਯੋਗ ਫ਼ੂਲੋਖੋਰੀ ਗੁਰੂ ਗੋਬਿੰਦ ਸਿੰਘ ਤੇਲ ਸੋਧਕ ਕਾਰਖ਼ਾਨੇ 'ਚ ਗੁੰਡਾ ਟੈਕਸ ਦਾ ਮਾਮਲਾ ਸੁਰਖੀਆਂ 'ਚ ਆਉਣ ਤੋਂ ਬਾਅਦ ਹੁਣ ਕਾਂਗਰਸ ਨੂੰ ਘੇਰਣ ਲਈ ਅਕਾਲੀ ਤੇ ਆਪ ਆਗੂ ਗਤੀਸ਼ੀਲ ਹੋ ਗਏ ਹਨ। ਅੱਜ ਇਸ ਮਾਮਲੇ 'ਚ ਜਿਥੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋਂ ਰਿਫ਼ਾਈਨਰੀ ਦਾ ਦੌਰਾ ਕਰ ਕੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਕੋਲਂੋ ਕਾਂਗਰਸੀਆਂ ਆਗੂਆਂ 'ਤੇ ਨਕੇਲ ਕਸਣ ਦੀ ਮੰਗ ਕੀਤੀ, ਉਥੇ ਤਲਵੰਡੀ ਸਾਬੋ ਤੋਂ ਆਪ ਵਿਧਾਇਕਾ ਪ੍ਰੋ. ਬਲਜਿੰਦਰ ਕੌਰ ਦੀ ਅਗਵਾਈ 'ਚ ਪਾਰਟੀ ਆਗੂਆਂ ਵਲੋਂ ਡਿਪਟੀ ਕਮਿਸ਼ਨਰ ਨੂੰ ਗੁੰਡਾ ਟੈਕਸ ਰੋਕਣ ਲਈ ਮੰਗ ਪੱਤਰ ਦਿਤਾ ਗਿਆ। ਸੂਤਰਾਂ ਅਨੁਸਾਰ ਆਉਣ ਵਾਲੇ ਦਿਨਾਂ 'ਚ ਦੋਨਾਂ ਹੀ ਪਾਰਟੀਆਂ ਨੇ ਇਸ ਭਖਦੇ ਮਸਲੇ ਨੂੰ ਹੋਰ ਭਖਾਉਣ ਲਈ ਰਿਫ਼ਾਈਨਰੀ ਅੱਗੇ ਧਰਨੇ ਦੇਣ ਦਾ ਮਨ ਬਣਾਇਆ ਹੈ। ਰਿਫ਼ਾਈਨਰੀ 'ਚ ਪੁੱਜੇ ਸੁਖਬੀਰ ਸਿੰਘ ਬਾਦਲ ਵਲੋਂ ਗੁੰਡਾ ਟੈਕਸ ਲਈ ਮਾਲਵਾ ਖੇਤਰ ਦੇ ਕਾਂਗਰਸੀ ਵਿਧਾਇਕਾਂ ਨੂੰ ਜ਼ਿੰਮੇਵਾਰ ਠਹਿਰਉਂਦਿਆਂ ਸਥਾਨਕ ਆਪ ਵਿਧਾਇਕ 'ਤੇ ਵੀ ਮਿਲੀਭੁਗਤ ਤਹਿਤ ਚੁੱਪ ਰਹਿਣ ਦੇ ਦੋਸ਼ ਲਗਾਏ।
ਸੁਖਬੀਰ ਵਲੋਂ ਰਿਫ਼ਾਈਨਰੀ ਦਾ ਦੌਰਾ, ਆਪ ਵਿਧਾਇਕਾਂ ਵਲੋਂ ਡੀ.ਸੀ. ਨੂੰ ਮੰਗ ਪੱਤਰ ਸੁਖਬੀਰ ਵਲੋਂ ਰਿਫ਼ਾਈਨਰੀ ਦਾ ਦੌਰਾ, ਆਪ ਵਿਧਾਇਕਾਂ ਵਲੋਂ ਡੀ.ਸੀ. ਨੂੰ ਮੰਗ ਪੱਤਰ