ਸੰਦੀਪ ਦੀ ਯਾਦ 'ਚ ਟੈਕਸਸ ਪੁਲਿਸ ਵਿਭਾਗ ਵਲੋਂ ਮੋਟਰਸਾਈਕਲ ਰੈਲ਼ੀ

A motorcycle rally from the Texas Police Department in memory of Sandeep

ਅਮਰੀਕਾ- ਸੰਦੀਪ ਸਿੰਘ ਧਾਲੀਵਾਲ ਦੀ ਮੌਤ ਤੋਂ ਬਾਅਦ ਪੰਜਾਬ ਦੇ ਨਾਲ ਨਾਲ ਅਮਰੀਕਾ ਵੀ ਰੋ ਰਿਹਾ ਹੈ ਅਤੇ ਹਰ ਘੜੀ ਹਰ ਪਲ ਉਸ ਸੁਲਝੇ ਹੋਏ ਸਿੱਖ ਪੁਲਿਸ ਅਧਿਕਾਰੀ ਨੂੰ ਯਾਦ ਕਰ ਰਿਹਾ ਹੈ। ਸੰਦੀਪ ਦੀ ਯਾਦ ਨੂੰ ਸਮਰਪਿਤ ਟੈਕਸਸ ਪੁਲਿਸ ਵਿਭਾਗ ਨੇ ਇੱਕ ਵਿਸ਼ਾਲ ਮੋਟਰਬਾਈਕ ਰੈਲੀ ਕੱਢੀ। ਜਿਸ ਵਿਚ ਵੱਡੀ ਗਿਣਤੀ 'ਚ ਮੋਟਰਸਾਈਕਲ ਸਵਾਰ ਪੁਲਿਸ ਮੁਲਾਜ਼ਮਾਂ ਨੇ ਹਿੱਸਾ ਲਿਆ। ਇਹ ਰੈਲ਼ੀ ਇਸ ਮੌਕੇ ਪੁਲਿਸ ਦੇ ਉੱਚ ਅਧਿਕਾਰੀ ਅਤੇ ਵੱਡੇ ਸਿਆਸਤਦਾਨ ਵੀ ਮੌਜੂਦ ਰਹੇ।

ਜਿਨ੍ਹਾਂ ਨੇ ਸੰਦੀਪ ਨੂੰ ਸ਼ਰਧਾਂਜਲੀ ਦਿੱਤੀ। ਸੰਦੀਪ ਸਿੰਘ ਧਾਲੀਵਾਲ ਦੀ ਮੌਤ ਸਾਰੀ ਦੁਨੀਆਂ ਦੇ ਲੋਕਾਂ ਲਈ ਦਿਲ ਤੇ ਲੱਗੀ ਸਰਦ ਭਰੀ ਸੱਟ ਬਣ ਗਈ ਹੈ। ਹਰ ਕੋਈ ਆਪਣੇ ਫੇਸਬੁੱਕ, ਟਵਿੱਟਰ ਜਾਂ ਇੰਸਟਾਗ੍ਰਾਮ ਤੇ ਸੰਦੀਪ ਨਾਲ ਸਬੰਧਤ ਵੀਡੀਓ ਪਾ ਕੇ ਉਸਨੂੰ ਯਾਦ ਕਰ ਰਿਹਾ ਹੈ। ਇੱਕ ਹੋਰ ਵੀਡੀਓ ਵੀ ਸਾਹਮਣੇ ਆਈ ਹੈ ਜੋ ਕਿ ਇੱਕ ਪੰਜਾਬੀ ਗਾਣੇ ਦੀ ਸ਼ੂਟਿੰਗ ਵੇਲੇ ਦੀ ਹੈ। ਜਿਸ ਵਿਚ ਸੰਦੀਪ ਇੱਕ ਛੋਟਾ ਜਿਹਾ ਡਾਇਲਾਗ ਬੋਲਦੇ ਨਜ਼ਰ ਆ ਰਹੇ ਹਨ।

ਇਸ ਗਾਣੇ ਵਿਚ ਸੰਦੀਪ ਨੇ ਇਕ ਛੋਟਾ ਜਿਹਾ ਕਿਰਦਾਰ ਨਿਭਾਇਆ ਸੀ। ਸੰਦੀਪ ਬਾਰੇ ਇੰਨਾ ਕੁਝ ਸੋਸ਼ਲ ਮੀਡੀਆ ਤੇ ਸਾਂਝਾ ਕੀਤਾ ਜਾਣਾ, ਇਹ ਸਾਫ਼ ਦਰਸਾਉਂਦਾ ਹੈ ਕਿ ਇਸ ਸਿੱਖ ਪੁਲਿਸ ਅਫਸਰ ਨੇ ਲੋਕਾਂ ਦੇ ਦਿਲ ਵਿਚ ਕਿੰਨੀ ਜਗ੍ਹਾ ਬਣਾਈ ਹੋਈ ਸੀ ਹਰ ਕੋਈ ਸੰਦੀਪ ਨੂੰ ਪਿਆਰ ਕਰਦਾ ਸੀ ਜੋ ਕਿ ਉਸਦੀ ਇੱਕ ਚੰਗੀ ਸਖਸ਼ੀਅਤ ਹੋਣ ਦੀ ਉਦਾਹਰਣ ਹੈ ਪਰ ਸੰਦੀਪ ਇੱਕ ਸਿਰਫਿਰੇ ਦੇ ਹੱਥੋਂ ਉਸ ਸਮੇਂ ਮਾਰਿਆ ਗਿਆ ਜਦੋਂ ਉਹ ਆਪਣੀ ਡਿਊਟੀ ਨਿਭਾ ਰਿਹਾ ਸੀ। ਸੰਦੀਪ ਦਾ ਨਾਮ ਲੋਕਾਂ ਦੇ ਦਿਲਾਂ 'ਤੇ ਇੱਕ ਅਮਿਟ ਯਾਦ ਵਾਂਗ ਰਹਿ ਗਿਆ ਹੈ।