ਨਿਊਯਾਰਕ- ਨਿਊਯਾਰਕ ਸ਼ਹਿਰ ਦੇ ਮੇਅਰ ਬਿਲ ਡੇ ਬਲਾਸਿਯੋ ਨੇ ਭਾਰਤੀ ਮੂਲ ਦੀਆਂ ਦੋ ਮਹਿਲਾ ਵਕੀਲਾਂ ਨੂੰ ਅਪਰਾਧਿਕ ਤੇ ਦੀਵਾਨੀ ਅਦਾਲਤਾਂ ਵਿਚ ਜੱਜ ਨਿਯੁਕਤ ਕੀਤਾ ਹੈ। ਜੱਜ ਅਰਚਨਾ ਰਾਵ ਨੂੰ ਅਪਰਾਧਿਕ ਅਦਾਲਤ ਵਿਚ ਤੇ ਜੱਜ ਦੀਪਾ ਅੰਬੇਕਰ ਨੂੰ ਦੀਵਾਨੀ ਅਦਾਲਤ ਵਿਚ ਨਿਯੁਕਤ ਕੀਤਾ ਗਿਆ ਹੈ।

ਰਾਵ ਨੂੰ ਇਸ ਤੋਂ ਪਹਿਲਾਂ ਜਨਵਰੀ 2019 ਵਿਚ ਦੀਵਾਨੀ ਵਿਚ ਅੰਤਰਿਮ ਜੱਜ ਦੇ ਰੂਪ ਵਿਚ ਨਿਯੁਕਤ ਕੀਤਾ ਗਿਆ ਸੀ। ਨਿਊਯਾਰਕ ਕਾਊਂਟੀ ਜ਼ਿਲਾ ਅਟਾਰਨੀ ਦਫਤਰ ਵਿਚ ਉਹ 17 ਸਾਲ ਤੋਂ ਆਪਣੀਆਂ ਸੇਵਾਵਾਂ ਦੇ ਰਹੀ ਹੈ। ਜੱਜ ਅਰਚਨਾ ਰਾਓ ਵਾਸਰ ਕਾਲਜ ਤੋਂ ਗ੍ਰੈਜੂਏਟ ਹੈ ਅਤੇ ਉਸਨੇ ਫੋਰਡਮ ਯੂਨੀਵਰਸਿਟੀ ਸਕੂਲ ਆਫ਼ ਲਾਅ ਤੋਂ ਨਿਆਂਇਕ ਡਾਕਟਰ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ।

ਅੰਬੇਦਰ ਨੂੰ ਮਈ 2018 ਵਿਚ ਦੀਵਾਨੀ ਅਦਾਲਤ ਵਿਚ ਅੰਤਰਿਮ ਜੱਜ ਦੇ ਰੂਪ ਵਿਚ ਨਿਯੁਕਤ ਕੀਤਾ ਗਿਆ ਸੀ। ਮੇਅਰ ਨੇ ਪਰਿਵਾਰ ਅਦਾਲਤ, ਅਪਰਾਧਿਕ, ਦੀਵਾਨੀ ਅਦਾਲਤ ਵਿਚ 28 ਨਿਯੁਕਤੀਆਂ ਕੀਤੀਆਂ ਹਨ। ਆਪਣੀ ਨਿਯੁਕਤੀ ਤੋਂ ਪਹਿਲਾਂ, ਜੱਜ ਦੀਪਾ ਅੰਬੇਕਰ ਨੇ ਨਿਊਯਾਰਕ ਸਿਟੀ ਕੌਂਸਲ ਦੇ ਨਾਲ ਸੀਨੀਅਰ ਵਿਧਾਇਕ ਅਟਾਰਨੀ ਅਤੇ ਪਬਲਿਕ ਸੇਫਟੀ ਕਮੇਟੀ ਦੇ ਐਡਵੋਕੇਟ ਵਜੋਂ ਸੇਵਾ ਨਿਭਾਈ।

ਜੱਜ ਦੀਪਾ ਅੰਬੇਕਰ ਨੇ ਕਾਨੂੰਨੀ ਸਹਾਇਤਾ ਸੁਸਾਇਟੀ, ਕ੍ਰਿਮੀਨਲ ਡਿਫੈਂਸ ਡਿਵੀਜ਼ਨ ਦੇ ਨਾਲ ਸਟਾਫ ਅਟਾਰਨੀ ਵਜੋਂ ਵੀ ਕੰਮ ਕੀਤਾ ਹੈ। ਉਸਨੇ ਮਿਸ਼ੀਗਨ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕੀਤੀ ਅਤੇ ਉਸਨੇ ਰਟਰਜ ਲਾਅ ਸਕੂਲ ਤੋਂ ਨਿਆਂਇਕ ਡਾਕਟਰੇਟ ਪ੍ਰਾਪਤ ਕੀਤੀ।

ਪਰਿਵਾਰਕ, ਅਪਰਾਧਿਕ ਅਤੇ ਸਿਵਲ ਕੋਰਟਸ ਨਿਊਯਾਰਕ ਸਟੇਟ ਯੂਨੀਫਾਈਡ ਕੋਰਟ ਸਿਸਟਮ ਦਾ ਹਿੱਸਾ ਹਨ। ਪਰਿਵਾਰਕ ਅਦਾਲਤ ਦੇ ਜੱਜ ਗੋਦ ਲੈਣ, ਪਾਲਣ-ਪੋਸ਼ਣ ਦੀ ਦੇਖਭਾਲ ਅਤੇ ਸਰਪ੍ਰਸਤੀ, ਹਿਰਾਸਤ ਅਤੇ ਮੁਲਾਕਾਤ, ਘਰੇਲੂ ਹਿੰਸਾ, ਬਦਸਲੂਕੀ ਜਾਂ ਅਣਗੌਲੇ ਬੱਚਿਆਂ ਅਤੇ ਨਾਬਾਲਗ ਅਪਰਾਧ ਨਾਲ ਸਬੰਧਤ ਕੇਸਾਂ ਦੀ ਸੁਣਵਾਈ ਕਰਦੇ ਹਨ। ਜਦ ਕਿ ਕ੍ਰਿਮੀਨਲ ਕੋਰਟ ਕੁਕਰਮ ਦੇ ਮਾਮਲਿਆਂ ਅਤੇ ਹਲਕੇ ਅਪਰਾਧਾਂ ਨਾਲ ਨਜਿੱਠਦੀ ਹੈ।