ਗੱਡੀ ਦੇ ਬਦਲੇ ਪੈ੍ਰਮਿਕਾ ਨਾਲ ਸਬੰਧ ਬਣਾਉਣ ਦੀ ਸ਼ਰਤ ਰਖਣ 'ਤੇ ਹੱਤਿਆ
ਪੁਲਿਸ ਨੇ ਟ੍ਰਾਂਸਪੋਰਟ ਕੋਂਟ੍ਰੈਕਟਰ ਵਿਨੋਦ ਕੁਮਾਰ ਦੀ ਹੱਤਿਆ ਤੋਂ ਬਾਅਦ ਮੁਲਜ਼ਮ ਵਿਕਰਮ ਨੂੰ ਸੋਮਵਾਰ ਅਦਾਲਤ 'ਚ ਪੇਸ਼ ਕਰ ਦੋ ਦਿਨ ਦੇ ਰਿਮਾਂਡ 'ਤੇ ਲਿਆ ਹੈ। ਰਿਮਾਂਡ...
ਪਲਵਲ(ਭਾਸ਼ਾ): ਪੁਲਿਸ ਨੇ ਟ੍ਰਾਂਸਪੋਰਟ ਕੋਂਟ੍ਰੈਕਟਰ ਵਿਨੋਦ ਕੁਮਾਰ ਦੀ ਹੱਤਿਆ ਤੋਂ ਬਾਅਦ ਮੁਲਜ਼ਮ ਵਿਕਰਮ ਨੂੰ ਸੋਮਵਾਰ ਅਦਾਲਤ 'ਚ ਪੇਸ਼ ਕਰ ਦੋ ਦਿਨ ਦੇ ਰਿਮਾਂਡ 'ਤੇ ਲਿਆ ਹੈ। ਰਿਮਾਂਡ ਦੇ ਕੁੱਝ ਘੰਟੇ ਬਾਅਦ ਹੀ ਪੁੱਛ ਗਿਛ ਦੌਰਾਨ ਵਿਕਰਮ ਨੇ ਹੱਤਿਆ ਦਾ ਪੂਰਾ ਖੁਲਾਸਾ ਕਰ ਕੀਤਾ। ਡੀਐਸਪੀ ਅਭਿਮੰਨਿਊ ਲੋਹਾਨ ਨੇ ਦੱਸਿਆ ਕਿ ਵਿਕਰਮ ਅਤੇ ਵਿਨੋਦ ਦਾ ਆਪਸ 'ਚ ਉੱਠਣਾ-ਬੈਠਣਾ ਸੀ। ਵਿਕਰਮ ਨੇ ਅਪਣੀ ਪ੍ਰੇਮਿਕਾ ਨੂੰ ਘੁਮਾਉਣ ਲਈ ਵਿਨੋਦ ਤੋਂ ਇਕ ਦਿਨ ਲਈ ਗੱਡੀ ਮੰਗੀ ਸੀ।
ਵਿਨੋਦ ਗੱਡੀ ਦੇਣ ਲਈ ਤਾਂ ਤਿਆਰ ਹੋ ਗਿਆ, ਪਰ ਉਸ ਨੇ ਵਿਕਰਮ ਦੀ ਪ੍ਰੇਮਿਕਾ ਨਾਲ ਸਬੰਧ ਬਣਾਉਣ ਦੀ ਗੱਲ ਕਹੀ। ਇਸ ਗੱਲ ਨੂੰ ਲੈ ਕੇ ਵਿਕਰਮ ਅਤੇ ਵਿਨੋਦ ਵਿਚਾਲੇ ਬਹਿਸ ਬਸਾਈ ਹੋਈ। ਜਿਸ ਤੋਂ ਬਾਅਦ 15 ਦਸੰਬਰ ਦੀ ਸ਼ਾਮ ਸਾਢੇ 7 ਵਜੇ ਵਿਨੋਦ ਅਪਣੀ ਆਈ ਟਵੇਂਟੀ ਕਾਰ ਤੋਂ ਜਦੋਂ ਪਿੰਡ ਮੇਘਪੁਰ ਤੋਂ ਪਲਵਾਨ ਲਈ ਜਾ ਰਿਹਾ ਸੀ, ਤਾਂ ਰਸਤੇ 'ਚ ਵਿਕਰਮ ਵੀ ਉਸ ਦੇ ਨਾਲ ਬੈਠ ਗਿਆ।
ਰਸਤੇ 'ਚ ਵਿਕਰਮ ਨੇ ਦੋ ਬੀਅਰ ਦੀਆਂ ਬੋਤਲਾਂ ਖਰੀਦੀਆਂ ਅਤੇ ਉਨ੍ਹਾਂ ਨੂੰ ਪੀਂਦੇ ਹੋਏ ਹਾਇਵੇ 'ਤੇ ਪਿੰਡ ਆਲਹਾਪੁਰ ਦੇ ਵੱਲ ਗਿਆ। ਰਸਤੇ 'ਚ ਗੱਡੀ ਰੋਕ ਕੇ ਦੋਨਾਂ ਗੱਲ ਕਰਨ ਲੱਗੇ। ਇਸ ਦੌਰਾਨ ਵਿਕਰਮ ਨੇ ਗਲਾ ਦਬਾ ਕੇ ਵਿਨੋਦ ਦੀ ਹੱਤਿਆ ਕਰ ਦਿਤੀ। ਵਿਨੋਦ ਦੀ ਲਾਸ਼ ਨੂੰ ਕਾਰ ਦੀ ਪਿੱਛਲੀ ਸੀਟ 'ਤੇ ਬਿਠਾ ਦਿਤਾ ਅਤੇ ਨੂੰਹ ਰੋਡ ਦੇ ਰਸਤੇ ਪਿੰਡਾਂ ਤੋਂ ਜਾਂਦੇ ਹੋਏ ਮੇਘਪੁਰ ਦੇ ਕੋਲ ਕੂੜੇ ਦੇ ੜੇਰ 'ਚ ਦੱਬ ਦਿਤਾ। ਇਸ ਤੋਂ ਬਾਅਦ ਉਸ ਨੇ ਗੱਡੀ ਰਸੂਲਪੁਰ ਰੋਡ 'ਤੇ ਖੜੀ ਕਰ ਦਿਤੀ।
ਜਿਸ ਤੋਂ ਬਾਅਦ ਉਹ ਦੂੱਜੇ ਦਿਨ 16 ਦਸੰਬਰ ਨੂੰ ਵਿਨੋਦ ਦੀ ਗੱਡੀ ਲੈ ਗਿਆ ਅਤੇ ਪੂਰੇ ਦਿਨ ਅਪਣੀ ਪ੍ਰੇਮਿਕਾ ਨੂੰ ਘੁਮਾਉਂਦਾ ਰਿਹਾ। ਅਗਲੇ ਦਿਨ ਵੀ ਉਹ ਗੱਡੀ 'ਚ ਆਪਣੀ ਪ੍ਰੇਮਿਕਾ ਦੇ ਨਾਲ ਘੁੱਮਣ ਤੋ ਬਾਅਦ ਉਸ ਨੂੰ ਬਸ ਸਟੈਂਡ ਦੇ ਨਜ਼ਦੀਕ ਖੜੀ ਕਰ ਆਪਣੇ ਘਰ ਚਲਾ ਆਇਆ। ਪੁਲਿਸ ਰਿਮਾਂਡ ਦੌਰਾਨ ਵਿਕਰਮ ਨੇ ਪੁਲਿਸ ਅਭਿਮੰਨਿਊ ਲੋਹਾਨ ਦਾ ਕਹਿਣਾ ਹੈ ਕਿ ਹੱਤਿਆ 'ਚ ਕੋਈ ਹੋਰ ਵੀ ਵਿਅਕਤੀ ਸ਼ਾਮਿਲ ਹੋ ਸਕਦਾ ਹੈ।
ਪੁੱਛ-ਗਿੱਛ ਲਈ ਪੁਲਿਸ ਵਿਕਰਮ ਦੀ ਪ੍ਰੇਮਿਕਾ ਨੂੰ ਵੀ ਬੁਲਾਏਗੀ। ਮ੍ਰਿਤਕ ਵਿਨੋਦ ਦੇ ਘਰਵਾਲਿਆਂ ਨੇ ਪਿੰਡ ਕਛਰਾਲੀ ਦੇ ਜਿਨ੍ਹਾਂ ਲੋਕਾਂ ਦਾ ਨਾਮ ਹੱਤਿਆ ਦੇ ਇਲਜ਼ਾਮ 'ਚ ਲਿਖਵਾਇਆ ਹੈ,ਉਨ੍ਹਾਂ ਨੂੰ ਵੀ ਪੁਲਿਸ ਨੇ ਪੁੱਛਗਿਛ ਕੀਤੀ ਹੈ। ਡੀਐਸਪੀ ਲੋਹਾਨ ਦਾ ਕਹਿਣਾ ਹੈ ਕਿ ਜੇਕਰ ਇਸ ਮਾਮਲੇ 'ਚ ਕੋਈ ਹੋਰ ਵੀ ਵਿਅਕਤੀ ਸ਼ਾਮਿਲ ਹੈ ਤਾਂ ਉਸ ਨੂੰ ਵੀ ਅਗਲੇ ਦੋ ਦਿਨਾਂ 'ਚ ਅਰੈਸਟ ਕਰ ਲਿਆ ਜਾਵੇਗਾ।