ਬ੍ਰਿਟੇਨ 'ਚ ਸਿੱਖ ਔਰਤ ਹੋਈ ਵਿਤਕਰੇ ਦਾ ਸ਼ਿਕਾਰ, ਚੋਰੀ ਦਾ ਇਲਜ਼ਾਮ, ਜੁਰਮ ਕਬੂਲ ਕਰਨ ਦਾ ਪਾਇਆ ਦਬਾਅ

ਬ੍ਰਿਟੇਨ - ਬਰਤਾਨੀਆ ਵਿਚ ਇੱਕ ਸਾਬਕਾ ਡਾਕਖਾਨਾ ਸੰਚਾਲਕ ਇੱਕ ਸਿੱਖ ਔਰਤ ਨਕਸਲੀ ਵਿਤਕਰੇ ਦਾ ਸ਼ਿਕਾਰ ਹੋਈ ਹੈ। ਇਸ ਘਟਨਾ ਦੇ 27 ਸਾਲ ਬਾਅਦ ਇੱਕ ਸਿੱਖ ਔਰਤ ਨੇ ਆਪਣੇ ਨਾਲ ਹੋ ਰਹੇ ਵਿਤਕਰੇ ਦਾ ਮਾਮਲਾ ਉਠਾਇਆ ਹੈ। ਉਸ ਨੂੰ ਵਿਰਾਸਤ ਦੇ ਨਾਂ 'ਤੇ ਜੁਰਮ ਕਬੂਲ ਕਰਨ ਲਈ ਮਜਬੂਰ ਕੀਤਾ ਗਿਆ। ਪਰ, ਕੁਲਦੀਪ ਕੌਰ ਇਸ ਵਿਰੁੱਧ ਲੜੀ। ਉਨ੍ਹਾਂ ਦੇ 27 ਸਾਲਾਂ ਦੇ ਵਿਰੋਧ ਤੋਂ ਬਾਅਦ ਸਥਾਨਕ ਸਰਕਾਰ ਪੁਰਾਣੇ ਕੇਸਾਂ ਲਈ ਵੀ ਨਵੇਂ ਨਿਯਮ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। 

73 ਸਾਲਾ ਕੁਲਦੀਪ ਕੌਰ ਅਟਵਾਲ 'ਤੇ ਜੁਲਾਈ 1995 ਤੋਂ ਨਵੰਬਰ 1996 ਦਰਮਿਆਨ £30,000 ਚੋਰੀ ਕਰਨ ਦਾ ਦੋਸ਼ ਹੈ। ਉਦੋਂ ਉਨ੍ਹਾਂ ਦੀ ਉਮਰ 46 ਸਾਲ ਸੀ। ਉਹ ਕਾਵੈਂਟਰੀ ਬ੍ਰਾਂਚ ਵਿਚ ਕੰਮ ਕਰਦੀ ਸੀ। ਡਾਕਖਾਨੇ ਦੇ ਆਡੀਟਰਾਂ ਨੇ 1997 ਵਿਚ ਛਾਪਾ ਮਾਰਿਆ ਸੀ। ਗਾਰਡੀਅਨ ਅਖਬਾਰ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੂੰ ਆਪਣੀ ਏਸ਼ੀਆਈ ਵਿਰਾਸਤ ਕਾਰਨ ਵਿਤਕਰੇ ਦਾ ਸਾਹਮਣਾ ਕਰਨਾ ਪਿਆ।

ਸੱਭਿਆਚਾਰ ਕਾਰਨ ਉਸ ਨੂੰ ਜੁਰਮ ਕਬੂਲ ਕਰਨ ਲਈ ਮਜਬੂਰ ਕੀਤਾ ਗਿਆ। ਪਰ, ਕੁਲਦੀਪ ਕੌਰ ਅਟਵਾਲ ਇਸ ਲਈ ਲੜੀ ਅਤੇ ਜਿੱਤ ਵੀ ਗਈ। ਕੁਲਦੀਪ ਕੌਰ ਨੇ ਅਖਬਾਰ ਨੂੰ ਦੱਸਿਆ ਕਿ ਆਡੀਟਰਾਂ ਨੇ ਉਸ ਨੂੰ ਸੁਝਾਅ ਦਿੱਤਾ ਸੀ ਕਿ ਜੇਕਰ ਉਹ ਆਪਣੀ ਗਲਤੀ ਮੰਨ ਲਵੇ ਤਾਂ ਉਹ ਸਖ਼ਤ ਸਜ਼ਾ ਤੋਂ ਬਚ ਸਕਦੀ ਹੈ। ਪਰ ਉਸ ਨੇ ਲੜਨ ਦਾ ਫ਼ੈਸਲਾ ਕੀਤਾ।

ਸੱਚ ਲਈ ਸ਼ੁਰੂ ਹੋਈ ਇਸ ਲੜਾਈ ਵਿਚ ਕੁਲਦੀਪ ਕੌਰ 'ਤੇ ਵਾਰ-ਵਾਰ ਦਬਾਅ ਪਾਇਆ ਗਿਆ। 1997 ਵਿਚ ਸ਼ੁਰੂ ਹੋਈ ਇਸ ਲੜਾਈ ਵਿਚ ਆਡੀਟਰ ਨੇ ਕੁਲਦੀਪ ’ਤੇ ਦਬਾਅ ਪਾ ਕੇ ਕਿਹਾ ਸੀ ਕਿ ਸਮਾਜ ਵਿਚ ਔਰਤਾਂ ’ਤੇ ਪੈਸੇ ਲੈਣ ਲਈ ਦਬਾਅ ਪਾਇਆ ਜਾਂਦਾ ਹੈ ਅਤੇ ਉਹ ਪਰਿਵਾਰ ਨੂੰ ਵੀ ਨਹੀਂ ਦੱਸਦੀਆਂ। ਆਡੀਟਰ ਟੀਮ ਨੇ ਉਸ ਤੋਂ ਉਸ ਵਿਅਕਤੀ ਦਾ ਨਾਂ ਵੀ ਪੁੱਛਿਆ ਜਿਸ ਨੇ ਉਸ 'ਤੇ ਦਬਾਅ ਪਾਇਆ।  

ਸਬੂਤਾਂ ਦੀ ਘਾਟ ਕਾਰਨ ਕੁਲਦੀਪ ਕੌਰ ਨੂੰ ਦੋਸ਼ੀ ਕਰਾਰ ਦਿੱਤਾ ਗਿਆ ਸੀ। ਤਿੰਨ ਦਿਨਾਂ ਬਾਅਦ ਹੀ ਅਦਾਲਤ ਨੇ ਉਸ ਦੇ ਹੱਕ ਵਿਚ ਫ਼ੈਸਲਾ ਸੁਣਾ ਦਿੱਤਾ। ਪਿਛਲੇ ਸਾਲ ਪੋਸਟ ਆਫਿਸ ਨੇ ਵਿਤਕਰੇ ਲਈ ਮੁਆਫ਼ੀ ਮੰਗੀ ਸੀ। ਇੱਕ ਡਾਕਖਾਨੇ ਦਾ ਦਸਤਾਵੇਜ਼ ਵੀ ਮਿਲਿਆ, ਜਿਸ ਵਿਚ ਕੁਲਦੀਪ ਕੌਰ ਵਰਗੇ ਆਪਰੇਟਰਾਂ ਨੂੰ ਨੀਗਰੋਇਡ ਕਿਸਮ, ਚੀਨੀ/ਜਾਪਾਨੀ ਕਿਸਮ ਅਤੇ ਗੂੜ੍ਹੀ ਚਮੜੀ ਵਾਲੇ ਯੂਰਪੀਅਨ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਸੀ।  

ਕੁਲਦੀਪ ਕੌਰ ਨੇ ਕਿਹਾ ਕਿ ਕੋਵੈਂਟਰੀ ਬ੍ਰਾਂਚ ਵਿਚ ਵਰਤਿਆ ਜਾਣ ਵਾਲਾ ਸਾਫਟਵੇਅਰ ਖ਼ਰਾਬ ਸੀ ਅਤੇ ਨਤੀਜੇ ਵਜੋਂ 900 ਤੋਂ ਵੱਧ ਲੋਕਾਂ ਨੂੰ ਗਲਤ ਤਰੀਕੇ ਨਾਲ ਦੋਸ਼ੀ ਠਹਿਰਾਇਆ ਗਿਆ ਸੀ। ਇਸ ਬਾਰੇ ਡਾਕਘਰ ਨੂੰ ਵੀ ਪਤਾ ਲੱਗ ਗਿਆ ਸੀ ਅਤੇ ਇਸ ਸਾਫਟਵੇਅਰ ਨੂੰ ਅਪਗ੍ਰੇਡ ਕਰਨ ਦੀ ਪ੍ਰਕਿਰਿਆ ਵੀ ਸ਼ੁਰੂ ਕਰ ਦਿੱਤੀ ਗਈ ਸੀ। 

ਕੁਲਦੀਪ ਕੌਰ ਦੀ ਜਿੱਤ ਤੋਂ ਬਾਅਦ, ਲੰਡਨ ਦੀ ਮੈਟਰੋਪੋਲੀਟਨ ਪੁਲਿਸ ਨੇ ਹੁਣ ਧੋਖਾਧੜੀ ਦੇ ਅਪਰਾਧਾਂ ਨੂੰ ਲੈ ਕੇ ਪੋਸਟ ਆਫਿਸ ਮਾਮਲੇ ਦੀ ਨਵੀਂ ਜਾਂਚ ਸ਼ੁਰੂ ਕੀਤੀ ਹੈ। ਯੂਕੇ ਸਰਕਾਰ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਕਿਹਾ ਸੀ ਕਿ ਉਹ ਸੈਂਕੜੇ ਪੋਸਟ ਆਫਿਸ ਮੈਨੇਜਰਾਂ ਦੀਆਂ ਸਜ਼ਾਵਾਂ ਨੂੰ ਉਲਟਾਉਣ ਲਈ ਨਵਾਂ ਕਾਨੂੰਨ ਪੇਸ਼ ਕਰੇਗੀ। ਜਿਨ੍ਹਾਂ ਨੂੰ ਚੋਰੀ ਅਤੇ ਧੋਖਾਧੜੀ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ।