ਬਾਲ ਟੈਂਪਰਿੰਗ 'ਤੇ ਵਾਰਨਰ ਦੀ ਪਤਨੀ ਨੇ ਕੀਤਾ ਵੱਡਾ ਖ਼ੁਲਾਸਾ

david warner

ਨਵੀਂ ਦਿੱਲੀ : ਬੀਤੇ ਦਿਨੀਂ ਆਸਟ੍ਰੇਲੀਆ ਤੇ ਦਖਣੀ ਅਫ਼ਰੀਕਾ ਵਿਚਕਾਰ ਖੇਡੇ ਗਈ ਟੈਸਟ ਲੜੀ ਦੇ ਮੈਚ ਵਿਚ ਕੰਗਾਰੂ ਕਪਤਾਨ ਤੇ ਉਪ-ਕਪਤਾਨ ਨੂੰ ਗੇਂਦ ਛੇੜਛਾੜ ਮਾਮਲੇ 'ਤੇ ਇਕ-ਇਕ ਸਾਲ ਦਾ ਬੈਂਨ ਲਗਾ ਦਿਤਾ ਤੇ ਓਪਨਰ ਬੱਲੇਬਾਜ਼ ਬੈਨਕਰਾਫਟ ਨੂੰ 9 ਮਹੀਨੇ ਦਾ ਬੈਨ ਲਗਾ ਦਿਤਾ। ਇਸ ਮਾਮਲੇ ਤੋਂ ਬਾਅਦ ਉਪ-ਕਪਤਾਨ ਡੇਵਿਡ ਵਾਰਨਰ ਦੀ ਪਤਨੀ ਕੈਂਡਿਸ ਨੇ ਕਿਹਾ ਕਿ ਗੇਂਦ ਨਾਲ ਛੇੜਛਾੜ ਵਿਵਾਦ ਵਿਚ ਉਹ ਖ਼ੁਦ ਨੂੰ ਵੀ ਦੋਸ਼ੀ ਮੰਨਦੀ ਹੈ, ਕਿਉਂਕਿ ਉਨ੍ਹਾਂ ਦੇ ਪਤੀ ਨੂੰ ਦੱਖਣ ਅਫ਼ਰੀਕਾ ਵਿਚ ਜੋ ਤਾਅਨੇ ਸਹਿਣੇ ਪਏ ਅਖੀਰ ਵਿਚ ਉਨ੍ਹਾਂ ਨੂੰ ਉਸ ਦਾ ਖਾਮਿਆਜਾ ਭੁਗਤਣਾ ਪਿਆ। 

ਸਲਾਮੀ ਬੱਲੇਬਾਜ਼ ਵਾਰਨਰ ਨੂੰ ਦੱਖਣ ਅਫ਼ਰੀਕਾ ਵਿਰੁਧ ਤੀਸਰੇ ਟੈਸਟ ਮੈਚ ਦੌਰਾਨ ਗੇਂਦ ਨਾਲ ਛੇੜਛਾੜ ਦੀ ਯੋਜਨਾ ਬਣਾਉਣ ਵਿਚ ਸ਼ਾਮਲ ਹੋਣ ਦਾ ਦੋਸ਼ੀ ਪਾਇਆ ਗਿਆ ਅਤੇ ਉਨ੍ਹਾਂ ਉਤੇ ਇਕ ਸਾਲ ਦਾ ਬੈਨ ਲਗਾ ਦਿਤਾ ਗਿਆ। ਸਿਡਨੀ ਵਿਚ ਕੱਲ ਵਾਰਨਰ ਪੱਤਰ ਪ੍ਰੇਰਕ ਸੰਮੇਲਨ ਵਿਚ ਰੋ ਪਏ ਸਨ। ਉਨ੍ਹਾਂ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਉਹ ਭਵਿੱਖ ਵਿਚ ਕਦੇ ਆਸਟਰੇਲੀਆ ਵੱਲੋਂ ਨਾ ਖੇਡ ਸਕਣ। ਉਸ ਸਮੇਂ ਉਨ੍ਹਾਂ ਦੀ ਪਤਨੀ ਵੀ ਉੱਥੇ ਮੌਜੂਦ ਸੀ। ਕੈਂਡਿਸ ਵਾਰਨਰ ਨੇ ਸਿਡਨੀ ਸੰਡੇ ਟੈਲੀਗਰਾਫ ਨੂੰ ਕਿਹਾ, ''ਮੈਨੂੰ ਅਜਿਹਾ ਲੱਗ ਰਿਹਾ ਹੈ ਕਿ ਸਾਰੀ ਗਲਤੀ ਮੇਰੀ ਹੈ ਅਤੇ ਇਹ ਗੱਲ ਮੈਨੂੰ ਝੰਜੋੜ ਰਹੀ ਹੈ।''

ਗੇਂਦ ਨਾਲ ਛੇੜਛਾੜ ਤੋਂ ਪਹਿਲਾਂ ਟੈਸਟ ਲੜੀ ਦੌਰਾਨ ਦੋਹਾਂ ਟੀਮਾਂ ਦੇ ਰਿਸ਼ਤੇ ਚੰਗੇ ਨਹੀਂ ਰਹੇ। ਪਹਿਲੇ ਟੈਸਟ ਮੈਚ ਦੌਰਾਨ ਵਾਰਨਰ ਅਤੇ ਕਵਿੰਟਨ ਡੀਕਾਕ ਦਰਮਿਆਨ ਲੜਾਈ ਹੋ ਗਈ ਸੀ। ਤੱਦ ਆਸਟਰੇਲੀਆਈ ਬੱਲੇਬਾਜ਼ ਨੇ ਕਿਹਾ ਸੀ ਕਿ ਦੱਖਣ ਅਫਰੀਕੀ ਵਿਕਟਕੀਪਰ ਨੇ ਉਨ੍ਹਾਂ ਦੀ ਪਤਨੀ ਲਈ ਅਪਸ਼ਬਦ ਕਹੇ ਸਨ। ਕ੍ਰਿਕਟ ਦੱਖਣ ਅਫਰੀਕਾ ਦੇ ਦੋ ਸਰਵਸ੍ਰੇਸ਼ਠ ਅਧਿਕਾਰੀਆਂ ਨੇ ਵੀ ਦੂਜੇ ਟੈਸਟ ਮੈਚ ਦੌਰਾਨ ਉਨ੍ਹਾਂ ਤਿੰਨ ਦਰਸ਼ਕਾਂ ਨਾਲ ਤਸਵੀਰਾਂ ਖਿਚਵਾਈਆਂ ਸੀ, ਜਿਨ੍ਹਾਂ ਨੇ ਕੈਂਡਿਸ ਵਾਰਨਰ ਨਾਲ ਸਬੰਧਾਂ ਦੇ ਸੰਦਰਭ ਵਿਚ ਆਲ ਬਲੈਕ ਰਗਬੀ ਖਿਡਾਰੀ ਸੋਨੀ ਬਿਲ ਵਿਲੀਅਨਸ ਦਾ ਮਖੌਟਾ ਪਾਇਆ ਸੀ।

ਉਨ੍ਹਾਂ ਨੇ ਕਿਹਾ ਕਿ ਪਰ ਉਨ੍ਹਾਂ ਨੂੰ ਮਖੌਟਾ ਪਹਿਨੇ ਹੋਏ ਵੇਖਣਾ, ਲੋਕਾਂ ਦਾ ਮੈਨੂੰ ਘੂਰਨਾ, ਮੇਰੇ ਵੱਲ ਇਸ਼ਾਰਾ ਕਰਨਾ, ਮੈਨੂੰ ਵੇਖ ਕੇ ਹੱਸਣਾ ਇੱਥੋਂ ਤੱਕ ਕਿ ਮੈਨੂੰ ਲੈ ਕੇ ਗੀਤ ਬਣਾਏ ਗਏ ਅਤੇ ਮੈਨੂੰ ਇਹ ਸਭ ਉੱਥੇ ਬੈਠ ਕੇ ਸਹਿਣਾ ਪੈ ਰਿਹਾ ਸੀ। ਕੈਂਡਿਸ ਨੇ ਆਸਟਰੇਲੀਆ ਪ੍ਰਸ਼ੰਸਕਾਂ ਨਾਲ ਵੀ ਹਮਦਰਦੀ ਅਤੇ ਸੰਜਮ ਦੀ ਅਪੀਲ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਇਹ ਬੱਲੇਬਾਜ਼ ਤੱਦ ਇਸ ਸਭ ਘਟਨਾਵਾਂ ਤੋਂ ਪਰੇਸ਼ਾਨ ਸੀ। ਦੱਸ ਦਈਏ ਕਿ ਵਾਰਨਰ ਤੋਂ ਪਹਿਲਾਂ ਕੈਂਡਿਸ ਰਗਬੀ ਖਿਡਾਰੀ ਸੋਨੀ ਬਿਲ ਵਿਲੀਅਨਸ ਨਾਲ ਪ੍ਰੇਮ-ਸਬੰਧ 'ਚ ਰਹੀ ਸੀ ਤੇ ਬਾਅਦ 'ਚ ਉਸ ਨੇ ਵਾਰਨਰ ਨਾਲ ਵਿਆਹ ਕਰਵਾ ਲਿਆ ਸੀ।