Marine Drive : ਇਨਸਾਨੀਅਤ ਜ਼ਿੰਦਾ ਹੈ ! ਮਰੀਨ ਡਰਾਈਵ 'ਤੇ ਭਾਰੀ ਭੀੜ ਦੇ ਵਿਚਕਾਰ ਟੀਮ ਇੰਡੀਆ ਦੇ ਫ਼ੈਨਜ ਨੇ ਐਂਬੂਲੈਂਸ ਨੂੰ ਦਿੱਤਾ ਰਸਤਾ

Mumbai’s Marine Drive : T20 ਵਿਸ਼ਵ ਕੱਪ 2024 ਜਿੱਤਣ ਵਾਲੀ ਭਾਰਤੀ ਕ੍ਰਿਕਟ ਟੀਮ ਮੁੰਬਈ ਵਿੱਚ ਇੱਕ ਸ਼ਾਨਦਾਰ ਪਰੇਡ ਵਿੱਚ ਹਿੱਸਾ ਲੈ ਰਹੀ ਹੈ। ਮੁੰਬਈ ਦੇ ਲੋਕ ਆਪਣੀ ਟੀਮ ਨੂੰ ਦੇਖਣ ਲਈ ਸੜਕਾਂ 'ਤੇ ਆ ਗਏ। ਇੰਝ ਲੱਗ ਰਿਹਾ ਜਿਵੇਂ ਮਰੀਨ ਡਰਾਈਵ 'ਤੇ ਪ੍ਰਸ਼ੰਸਕਾਂ ਦਾ ਹੜ੍ਹ ਆ ਗਿਆ ਹੋਵੇ। ਹਾਲਾਂਕਿ, ਇਸ ਭੀੜ ਵਿੱਚ ਇੱਕ ਐਂਬੂਲੈਂਸ ਫਸ ਗਈ, ਜਿਸ ਨੂੰ ਲੋਕਾਂ ਨੇ ਰਸਤਾ ਦਿੱਤਾ। ਇਹ ਘਟਨਾ ਇਨਸਾਨੀਅਤ ਦਾ ਸਬੂਤ ਹੈ!

ਇਹ ਉਹ ਪਲ ਸੀ ਜੋ ਦਰਸਾਉਂਦਾ ਹੈ ਕਿ ਪ੍ਰਸ਼ੰਸਕਾਂ ਦੇ ਉਤਸ਼ਾਹ ਦੇ ਵਿਚਕਾਰ ਵੀ ਇਨਸਾਨੀਅਤ ਜ਼ਿੰਦਾ ਹੈ। ਟੀਮ ਇੰਡੀਆ ਦੀ ਜਿੱਤ ਦਾ ਜਸ਼ਨ ਮਨਾਉਂਦੇ ਹੋਏ ਮੁੰਬਈ ਦੇ ਲੋਕਾਂ ਨੇ ਦੁਨੀਆ ਨੂੰ ਖੂਬਸੂਰਤ ਨਜ਼ਾਰਾ ਦਿਖਾਇਆ। ਉਹ ਆਪਣੇ ਹੀਰੋ ਲਈ ਜਨੂੰਨ ਨਾਲ ਭਰੇ ਸੀ, ਪਰ ਉਨ੍ਹਾਂ ਦਾ ਦਿਲ ਇਨਸਾਨੀਅਤ ਨਾਲ ਵੀ ਭਰਿਆ ਹੋਇਆ ਸੀ। ਇਹ ਘਟਨਾ ਇੱਕ ਵਾਰ ਫਿਰ ਸਾਬਤ ਕਰਦੀ ਹੈ ਕਿ ਭਾਰਤ ਦੀ ਆਤਮਾ ਕਿੰਨੀ ਸ਼ਕਤੀਸ਼ਾਲੀ ਹੈ, ਕਿੰਨੀ ਉਦਾਰ ਹੈ ਅਤੇ ਕਿੰਨੀ ਇਨਸਾਨੀਅਤ ਹੈ।

ਭਾਰਤੀ ਕ੍ਰਿਕਟ ਟੀਮ ਨੇ ਬਾਰਬਾਡੋਸ ਦੀ ਧਰਤੀ 'ਤੇ ਟੀ-20 ਵਿਸ਼ਵ ਕੱਪ 2024 ਦੇ ਫਾਈਨਲ 'ਚ ਦੱਖਣੀ ਅਫਰੀਕਾ ਨੂੰ ਹਰਾ ਕੇ ਤਿਰੰਗਾ ਲਹਿਰਾਇਆ ਸੀ। ਅੱਜ ਭਾਰਤੀ ਟੀਮ ਆਪਣੇ ਦੇਸ਼ ਪਰਤ ਆਈ ਹੈ। ਟੀਮ ਇੰਡੀਆ ਦੇ ਖਿਡਾਰੀਆਂ ਨੇ ਦਿੱਲੀ 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕੀਤੀ। ਫਿਰ ਸ਼ਾਮ ਨੂੰ ਮੁੰਬਈ ਵਿੱਚ ਜਿੱਤ ਪਰੇਡ ਵਿੱਚ ਹਿੱਸਾ ਲਿਆ।