ਟੀਮ ਨੂੰ ਜਿਤਾਉਣ ਦੇ ਜੋਸ਼ ਨਾਲ ਮੈਦਾਨ 'ਚ ਉਤਰਿਆ ਸੀ : ਕੁਨਾਲ ਪਾਂਡਿਅਾ
ਕਿੰਗਜ਼ ਇਲੈਵਨ ਪੰਜਾਬ ਵਿਰੁਧ ਅਾਖਰੀ ਉਵਰਾਂ ਵਿਚ ਧਮਾਕੇਦਾਰ ਬੱਲੇਬਾਜ਼ੀ ਦੇ ਜਰੀਏ ਮੁੰਬਈ ਦੀ ਜਿੱਤ ਪੱਕੀ ਕਰਨ ਵਿਚ ਅਹਿਮ ਯੋਗਦਾਨ ਪਾਉਣ ਵਾਲੇ ਆਲਰਾਉਂਡਰ...
ਇੰਦੌਰ, 5 ਮਈ : ਕਿੰਗਜ਼ ਇਲੈਵਨ ਪੰਜਾਬ ਵਿਰੁਧ ਅਾਖਰੀ ਉਵਰਾਂ ਵਿਚ ਧਮਾਕੇਦਾਰ ਬੱਲੇਬਾਜ਼ੀ ਦੇ ਜਰੀਏ ਮੁੰਬਈ ਦੀ ਜਿੱਤ ਪੱਕੀ ਕਰਨ ਵਿਚ ਅਹਿਮ ਯੋਗਦਾਨ ਪਾਉਣ ਵਾਲੇ ਆਲਰਾਉਂਡਰ ਕੁਨਾਲ ਪਾਂਡਿਅਾ ਨੇ ਅਪਣੇ ਪ੍ਰਦਰਸ਼ਨ 'ਤੇ ਖ਼ੁਸ਼ੀ ਜਤਾਈ ਹੈ। ਪੰਡਿਯਾ ਨੇ 12 ਗੇਂਦਾ ਤੇ 31 ਦੋੜਾਂ ਦੀ ਸ਼ਾਨਦਾਰ ਪਾਰੀ ਖੇਡ ਕੇ ਟੀਮ ਨੂੰ ਜਿੱਤ ਦਿਵਾਈ। ਮੈਚ ਤੋਂ ਬਾਅਦ ਪ੍ਰੈਸ ਕਾਨਫ਼ਰੰਸ ਵਿਚ ਗੱਲਬਾਤ ਦੌਰਾਨ ਕਿਹਾ ਕਿ ਮੈਂ ਅਪਣੇ ਪ੍ਰਦਰਸ਼ਨ ਤੋਂ ਖ਼ੁਸ਼ ਹਾਂ।
ਪਿਛਲੇ ਮੈਚ ਦੇ ਦੌਰਾਨ ਬੈਗਲੋਰ ਵਿਰੁਧ ਮੈਨੂੰ ਬੱਲੇਬਾਜ਼ੀ ਦਾ ਇਸ ਤਰ੍ਹਾਂ ਦਾ ਹੀ ਮੌਕਾ ਮਿਲਿਆ ਸੀ ਪਰ ਮੈਂ ਅਪਣੀ ਟੀਮ ਦੇ ਲਈ ਚੰਗਾ ਪ੍ਰਦਰਸ਼ਨ ਨਾ ਕਰ ਸਕਿਆ। ਅਪਣੇ ਕਰੋ ਜਾਂ ਮਰੋ ਦੇ ਮੈਚ ਵਿਚ ਮੁੰਬਈ ਨੇ ਪੰਜਾਬ 'ਤੇ ਜਿੱਤ ਦਰਜ ਕਰ ਲਈ ਹੈ। ਓਪਨਰ ਸੂਰਿਆਕੁਮਾਰ ਯਾਦਵ (57) ਦੇ ਸ਼ਾਨਦਾਰ ਅਰਧ ਸੈਂਕੜੇ ਤੇ ਕਪਤਾਨ ਰੋਹਿਤ ਸ਼ਰਮਾ (24) ਤੇ ਕੁਨਾਲ ਪਾਂਡਿਅਾ (31) ਦੀਆਂ ਅਜੇਤੂ ਪਾਰੀਆਂ ਦੀ ਬਦੌਲਤ ਪਿਛਲੇ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਨੇ ਕਿੰਗਸ ਇਲੈਵਨ ਪੰਜਾਬ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਆਈ.ਪੀ.ਐਲ. 11 ਦੇ ਪਲੇਅ ਆਫ਼ 'ਚ ਜਾਣ ਦੀਆਂ ਅਪਣੀਆਂ ਉਮੀਦਾਂ ਨੂੰ ਬਰਕਰਾਰ ਰਖਿਆ।
ਇਨ੍ਹਾਂ ਦੋਹਾਂ ਨੇ ਆਖਰੀ ਓਵਰਾਂ 'ਚ ਸ਼ਾਨਦਾਰ ਬੱਲੇਬਾਜ਼ੀ ਕਰ ਕੇ ਟੀਮ ਨੂੰ 4 ਵਿਕਟਾਂ 'ਤੇ 176 ਦੌੜਾਂ ਬਣਾ ਕੇ 19 ਓਵਰਾਂ 'ਚ ਹੀ ਜਿੱਤ ਦਿਵਾ ਦਿਤੀ। ਮੁੰਬਈ ਦੀ 9 ਮੈਚਾਂ 'ਚ ਇਹ ਤੀਜੀ ਜਿੱਤ ਹੈ ਜਦਕਿ ਪੰਜਾਬ ਦੀ 8 ਮੈਚਾਂ 'ਚ ਇਹ ਤੀਜੀ ਹਾਰ ਹੈ। ਮੁੰਬਈ ਨੇ ਹਾਲਾਂਕਿ ਇਹ ਮੈਚ ਜਿੱਤ ਲਿਆ ਹੈ ਪਰ ਅਜੇ ਵੀ ਉਸ ਨੂੰ ਅਪਣੇ ਬਾਕੀ 5 ਮੈਚ ਜਿੱਤਣੇ ਪੈਣਗੇ ਤਾਂ ਹੀ ਉਹ ਪਲੇਅ ਆਫ਼ 'ਚ ਪਹੁੰਚ ਸਕੇਗਾ।