Dabang Delhi Beat Jaipur Pink Panthers 35-24

ਪਟਨਾ: ਨਵੀਨ ਕੁਮਾਰ ਦੇ 12 ਅਤੇ ਚੰਦਰਨ ਰੰਜੀਤ ਦੇ 10 ਅੰਕਾਂ ਦੇ ਦਮ ‘ਤੇ ਦਬੰਗ ਦਿੱਲੀ ਟੀਮ ਪ੍ਰੋ ਕਬੱਡੀ ਲੀਗ ਦੇ ਸੱਤਵੇਂ ਸੀਜ਼ਨ ਦੇ 27ਵੇਂ ਮੈਚ ਵਿਚ ਸੋਮਵਾਰ ਨੂੰ ਪਾਟਲਿਪੁੱਤਰ ਸਪੋਰਟਸ ਕੰਪਲੈਕਸ ਵਿਚ ਜੈਪੁਰ ਪਿੰਕ ਪੈਂਥਰਜ਼ ਨੂੰ 35-24 ਨਾਲ ਹਰਾ ਕੇ ਅੰਕ ਸੂਚੀ ਵਿਚ ਪਹਿਲੇ ਸਥਾਨ ‘ਤੇ ਪਹੁੰਚ ਗਈ ਹੈ। ਦਬੰਗ ਦਿੱਲੀ ਦੀ ਪੰਜ ਮੈਚਾਂ ਵਿਚ ਇਹ ਚੌਥੀ ਜਿੱਤ ਹੈ। ਦਬੰਗ ਦਿੱਲੀ ਦੀ ਟੀਮ ਹੁਣ 21 ਅੰਕਾਂ ਨਾਲ ਪਹਿਲੇ ਸਥਾਨ ‘ਤੇ ਪਹੁੰਚ ਗਈ ਹੈ।

ਉੱਥੇ ਹੀ ਜੈਪੁਰ ਨੂੰ ਪੰਜ ਮੈਚਾਂ ਵਿਚ ਪਹਿਲੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਪਹਿਲੀ ਪਾਰੀ ਦੀ ਸਮਾਪਤੀ ਤੋਂ ਬਾਅਦ ਦਬੰਗ ਦਿੱਲੀ 16-20 ਨਾਲ ਅੱਗੇ ਸੀ। ਦੂਜੀ ਪਾਰੀ ਵਿਚ ਵੀ ਦਬੰਗ ਦਿੱਲੀ ਨੇ ਲਗਾਤਾਰ ਅੰਕ ਲੈਂਦੇ ਹੋਏ ਅਪਣੇ ਅੰਕਾਂ ਨੂੰ 29-17 ਤੱਕ ਪਹੁੰਚਾ ਦਿੱਤਾ ਅਤੇ ਫਿਰ 35-24 ਨਾਲ ਜਿੱਤ ਦਰਜ ਕਰ ਲਈ। ਦਿੱਲੀ ਨੇ ਰੇਡ ਨਾਲ 21, ਟੈਕਲ ਨਾਲ ਅੱਠ, ਆਲਆਊਟ ਨਾਲ ਚਾਰ ਅਤੇ ਦੋ ਅਤੇ ਦੋ ਹੋਰ ਅੰਕ ਲਏ। ਜੈਪੁਰ ਵੱਲੋਂ ਦੀਪਕ ਹੁੱਡਾ ਨੇ 11 ਅੰਕ ਹਾਸਲ ਕੀਤੇ। ਜੈਪੁਰ ਨੂੰ ਰੇਡ ਨਾਲ 19, ਟੈਕਲ ਨਾਲ ਤਿੰਨ ਅਤੇ ਦੋ ਹੋਰ ਅੰਕ ਮਿਲੇ।

Sports ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter ਤੇ follow ਕਰੋ