ਟੋਕੀਉ ਉਲੰਪਿਕ: ਕੁਸ਼ਤੀ ਦੇ ਸੈਮੀਫਾਈਨਲ ਵਿਚ 12-5 ਨਾਲ ਹਾਰੇ ਬਜਰੰਗ ਪੁਨੀਆ

Bajrang Punia

ਟੋਕੀਓ: ਟੋਕੀਓ ਉਲੰਪਿਕਸ ਵਿੱਚ ਭਾਰਤ ਵੱਲੋਂ ਤਮਗੇ ਦੇ ਦਾਅਵੇਦਾਰ ਪਹਿਲਵਾਨ ਬਜਰੰਗ ਪੁਨੀਆ ਸੈਮੀਫਾਈਨਲ ਮੈਚ ਹਾਰ ਗਏ ਹਨ। ਅਜ਼ਰਬੈਜਾਨ ਦੇ ਹਾਜੀ ਐਲਿਏਵ ਨੇ ਉਨ੍ਹਾਂ ਨੂੰ 12-5 ਨਾਲ ਹਰਾਇਆ। ਐਲਿਏਵ  57 ਕਿਲੋਗ੍ਰਾਮ ਵਿੱਚ ਰੀਓ 2016 ਦੇ ਕਾਂਸੀ ਤਮਗਾ ਜੇਤੂ ਅਤੇ 61 ਕਿਲੋਗ੍ਰਾਮ ਵਿੱਚ 3 ਵਾਰ ਦੀ ਵਿਸ਼ਵ ਚੈਂਪੀਅਨ ਹਨ।

ਹੁਣ ਬਜਰੰਗ ਪੁਨੀਆ ਸ਼ਨੀਵਾਰ ਨੂੰ ਕਾਂਸੀ ਦੇ ਤਗਮੇ ਲਈ ਮੈਦਾਨ ਵਿੱਚ ਉਤਰਣਗੇ ਸ਼ੁਰੂਆਤੀ ਮਿੰਟ ਵਿੱਚ ਬਜਰੰਗ ਨੇ ਇੱਕ ਅੰਕ ਦੀ ਬੜ੍ਹਤ ਬਣਾ ਲਈ ਸੀ ਪਰ, ਅਜ਼ਰਬੈਜਾਨ ਦੇ ਪਹਿਲਵਾਨ ਨੇ ਬਜਰੰਗ 'ਤੇ  ਆਪਣਾ ਜ਼ੋਰ ਵਿਖਾਇਆ।

ਅਜ਼ਰਬੈਜਾਨ ਦੇ ਪਹਿਲਵਾਨ ਨੇ ਬਜਰੰਗ ਦੇ ਵਿਰੁੱਧ ਇੱਕ ਛੋਟੀ ਜਿਹੀ ਬਾਜ਼ੀ ਦੀ ਮਦਦ ਨਾਲ ਕਈ ਅੰਕ ਹਾਸਲ ਕਰ ਲਏ। 65 ਕਿਲੋਗ੍ਰਾਮ ਭਾਰ ਵਰਗ ਦੇ ਕੁਆਰਟਰ ਫਾਈਨਲ ਮੈਚ ਵਿੱਚ ਪੂਨੀਆ ਨੇ ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ ਕਾਂਸੀ ਤਮਗਾ ਜੇਤੂ ਇਰਾਨ ਦੇ ਮੋਰਤੇਜ਼ਾ ਘਿਆਸੀ ਨੂੰ ਹਰਾ ਕੇ ਜਿੱਤ ਹਾਸਲ ਕੀਤੀ ਸੀ।