julia webb

ਨਵੀਂ ਦਿੱਲੀ: ਖੇਡਾਂ ਦੀ ਦੁਨੀਆਂ ਵਿਚ ਸੁਪਰ ਮੰਮੀ ਦਾ ਜਲਵਾ ਅਕਸਰ ਦੇਖਣ ਨੂੰ ਮਿਲਦਾਹੈ। ਮੈਰੀਕਾਮ ਨੇ ਬਾਕਸਿੰਗ ਰਿੰਗ ਵਿਚ ਟੈਨਿਸ ਕੋਰਟ 'ਤੇ ਕਿਮ ਸੇਰੇਨਾ ਵਿਲੀਅਮਜ਼ ਨੇ ਆਪਣੀ ਸ਼ਕਤੀ ਦਿਖਾਈ। ਅਮਰੀਕਾ ਦੀ ਇਕ ਹੋਰ ਸੁਪਰ ਮੰਮੀ ਨੇ ਹਾਫ਼ ਮੈਰਾਥਨ ਵਿਚ ਸੋਨ ਤਗਮਾ ਜਿੱਤ ਕੇ ਇਤਿਹਾਸ ਰਚਿਆ ਹੈ।

ਅਮਰੀਕਾ ਦੀ ਜੂਲੀਆ ਵੈਬ ਨੇ ਆਪਣੀ 10 ਮਹੀਨੇ ਦੀ ਬੱਚੀ ਨੂੰ ਇੱਕ ਸਕ੍ਰੌਲਰ ਵਿਚ ਲੈ ਕੇ ਅਤੇ ਹਾਫ ਮੈਰਾਥਨ ਵਿਚ ਦੌੜ ਲਗਾਈ ਅਤੇ ਸੋਨੇ ਦਾ ਤਗਮਾ ਵੀ ਜਿੱਤਿਆ। ਅਮਰੀਕਾ ਦੀ ਜੂਲੀਆ ਵੈਬ ਨੇ ਓਕਲਾਹੋਮਾ ਦੇ ਰੂਟ 66 ਹਾਫ਼ ਮੈਰਾਥਨ ਵਿਚ 1 ਘੰਟਾ 21 ਮਿੰਟ ਅਤੇ 23 ਸੈਕਿੰਡ ਵਿਚ ਦੌੜ ਪੂਰੀ ਕਰਕੇ ਸੋਨ ਤਗਮਾ ਜਿੱਤਿਆ।

 

 

ਇਸ ਜਿੱਤ ਦੀ ਸਭ ਤੋਂ ਖਾਸ ਗੱਲ ਇਹ ਸੀ ਕਿ ਜੂਲੀਆ ਨੇ ਆਪਣੀ ਦਸ ਮਹੀਨਿਆਂ ਦੀ ਬੱਚੀ ਨੂੰ ਨਾਲ ਲੈ ਕੇ ਦੌੜ ਪੂਰੀ ਕੀਤੀ।

ਉਸਨੇ ਆਪਣੀ ਧੀ ਨੂੰ ਇੱਕ ਸਕ੍ਰੌਲਰ ਵਿਚ ਲੈ ਕੇ ਦੌੜ ਪੂਰੀ ਕੀਤੀ। ਜੂਲੀਆ ਨੇ ਦੌੜ ਲਗਾਉਂਦੇ ਸਕ੍ਰੌਲਰ ਨੂੰ ਧੱਕਾ ਦੇ ਕੇ ਹਾਫ਼ ਮੈਰਾਥਨ ਪੂਰੀ ਕੀਤੀ। ਹਾਫ਼ ਮੈਰਾਥਨ ਵਿਚ ਜੂਲੀਆ ਨੇ ਆਪਣੀ ਬੱਚੀ ਨਾਲ ਦੌੜ ਲਗਾ ਕੇ ਪਹਿਲੇ ਸਥਾਨ ਹਾਸਲ ਕੀਤਾ।

ਦੂਜੇ ਨੰਬਰ ਤੇ ਰਹਿਣ ਵਾਲੀ ਧਾਵਿਕਾ ਨੂੰ ਜੂਲੀਆ ਨੇ ਦੋ ਮਿੰਟ ਦੇ ਫਰਕ ਨਾਲ ਹਰਾ ਦਿੱਤਾ। ਇਹ ਹਾਫ ਮੈਰਾਥਨ ਜਿੱਤਣ ਤੋਂ ਬਾਅਦ ਉਸਨੇ ਆਪਣੇ ਪਤੀ ਅਤੇ ਬੱਚਿਆਂ ਨਾਲ ਤਸਵੀਰ ਖਿਚਵਾਈ। ਜੂਲੀਆ ਦੋ ਬੱਚਿਆਂ ਦੀ ਮਾਂ ਹੈ, ਉਸਨੇ ਦੌੜ ਵਿਚ ਭਾਗ ਲੈ ਕੇ ਅਤੇ ਇਸ ਨੂੰ ਜਿੱਤ ਕੇ ਇੱਕ ਮਾਂ ਬਣਨ ਤੋਂ ਬਾਅਦ ਵੀ ਇੱਕ ਮਿਸਾਲ ਕਾਇਮ ਕੀਤੀ ਹੈ।  

ਜੂਲੀਆ ਦੀ ਜਿੱਤ ਬੇਮਿਸਾਲ ਸੀ ਅਤੇ ਇਸ ਜਿੱਤ ਤੋਂ ਬਾਅਦ ਹੁਣ ਉਸ ਦਾ ਨਾਮ ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਵਿਚ ਦਰਜ ਕੀਤਾ ਜਾ ਸਕਦਾ ਹੈ। ਉਸ ਦਾ ਵੀਡੀਓ ਵਿਸ਼ਵ ਰਿਕਾਰਡ ਕਮੇਟੀ ਨੂੰ ਭੇਜਿਆ ਗਿਆ ਹੈ ਹੁਣ ਕਮੇਟੀ ਇਸ ਵੀਡੀਓ ਦੀ ਤਰਜੀਹ ਦੀ ਜਾਂਚ ਕਰੇਗੀ। ਇਸਦਾ ਫੈਸਲਾ 12 ਹਫ਼ਤਿਆਂ ਵਿਚ ਕੀਤਾ ਜਾਵੇਗਾ।