CWG 2022: ਭਾਰਤ ਨੇ ਆਸਟਰੇਲੀਆ ਨਾਲ ਪੁਰਸ਼ ਹਾਕੀ ਦੇ ਫਾਈਨਲ ਵਿਚੋਂ ਚਾਂਦੀ ਦਾ ਤਗਮਾ ਜਿੱਤਿਆ

CWG 2022: India wins silver medal from men's hockey final with Australia

ਨਵੀਂ ਦਿੱਲੀ - ਭਾਰਤੀ ਪੁਰਸ਼ ਹਾਕੀ ਟੀਮ ਦਾ ਰਾਸ਼ਟਰਮੰਡਲ ਖੇਡਾਂ 2022 ਵਿਚ ਸੋਨ ਤਮਗਾ ਜਿੱਤਣ ਦਾ ਸੁਪਨਾ ਟੁੱਟ ਗਿਆ ਹੈ ਤੇ ਹੁਣ ਭਾਰਤ ਦੇ ਹਿੱਸੇ ਚਾਂਦੀ ਦਾ ਤਮਗ਼ਾ ਹੀ ਆਇਆ ਹੈ। ਆਸਟਰੇਲਿਆਈ ਟੀਮ ਨੇ ਮੈਚ ਵਿਚ ਪੂਰੀ ਤਰ੍ਹਾਂ ਦਬਦਬਾ ਬਣਾਇਆ ਅਤੇ ਭਾਰਤ ਨੂੰ 7-0 ਨਾਲ ਹਰਾਇਆ। ਆਸਟਰੇਲੀਆ ਦੀ ਪੁਰਸ਼ ਹਾਕੀ ਟੀਮ ਨੇ ਰਾਸ਼ਟਰਮੰਡਲ ਖੇਡਾਂ ਵਿਚ ਲਗਾਤਾਰ ਸੱਤਵੀਂ ਵਾਰ ਸੋਨ ਤਮਗਾ ਜਿੱਤਿਆ ਹੈ। ਭਾਰਤ ਨੇ ਫਾਈਨਲ ਤੱਕ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ, ਭਾਰਤ ਨੇ ਸੈਮੀਫਾਈਨਲ ਵਿਚ ਦੱਖਣੀ ਅਫਰੀਕਾ ਨੂੰ 3-2 ਨਾਲ ਹਰਾਇਆ ਸੀ। 

ਆਸਟਰੇਲੀਆ ਨੇ ਪਹਿਲੇ ਕੁਆਰਟਰ ਵਿਚ 2-0 ਦੀ ਬੜ੍ਹਤ ਬਣਾ ਲਈ ਸੀ, ਜਿਸ ਨੂੰ ਉਹ ਅੱਗੇ ਵਧਾਉਂਦਾ ਰਿਹਾ। ਆਸਟਰੇਲੀਆ ਨੇ ਦੂਜੇ ਕੁਆਰਟਰ ਵਿੱਚ 3 ਗੋਲ ਕਰਕੇ ਵਧੀਆ ਪ੍ਰਦਰਸ਼ਨ ਕੀਤਾ। ਹਾਲਾਂਕਿ ਇਸ ਕੁਆਰਟਰ ਦੇ ਪਹਿਲੇ 5 ਮਿੰਟਾਂ 'ਚ ਭਾਰਤੀ ਖਿਡਾਰੀਆਂ ਨੇ ਚੰਗਾ ਪ੍ਰਦਰਸ਼ਨ ਕੀਤਾ। ਇਸ ਦੇ ਨਾਲ ਹੀ ਆਸਟਰੇਲਿਆਈ ਟੀਮ ਤੀਜੇ ਕੁਆਰਟਰ ਵਿਚ ਕੋਈ ਗਲਤੀ ਕਰਦੀ ਨਜ਼ਰ ਨਹੀਂ ਆਈ।

ਟੀਮ ਨੇ ਇੱਕ ਗੋਲ ਆਪਣੇ ਨਾਮ ਕਰ ਲਿਆ। ਚੌਥੇ ਅਤੇ ਆਖਰੀ ਕੁਆਰਟਰ ਵਿਚ ਵੀ ਭਾਰਤੀ ਟੀਮ ਆਪਣੀ ਛਾਪ ਛੱਡਣ ਵਿਚ ਨਾਕਾਮ ਰਹੀ। ਆਸਟਰੇਲੀਆ ਨੇ ਇਸ ਕੁਆਰਟਰ ਵਿੱਚ ਇੱਕ ਗੋਲ ਕੀਤਾ ਜਦਕਿ ਭਾਰਤ ਦਾ ਖਾਤਾ ਖਾਲੀ ਰਿਹਾ ਤੇ ਇਸੇ ਤਰ੍ਹਾਂ ਹੀ ਚੰਗਾ ਪਆਦਰਸ਼ਨ ਕਰਦੇ-ਕਰਦੇ ਆਸਟਰੇਲੀਆ ਟੀਮ ਨੇ ਗੋਲਡ ਹਾਸਲ ਕਰ ਲਿਆ ਤੇ ਭਾਰਤ ਦੇ ਹਿੱਸੇ ਚਾਂਦੀ ਦਾ ਤਮਗ਼ਾ ਹੀ ਆਿਆ।