Paris Olympic 2024 : ਸਿਆਸੀ ਨਾਅਰੇ ਵਾਲੀ ਪੋਸ਼ਾਕ ਪਹਿਨਣ ਕਾਰਨ ਅਫਗਾਨ ਬ੍ਰੇਕ ਡਾਂਸਰ ਨੂੰ ਅਯੋਗ ਕਰਾਰ

Paris Olympic 2024 : ਅਫ਼ਗਾਨਿਸਤਾਨ ਦੀ ਰਹਿਣ ਵਾਲੀ ਅਤੇ ਓਲੰਪਿਕ ’ਚ ਸ਼ਰਨਾਰਥੀ ਟੀਮ ਵਲੋਂ ਹਿੱਸਾ ਲੈ ਰਹੀ ਅਫਗਾਨ ਬ੍ਰੇਕ ਡਾਂਸਰ ਮਨੀਝਾ ਤਲਾਸ਼ ਨੂੰ ਪ੍ਰੀ-ਕੁਆਲੀਫਾਇਰ ਦੌਰਾਨ ‘ਫਰੀ ਅਫਗਾਨ ਵੂਮੈਨ’ (ਅਫ਼ਗਾਨਿਸਤਾਨ ਦੀਆਂ ਔਰਤਾਂ ਨੂੰ ਆਜ਼ਾਦੀ ਦਿਉ) ਦੇ ਨਾਅਰੇ ਵਾਲੀ ਪੋਸ਼ਾਕ ਪਹਿਨਣ ਕਾਰਨ ਸ਼ੁਕਰਵਾਰ ਨੂੰ ਅਯੋਗ ਕਰਾਰ ਦੇ ਦਿਤਾ ਗਿਆ। 
21 ਸਾਲ ਦੀ ਇਸ ਬ੍ਰੇਕ ਡਾਂਸਰ ਨੂੰ ਜੇਕਰ ਅਯੋਗ ਨਾ ਵੀ ਠਹਿਰਾਇਆ ਜਾਂਦਾ ਤਾਂ ਵੀ ਉਹ ਅੱਗੇ ਨਹੀਂ ਵਧ ਸਕਦੀ ਸੀ ਕਿਉਂਕਿ ਉਹ ਨੀਦਰਲੈਂਡ ਦੀ ਬ੍ਰੇਕ ਡਾਂਸਰ ਇੰਡੀਆ ਸਾਰਡਜੋ ਤੋਂ ਹਾਰ ਗਈ ਸੀ। 
ਓਲੰਪਿਕ ’ਚ ਖੇਡ ਦੇ ਮੈਦਾਨ ਅਤੇ ਪੋਡੀਅਮ ’ਤੇ ਸਿਆਸੀ ਬਿਆਨਾਂ ਅਤੇ ਨਾਅਰਿਆਂ ’ਤੇ ਪਾਬੰਦੀ ਹੈ। ਵਰਲਡ ਡਾਂਸਪੋਰਟ ਫੈਡਰੇਸ਼ਨ ਨੇ ਬਾਅਦ ਵਿਚ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਪ੍ਰੀ-ਕੁਆਲੀਫਾਇਰ ਮੁਕਾਬਲੇ ਦੌਰਾਨ ਅਪਣੀ ਪਹਿਰਾਵੇ ’ਤੇ ਸਿਆਸੀ ਨਾਅਰਾ ਲਗਾਉਣ ਲਈ ਉਸ ਨੂੰ ਅਯੋਗ ਕਰਾਰ ਦਿਤਾ ਗਿਆ ਹੈ। ਤਲਾਸ਼ ਨੇ 2021 ਵਿਚ ਅਫਗਾਨਿਸਤਾਨ ਛੱਡ ਦਿਤਾ ਸੀ ਅਤੇ ਸਪੇਨ ਵਿਚ ਸ਼ਰਨ ਲਈ ਸੀ।     (ਪੀਟੀਆਈ)

(For more news apart from  Afghan break dancer disqualified for wearing costume with political slogans News in Punjabi, stay tuned to Rozana Spokesman)