ਇੰਡੀਅਨ ਪ੍ਰੀਮਿਅਰ ਲੀਗ ਦੇ ਗਿਆਰਵੇਂ ਸੀਜਨ ਲਈ ਨੀਲਾਮੀ ਸ਼ੁਰੂ ਹੋ ਚੁੱਕੀ ਹੈ। ਪਹਿਲੇ ਪੜਾਅ ਦੀ ਨੀਲਾਮੀ ਸ਼ੁੱਕਰਵਾਰ ਨੂੰ ਹੋਈ ਜਿਸ ਵਿਚ ਕਈ ਕ੍ਰਿਕਟਰਾਂ ਨੂੰ ਚੰਗੀਆਂ ਕੀਮਤਾਂ ਉਤੇ ਖਰੀਦਿਆ ਗਿਆ ਤਾਂ ਕਿਸੇ ਨੂੰ ਕਿਸੇ ਵੀ ਫਰੈਂਚਾਇਜੀ ਨਾਲ ਜੁੜਣ ਦਾ ਮੌਕਾ ਨਹੀਂ ਮਿਲਿਆ। ਇਸ ਨੀਲਾਮੀ ਵਿਚ ਕੁਝ ਚੌਂਕਾਉਣ ਵਾਲੀਆਂ ਘਟਨਾਵਾਂ ਵੀ ਹੋਈਆਂ। ਜਿੱਥੇ ਇਕ ਤਰਫ ਦਿੱਗਜ ਕ੍ਰਿਕਟਰ ਯੁਵਰਾਜ ਸਿੰਘ ਕੁਲ ਦੋ ਕਰੋੜ ਰੁਪਏ ਵਿਚ ਵਿਕੇ ਤਾਂ ਉਥੇ ਹੀ ਦੂਜੇ ਪਾਸੇ ਕੇਐਲ ਰਾਹੁਲ ਅਤੇ ਮਨੀਸ਼ ਪਾਂਡੇ ਵਰਗੇ ਨੌਜਵਾਨ ਖਿਡਾਰੀ 11 - 11 ਕਰੋੜ ਵਿਚ ਵਿਕੇ। ਯੁਵਰਾਜ ਸਿੰਘ ਨੂੰ ਉਨ੍ਹਾਂ ਦੇ ਬੇਸ ਪ੍ਰਾਇਸ ਉਤੇ ਕਿੰਗਸ ਇਲੈਵਨ ਪੰਜਾਬ ਨੇ ਖਰੀਦਿਆ ਹੈ।