23 ਸਾਲ ਦੀ ਪੰਜਾਬਣ ਨੇ ਕਰਾ ਦਿੱਤੀ ਬੱਲੇ-ਬੱਲੇ, ਕ੍ਰਿਕਟ ਮੈਚ 'ਚ ਫੜ੍ਹੀ ਸ਼ਾਨਦਾਰ ਕੈਚ, ਹੋਈ ਵਾਇਰਲ

Harleen Deol

ਨਵੀਂ ਦਿੱਲੀ: ਭਾਰਤ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਇਕ ਵਾਰ ਚਰਚਾਵਾਂ ਵਿਚ ਆ ਗਈ ਹੈ। ਬੇਸ਼ੱਕ ਮੀਂਹ ਕਾਰਣ ਉਹ ਮੈਚ ਹਾਰ ਗਈ ਹੋਵੇ ਪਰ ਮੈਚ ਵਿਚ ਇਸ 23 ਸਾਲ ਦੀ ਪੰਜਾਬ ਦੀ ਧੀ ਨੇ ਉਹ ਕਰ ਦਿਖਾਇਆ ਜਿਸ ਨੂੰ ਤੁਸੀਂ ਵਿਰਾਟ ਕੋਹਲੀ ਅਤੇ ਸੁਰੇਸ਼ ਰੈਣਾ ਵਰਗੇ ਖਿਡਾਰੀ ਨੂੰ ਕਰਦੇ ਹੋਏ ਵੇਖਿਆ ਹੋਵੇਗਾ।

ਪੰਜਾਬ ਦੀ ਇਹ ਧੀ ਮੈਚ ਵਿਚ ਉਸ ਵੇਲੇ ਜਾਨ ਪਾ ਦਿੱਤੀ ਜਿਸ ਵੇਲੇ ਉਹ ਇਕ ਸ਼ਾਨਦਾਰ ਕੈਚ ਫੜਦੀ ਹੈ। ਗੱਲ ਕਰ ਰਹੇ ਮਹਿਲਾ ਕ੍ਰਿਕਟ ਟੀਮ ਦੀ ਖਿਡਾਰਨ ਹਰਲੀਨ ਦਿਓਲ ਦੀ। ਜਿਸ ਦੇ ਕੈਚ ਫੜਨ ਦੇ ਵੱਖਰੇ ਹੀ ਸਟਾਈਲ ਦੇ ਵੱਡੇ-ਵੱਡੇ ਕ੍ਰਿਕਟਰ ਵੀ ਫੈਨ ਹੋ ਗਏ।

ਦੱਸ ਦਈਏ ਕਿ ਇਹ ਹਰਲੀਨ ਦੀ ਇਹ ਵੀਡੀਓ ਉਸ ਵੇਲੇ ਵਾਇਰਲ ਹੋ ਜਾਂਦੀ ਹੈ ਜਦ ਉਹ ਇੰਗਲੈਂਡ ਦੀ ਇਕ ਖਿਡਾਰਨ ਦੀ ਕੈਚ ਨੂੰ ਵੱਖਰੇ ਹੀ ਸਟਾਈਲ ਨਾਲ ਫੜਦੀ ਹੈ। ਜਿਹੜੀ ਕਿ ਵੇਖਦੇ ਹੀ ਵੇਖਦੇ ਵਾਇਰਲ ਹੋ ਜਾਂਦੀ ਹੈ।

ਤੁਸੀਂ ਵੇਖ ਸਕਦੇ ਹੋ ਕਿਵੇਂ ਆਪਣੀ ਐਥਲੈਟਿਕਸ ਸਕਿੱਲ ਦੀ ਵਰਤੋਂ ਕਰਦੇ ਹੋਏ ਹਰਲੀਨ ਕੈਚ ਫੜਦੀ ਹੈ। ਪਹਿਲਾਂ ਤਾਂ ਉਹ ਛਾਲ ਮਾਰ ਕੈਚ ਫੜਦੀ ਹੈ ਤੇ ਆਪਣਾ ਸੰਤੁਲਨ ਬਣਾਉਣ ਲਈ ਬਾਓਡਰੀ ਤੋਂ ਪਾਰ ਡਿੱਗਦੀ ਹੈ ਅਤੇ ਫਿਰ ਸੰਤੋਲਨ ਬਣਾਉਂਦੇ ਹੋਏ ਦੁਬਾਰਾ ਕੈਚ ਨੂੰ ਫੜਦੀ ਹੈ।

ਚੰਡੀਗੜ੍ਹ ਦੀ ਰਹਿਣ ਵਾਲੀ ਹਰਲੀਨ ਕੌਰ ਦਿਓਲ ਵੱਲੋਂ ਫੜ੍ਹੀ ਇਸ ਕੈਚ ਨੇ ਉਸ ਨੂੰ ਹੀਰੋ ਤੋਂ ਸੁਪਰ ਖਿਡਾਰਨ ਬਣਾ ਦਿੱਤਾ ਹੈ। ਹਰਲੀਨ ਵੱਲੋਂ ਇਹ ਕੈਚ ਉਸ ਵੇਲੇ ਫੜਿਆ ਜਾਂਦਾ ਹੈ ਜਦ ਇੰਗਲੈਂਡ ਦੀ Amy Ellen Jones ਚੰਗੀ ਸ਼ਾਟ ਖੇਡਦੀ ਹੈ ਅਤੇ ਉਸ ਦੀ ਕੈਚ ਸਿੱਧਾ ਹਰਲੀਨ ਦੇ ਹੱਥਾਂ ਵਿਚ ਪਹੁੰਚਦੀ ਹੈ।

ਮੈਚ ਦੀ ਸ਼ੁਰੂਆਤ ਇੰਗਲੈਂਡ ਪਹਿਲਾਂ ਬੈਟਿੰਗ ਲੈ ਕੇ ਕਰਦੀ ਹੈ ਅਤੇ 20 ਓਵਰਾਂ ਵਿਚ 7 ਵਿਕਟਾਂ ਗੁਆ ਕੇ 177 ਰਨ ਬਣਾਉਂਦੀ ਹੈ। ਇਸ ਟੀਚੇ ਦਾ ਪਿੱਛਾ ਕਰਨ ਉਤਰੀ ਭਾਰਤ ਦੀ ਟੀਮ 4 ਓਵਰਾਂ ਸਿਰਫ 22 ਰਨ ਹੀ ਬਣਾ ਪਾਉਂਦੀ ਹੈ ਅਤੇ ਡਕਵਰਥ ਲੁਇਸ ਦੇ ਨਿਯਮ ਤਹਿਤ ਹਾਰ ਜਾਂਦੀ ਹੈ।

ਹਰਲੀਨ ਦੀ ਕੈਚ ਫੜਣ ਵਾਲੀ ਵੀਡੀਓ ਇਸ ਕਦਰ ਵਾਇਰਲ ਹੋ ਰਹੀ ਹੈ ਕਿ ਵੱਡੇ-ਵੱਡੇ ਖਿਡਾਰੀ ਵੀ ਉਸ ਦੇ ਮੁਰੀਦ ਹੋ ਗਏ। ਕ੍ਰਿਕਟ ਦੇ ਗਾਡਫਾਦਰ ਵਜੋਂ ਜਾਣੇ ਜਾਣ ਵਾਲੇ ਸਚਿਨ ਤੇਂਦੁਲਕਰ ਟਵੀਟ ਕਰ ਹਰਲੀਨ ਦਿਓਲ ਬਾਰੇ ਲਿੱਖਦੇ ਨੇ ਕਿ ਇਹ ਇਕ ਸ਼ਾਨਦਾਰ ਕੈਚ ਸੀ ਹਰਲੀਨ ਦਿਓਲ। ਮੇਰੇ ਲਈ ਇਹ ਸਾਲ ਦੀ ਸਭ ਤੋਂ ਸ਼ਾਨਦਾਰ ਕੈਚ ਹੈ। ਇਸ ਤੋਂ ਇਲਾਵਾ ਸਾਬਕਾ ਖਿਡਾਰੀ ਵੀ. ਵੀ. ਐੱਸ. ਲਕਸ਼ਮਣ, ਹਰਭਜਨ ਸਿੰਘ ਅਤੇ ਆਨੰਦ ਮਹਿੰਦਰਾ ਵਰਗੇ ਹਸਤੀਆਂ ਨੇ ਵੀ ਤਰੀਫਾਂ ਦੇ ਪੁੱਲ ਬੰਨ੍ਹ ਦਿੱਤੇ ਹਨ।

ਜਿਸ ਤੋਂ ਬਾਅਦ ਲੋਕਾਂ ਵੱਲੋਂ ਖੁਸ਼ੀ ਭਰੇ ਮੈਸੇਜਾਂ ਦੀ ਲੈਨ ਹੀ ਲੱਗ ਗਈ। ਉਥੇ ਹੀ ਕਈ ਲੋਕ ਹਰਲੀਨ ਦੀ ਇਸ ਵੀਡੀਓ ਨੂੰ ਰੀ-ਟਵੀਟ ਕਰਨ ਲੱਗੇ। ਹਾਲਾਂਕਿ ਅਜਿਹੀਆਂ ਕੈਚ ਤੁਸੀਂ ਵਿਰਾਟ ਕੋਹਲੀ, ਸੁਰੇਸ਼ ਰੈਨਾ ਨੂੰ ਕਰਦੇ ਹੋਏ ਵੇਖਿਆ ਹੋਵੇਗਾ ਪਰ ਹਰਲੀਨ ਦੀ ਇਕ ਕੈਚ ਨੇ ਉਸ ਨੂੰ ਵੀ ਸ਼ਾਨਦਾਰ ਕੈਚ ਫੜਣ ਵਾਲੇ ਖਿਡਾਰੀਆਂ ਦੀ ਲਿਸਟ ਵਿਚ ਸ਼ਾਮਲ ਕਰਾ ਦਿੱਤਾ ਹੈ।