IPL 2024: ਮੀਂਹ ਕਾਰਨ ਰੱਦ ਹੋਇਆ ਗੁਜਰਾਤ ਤੇ ਕੋਲਕਾਤਾ ਦਾ ਮੈਚ, ਪਲੇਆਫ ਦੀ ਦੌੜ 'ਚੋਂ ਬਾਹਰ ਹੋਈ ਟਾਈਟਨਜ਼  

IPL 2024: ਨਵੀਂ ਦਿੱਲੀ -  ਸੋਮਵਾਰ ਨੂੰ ਗੁਜਰਾਤ ਟਾਈਟਨਸ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਖੇਡਿਆ ਗਿਆ ਮੈਚ ਮੀਂਹ ਕਾਰਨ ਬੇਸਿੱਟਾ ਰਿਹਾ। ਮੈਚ ਵਿਚ ਟਾਸ ਵੀ ਨਹੀਂ ਹੋਇਆ ਸੀ। ਇਸ ਨਤੀਜੇ ਨਾਲ ਟਾਈਟਨਸ ਪਲੇਆਫ਼ ਦੀ ਦੌੜ ਤੋਂ ਬਾਹਰ ਹੋਣ ਵਾਲੀ ਤੀਜੀ ਟੀਮ ਬਣ ਗਈ। ਕੇਕੇਆਰ ਦਾ ਕੁਆਲੀਫਾਇਰ-1 ਖੇਡਣ ਦੀ ਪੁਸ਼ਟੀ ਹੋ​ ਗਈ ਹੈ।

ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਸੋਮਵਾਰ ਨੂੰ ਭਾਰੀ ਮੀਂਹ ਕਾਰਨ ਮੈਚ ਦਾ ਟਾਸ ਨਹੀਂ ਹੋ ਸਕਿਆ। ਮੈਚ ਰੱਦ ਕਰਨਾ ਪਿਆ ਅਤੇ ਦੋਵਾਂ ਟੀਮਾਂ ਨੂੰ 1-1 ਅੰਕ ਮਿਲਿਆ। ਗੁਜਰਾਤ ਟਾਈਟਨਜ਼ ਦੀਆਂ ਹੁਣ 13 ਮੈਚਾਂ ਵਿਚ 5 ਜਿੱਤਾਂ, 7 ਹਾਰਾਂ ਅਤੇ ਇੱਕ ਨਿਰਣਾਇਕ ਮੈਚ ਵਿਚ 11 ਅੰਕ ਹਨ। ਹੁਣ ਟੀਮ ਆਖਰੀ ਮੈਚ ਜਿੱਤ ਕੇ ਵੀ ਸਿਰਫ਼ 13 ਅੰਕਾਂ ਤੱਕ ਹੀ ਪਹੁੰਚ ਸਕੇਗੀ, ਜੋ ਪਲੇਆਫ 'ਚ ਪਹੁੰਚਣ ਲਈ ਕਾਫ਼ੀ ਨਹੀਂ ਹੈ।

ਕੋਲਕਾਤਾ ਦੇ ਹੁਣ 13 ਮੈਚਾਂ ਵਿਚ 9 ਜਿੱਤਾਂ, 3 ਹਾਰਾਂ ਅਤੇ ਇੱਕ ਨਿਰਣਾਇਕ ਮੈਚ ਵਿਚ 19 ਅੰਕ ਹਨ। ਟੀਮ ਸਿਖਰ 'ਤੇ ਹੈ ਅਤੇ ਉਨ੍ਹਾਂ ਦਾ ਟਾਪ-2 ਵਿਚ ਰਹਿਣਾ ਪੱਕਾ ਹੈ। ਕਿਉਂਕਿ ਰਾਜਸਥਾਨ ਤੋਂ ਇਲਾਵਾ ਕੋਈ ਵੀ ਟੀਮ 18 ਤੋਂ ਵੱਧ ਅੰਕ ਹਾਸਲ ਕਰਕੇ ਪਲੇਆਫ ਵਿੱਚ ਥਾਂ ਨਹੀਂ ਬਣਾ ਸਕੇਗੀ। ਇਸ ਲਈ ਕੇਕੇਆਰ ਹੁਣ 21 ਮਈ ਨੂੰ ਅਹਿਮਦਾਬਾਦ ਵਿਚ ਕੁਆਲੀਫਾਇਰ-1 ਖੇਡੇਗੀ।