Michael Jordan's Sneakers Sell For Record-Breaking 615,000 dollar

ਨਵੀਂ ਦਿੱਲੀ: ਮਸ਼ਹੂਰ ਬਾਸਕੇਟਬਾਲ ਖਿਡਾਰੀ ਅਤੇ ਅਮਰੀਕਾ ਦੀ ਡ੍ਰੀਮ ਟੀਮ ਦਾ ਹਿੱਸਾ ਰਹੇ ਮਾਈਕਲ ਜਾਰਡਨ ਦੇ ਸਨੀਕਰਸ (ਮੈਚ ਵਿਚ ਪਾਏ ਜਾਣ ਵਾਲੇ ਬੂਟ) ਛੇ ਲੱਖ 15 ਹਜ਼ਾਰ ਡਾਲਰ ਰਿਕਾਰਡ ਕੀਮਤ ਵਿਚ ਨਿਲਾਮ ਹੋਏ ਹੋਏ ਹਨ। ਕ੍ਰਿਸਟੀ ਆਕਸ਼ਨ ਮੁਤਾਬਕ ਇਹਨਾਂ ਖ਼ਾਸ ਬੂਟਾਂ ਨੇ ਕਰੀਬ 4 ਕਰੋੜ 60 ਲੱਖ ਰੁਪਏ ਕਮਾਏ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਕੁਝ ਮਹੀਨੇ ਪਹਿਲਾਂ ਇਸ ਬਾਸਕੇਟਬਾਲ ਸਟਾਰ ਦੇ ਬੂਟ ਰਿਕਾਰਡ ਕੀਮਤ ‘ਤੇ ਵਿਕੇ ਸੀ।

ਇਸ ਬਾਰ ਦੀ ਨਿਲਾਮੀ ਨੇ ਉਸ ਰਿਕਾਰਡ ਨੂੰ ਤੋੜ ਦਿੱਤਾ ਹੈ। ਮਈ ਵਿਚ ਏਅਰ ਜਾਰਡਨ-1 ਟੀਮ ਦੇ ਉਹਨਾਂ ਦੇ ਬੂਟ ਕਰੀਬ ਪੰਜ ਲੱਖ 60 ਹਜ਼ਾਰ ਡਾਲਰ ਵਿਚ ਵਿਕੇ ਸੀ। ਪਰ ਨਵੀਂ ਨਿਲਾਮੀ ਵਿਚ ਹਾਲਾਂਕਿ ਉਮੀਦ ਤੋਂ ਘੱਟ ਰਕਮ ਇਕੱਠੀ ਕੀਤੀ ਗਈ ਹੈ। ਅਯੋਜਕਾਂ ਨੂੰ ਉਮੀਦ ਸੀ ਕਿ ਇਸ ਤੋਂ ਉਹ ਸਾਢੇ ਛੇ ਲੱਖ ਤੋਂ ਸਾਢੇ ਅੱਠ ਲੱਖ ਡਾਲਰ ਦੀ ਰਕਮ ਇਕੱਠੀ ਕਰ ਲਈ ਜਾਵੇਗੀ।

ਅਯੋਜਕਾਂ ਦਾ ਕਹਿਣਾ ਹੈ ਕਿ ਸਨੀਕਰਸ ਏਅਰ ਜਾਨਡਨ-1 ਟੀਮ ਦੇ ਹਨ, ਜੋ ਐਨਬੀਏ ਸਟਾਰ ਨੇ 1985 ਦੇ ਇਕ ਪ੍ਰਦਰਸ਼ਨੀ ਮੈਚ ਵਿਚ ਪਾਏ ਸਨ। ਇਹ ਮੈਚ ਇਟਲੀ ਵਿਚ ਖੇਡਿਆ ਗਿਆ ਸੀ। ਇਸ ਮੈਚ ਵਿਚ ਜਾਰਡਨ ਨੇ ਗੇਂਦ ਨੂੰ ਇੰਨੀ ਜ਼ੋਰ ਨਾਲ ਮਾਰਿਆ ਸੀ ਕਿ ਬੈਕਬੋਰਡ ਦੀ ਕੱਚ ਟੁੱਟ ਗਈ ਸੀ। ਸੇਲਜ਼ ਮੁਖੀ ਨੇ ਕਿਹਾ ਕਿ ਇਹ ਬੂਟ ਅਸਲੀ ਹਨ ਅਤੇ ਉਹਨਾਂ ਨੇ ਬੂਟ ਪਾ ਕੇ ਕੁੱਲ 30 ਅੰਕ ਹਾਸਲ ਕੀਤੇ ਸੀ।

ਲਾਲ ਅਤੇ ਕਾਲੇ ਰੰਗ ਦੇ ਇਹ ਬੂਟ ਸ਼ਿਕਾਗੋ ਬੁਲਜ਼ ਦੀ ਉਹਨਾਂ ਦੀ ਟੀਮ ਦੇ ਹੀ ਹਨ। ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਜਾਰਡਨ ਨੇ ਅਪਣੇ 14 ਸਾਲ ਦੇ ਕੈਰੀਅਰ ਦੌਰਾਨ ਜਿੰਨੇ ਵੀ ਬੂਟ ਲਈ, ਉਹਨਾਂ ਸਾਰੇ 9 ਜੋੜੇ ਬੂਟਾਂ ਦੀ ਨਿਲਾਮੀ ਹੋ ਚੁੱਕੀ ਹੈ ਅਤੇ ਕ੍ਰਿਸਟੀ ਨੇ ਹੀ ਉਹਨਾਂ ਦੀ ਨਿਲਾਮੀ ਕੀਤੀ ਹੈ।

ਜੂਨ ਵਿਚ ਜਾਰਡਨ ਅਤੇ ਨਾਈਕੀ ਦੀ ਮਾਲਕੀਅਤ ਵਾਲੇ ਜਾਰਡਨ ਬ੍ਰਾਂਡ ਨੇ ਐਲਾਨ ਕੀਤਾ ਸੀ ਕਿ ਉਹ ਨਸਲੀ ਸਮਾਨਤਾ ਅਤੇ ਸਮਾਜਕ ਨਿਆਂ ਨੂੰ ਉਤਸ਼ਾਹ ਦੇਣ ਲਈ ਸਮਰਪਿਤ ਸੰਗਠਨਾਂ ਨੂੰ 10 ਕਰੋੜ ਦਾ ਦਾਨ ਦੇਣਗੇ। ਮਾਈਕਲ ਜਾਰਡਨ ਦੁਨੀਆਂ ਦੇ ਸਭ ਤੋਂ ਮਸ਼ਹੂਰ ਬਾਸਕੇਟਬਾਲ ਖਿਡਾਰੀਆਂ ਵਿਚੋਂ ਇਕ ਰਹੇ ਹਨ।