ਪਹਿਲੇ ਟੈਸਟ ਮੈਚ ‘ਚ ਵੈਸਟਇੰਡੀਜ਼ ਦੀ ਪਾਕਿਸਤਾਨ ‘ਤੇ 1 ਵਿਕਟ ਨਾਲ ਰੋਮਾਂਚਕ ਜਿੱਤ

West Indies beat Pakistan by 1 wicket in thrilling 1st test

ਕਿੰਗਸਟਨ: ਤਜ਼ਰਬੇਕਾਰ ਤੇਜ਼ ਗੇਂਦਬਾਜ਼ ਕੇਮਾਰ ਰੋਚ ਅਤੇ ਨੌਜਵਾਨ ਜੇਡੇਨ ਸੀਲਜ਼ ਵਿਚਕਾਰ 17 ਦੌੜਾਂ ਦੀ ਸਾਂਝੇਦਾਰੀ ਦੇ ਦਮ ‘ਤੇ ਵੈਸਟਇੰਡੀਜ਼ ਨੇ ਪਹਿਲੇ ਟੈਸਟ 'ਚ ਪਾਕਿਸਤਾਨ  ‘ਤੇ ਇਕ ਵਿਕਟ ਨਾਲ ਰੋਮਾਂਚਕ ਜਿੱਤ ਦਰਜ ਕੀਤੀ। ਸੀਲਸ ਨੇ ਪਹਿਲਾਂ 55 ਦੌੜਾਂ ਦੇ ਕੇ ਪੰਜ ਵਿਕਟਾਂ ਵੀ ਲਈਆਂ ਸੀ। ਵੈਸਟਇੰਡੀਜ਼ ਨੇ ਦੂਜੀ ਪਾਰੀ 'ਚ ਪਾਕਿਸਤਾਨ ਨੂੰ 203 ਦੌੜਾਂ 'ਤੇ ਆਊਟ ਕਰ ਕੇ 167 ਦੌੜਾਂ ਤੱਕ ਪਹੁੰਚਾਇਆ।

ਮੇਜ਼ਬਾਨ ਟੀਮ ਦੀਆਂ ਤਿੰਨ ਵਿਕਟਾਂ 16 ਦੌੜਾਂ 'ਤੇ ਡਿੱਗ ਗਈਆਂ, ਜਿਸ ਤੋਂ ਬਾਅਦ ਜਰਮੇਨ ਬਲੈਕਵੁੱਡ ਨੇ ਅਰਧ ਸੈਂਕੜਾ ਲਗਾ ਕੇ ਟੀਮ ਨੂੰ ਛੇ ਵਿਕਟਾਂ' ਤੇ 111 ਦੌੜਾਂ 'ਤੇ ਪਹੁੰਚਾ ਦਿੱਤਾ। ਮੈਚ ਬਰਾਬਰੀ 'ਤੇ ਰਿਹਾ ਪਰ ਜੈਸਨ ਹੋਲਡਰ ਚਾਹ ਤੋਂ ਠੀਕ ਪਹਿਲਾਂ ਆਊਟ ਹੋ ਗਏ, ਵੈਸਟਇੰਡੀਜ਼ ਨੇ ਸੱਤ ਵਿਕਟਾਂ' ਤੇ 114 ਦੌੜਾਂ ਬਣਾ ਲਈਆਂ ਅਤੇ ਉਸ ਨੂੰ ਜਿੱਤ ਲਈ ਅਜੇ ਵੀ 54 ਦੌੜਾਂ ਦੀ ਲੋੜ ਸੀ।

ਆਖਰੀ ਸੈਸ਼ਨ ਵਿਚ, ਰੋਚ ਨੇ ਜੋਸ਼ੁਆ ਡਾ ਸਿਲਵਾ ਨਾਲ 28 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਤੋਂ ਬਾਅਦ ਸੀਲਜ਼ ਦੇ ਨਾਲ ਇੱਕ ਮਹੱਤਵਪੂਰਣ ਸਾਂਝੇਦਾਰੀ ਕਰ ਕੇ ਮੇਜ਼ਬਾਨ ਟੀਮ ਨੂੰ ਜਿੱਤ ਤੱਕ ਪਹੁੰਚਾਇਆ। ਰੋਚ ਨੇ ਉਸ ਦੀ 30 ਦੌੜਾਂ ਦੀ ਅਜੇਤੂ ਪਾਰੀ ਨੂੰ ਉਸ ਦੇ 66 ਟੈਸਟ ਕਰੀਅਰ ਦੀ ਸਰਬੋਤਮ ਪਾਰੀ ਦੱਸਿਆ ਪਾਕਿਸਤਾਨ ਲਈ ਸ਼ਾਹੀਨ ਅਫਰੀਦੀ ਨੇ 50 ਦੌੜਾਂ ਦੇ ਕੇ ਚਾਰ ਅਤੇ ਹਸਨ ਅਲੀ ਨੇ 37 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ।