ਫ਼ੀਫ਼ਾ ਵਿਸ਼ਵ ਕੱਪ 2022 : ਅਰਜਨਟੀਨਾ ਫਾਈਨਲ ਵਿਚ ਫਰਾਂਸ ਨੂੰ ਹਰਾ ਕੇ ਵਿਸ਼ਵ ਕੱਪ ਚੈਂਪੀਅਨ ਬਣਿਆ

ਕਤਰ, : ਫ਼ੀਫ਼ਾ ਵਿਸ਼ਵ ਕੱਪ 2022 ਦਾ ਫ਼ਾਈਨਲ ਮੁਕਾਬਲਾ ਫ਼ਰਾਂਸ ਅਤੇ ਅਰਜਨਟੀਨਾ ਵਿਚਾਲੇ ਖੇਡਿਆ ਗਿਆ| ਕਤਰ ਦੇ ਲੁਸੈਲ ਸਟੇਡੀਅਮ ਵਿਚ ਅਰਜਨਟੀਨਾ ਨੇ ਪਹਿਲੇ ਹਾਫ਼ ਵਿਚ ਹੀ ਦੋ ਗੋਲ ਕੀਤੇ| ਲਿਓਨੇਲ ਮੈਸੀ ਨੇ 23ਵੇਂ ਮਿੰਟ ਵਿਚ ਅਤੇ ਐਂਜਲ ਡੀ ਮਾਰੀਆ ਨੇ 36ਵੇਂ ਮਿੰਟ ਵਿੱਚ ਇਕ-ਇਕ ਗੋਲ ਕੀਤਾ| ਦੂਜੇ ਹਾਫ ਵਿੱਚ ਵੀ ਦੋਵੇਂ ਟੀਮਾਂ ਗੋਲ ਨਹੀਂ ਕਰ ਸਕੀਆਂ|

ਮੈਚ ਦੇ 21ਵੇਂ ਮਿੰਟ ਵਿਚ ਅਰਜਨਟੀਨਾ ਦੇ ਐਂਜਲ ਡੀ ਮਾਰੀਆ ਗੇਂਦ ਨਾਲ ਫ਼ਰਾਂਸ ਦੇ ਪੈਨਲਟੀ ਬਾਕਸ ਵਲ ਦੌੜਿਆ| ਉਹ ਡੱਬੇ ਅੰਦਰ ਜਾਣ ਲਈ ਖੱਬੇ ਵਿੰਗ ਤੋਂ ਹੇਠਾਂ ਦੌੜਿਆ ਪਰ ਫ਼ਰਾਂਸ ਦੇ ਓਸਮਾਨ ਡੇਮਬੇਲੇ ਨੇ ਉਸ ਨੂੰ ਫ਼ਾਊਲ ਕਰ ਦਿਤਾ| ਫ਼ਾਊਲ ਤੋਂ ਬਾਅਦ ਰੈਫ਼ਰੀ ਨੇ ਅਰਜਨਟੀਨਾ ਨੂੰ ਪੈਨਲਟੀ ਦਿਤੀ| ਲਿਓਨੇਲ ਮੈਸੀ ਨੇ 23ਵੇਂ ਮਿੰਟ ਵਿਚ ਪੈਨਲਟੀ ਸ਼ਾਟ ਮਾਰਿਆ| ਗੇਂਦ ਨੈੱਟ ਦੇ ਹੇਠਲੇ ਸੱਜੇ ਕੋਨੇ ਵਿਚ ਗਈ ਅਤੇ ਅਰਜਨਟੀਨਾ 1-0 ਨਾਲ ਅੱਗੇ ਹੋ ਗਿਆ| ਇਸ ਗੋਲ ਨਾਲ ਮੈਸੀ ਨੇ ਟੂਰਨਾਮੈਂਟ ’ਚ 6 ਗੋਲ ਕੀਤੇ ਹਨ| ਉਹ ਟੂਰਨਾਮੈਂਟ ਵਿਚ ਸਭ ਤੋਂ ਵੱਧ ਗੋਲ ਕਰਨ ਵਾਲਾ ਖਿਡਾਰੀ ਬਣ ਗਿਆ|

ਸ਼ੁਰੂਆਤੀ ਬੜ੍ਹਤ ਦੇ ਬਾਵਜੂਦ, ਅਰਜਨਟੀਨਾ ਨੇ ਫ਼ਰਾਂਸ ’ਤੇ ਹਮਲਾ ਕਰਨਾ ਜਾਰੀ ਰਖਿਆ| 35ਵੇਂ ਮਿੰਟ ਵਿਚ ਅਰਜਨਟੀਨਾ ਦੇ ਲਿਓਨੇਲ ਮੇਸੀ ਨੇ ਸੱਜੇ ਵਿੰਗ ਤੋਂ ਗੇਂਦ ਨਾਲ ਦੌੜਿਆ| ਉਸ ਨੇ ਫ਼੍ਰੈਂਚ ਪੈਨਲਟੀ ਬਾਕਸ ਵਿਚ ਸਾਥੀ ਖਿਡਾਰੀ ਮੈਕ ਅਲਿਸਟਰ ਨੂੰ ਪਾਸ ਦਿਤਾ| ਮੈਕਐਲਿਸਟਰ ਨੇ ਉਸੇ ਸਮੇਂ ਗੇਂਦ ਐਂਜਲ ਡੀ ਮਾਰੀਆ ਨੂੰ ਦਿਤੀ| 36ਵੇਂ ਮਿੰਟ ਵਿਚ ਫ਼ਰਾਂਸ ਦੇ ਗੋਲਕੀਪਰ ਹਿਊਗੋ ਲੋਰਿਸ ਨੇ ਡੀ ਮਾਰੀਆ ਵਲ ਦੌੜਿਆ ਪਰ ਡੀ ਮਾਰੀਆ ਨੇ ਗੋਲ ਵਲ ਇਕ ਸ਼ਾਟ ਚਲਾਇਆ| ਗੇਂਦ ਸਿੱਧੀ ਨੈੱਟ ਵਿਚ ਗਈ ਅਤੇ ਸਕੋਰ ਅਰਜਨਟੀਨਾ ਦੇ ਹੱਕ ਵਿਚ 2-0 ਹੋ ਗਿਆ|

ਇਸ ਤੋਂ ਬਾਅਦ ਫ਼ਰਾਂਸ ਨੇ ਅਰਜਨਟੀਨਾ ਨੇ ਹਮਲਾ ਕਰ ਦਿਤਾ ਤੇ 80ਵੇਂ ਤੇ 82ਵੇਂ ਮਿੰਟ ਵਿਚ ਦੋ ਗੋਲ ਕਰ ਦਿਤੇ| ਅੰਤਮ ਪਲਾਂ ਵਿਚ ਅਰਜਨਟੀਨਾ ਨੇ ਇਕ ਗੋਲ ਕਰ ਕੇ ਬਾਜ਼ੀ ਜਿੱਤ ਲਈ ਅਤੇ ਉਹ 2022 ਦਾ ਚੈਂਪੀਅਨ ਬਣ ਗਿਆ| (ਏਜੰਸੀ)