ਜੀਸ਼ਾਨ ਨੇ ਈਸ਼ਾਨ ਕਿਸ਼ਨ ਨੂੰ ਆਊਟ ਕਰਕੇ ਮੈਦਾਨ ਤੋਂ ਬਾਹਰ ਜਾਣ ਦਾ ਕੀਤਾ ਇਸ਼ਾਰਾ 

Zeeshan signals to get Ishan Kishan out and leave the field.

ਹੈਦਰਾਬਾਦ : ਆਈ.ਪੀ.ਐਲ. 2026 ਦੀ ਸ਼ੁਰੂਆਤ 28 ਮਾਰਚ ਨੂੰ ਰਾਇਲ ਚੈਲੰਜਰਜ਼ ਬੰਗਲੌਰ ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ ਵਿਚਕਾਰ ਓਪਨਿੰਗ ਮੈਚ ਨਾਲ ਹੋਣ ਵਾਲੀ ਹੈ । ਇਸ ਤੋਂ ਪਹਿਲਾਂ ਲੰਘੇ ਸ਼ਨੀਵਾਰ 21 ਮਾਰਚ ਨੂੰ ਹੈਦਰਾਬਾਦ ਨੇ ਇੱਕ ਪ੍ਰੈਕਟਿਸ ਮੈਚ ਵੀ ਖੇਡਿਆ ਸੀ। ਇਸ ਮੈਚ ਵਿੱਚ ਗੇਂਦਬਾਜ਼ ਜੀਸ਼ਾਨ ਅੰਸਾਰੀ ਨੇ ਆਪਣੇ ਸਟੈਂਡ-ਇਨ ਕਪਤਾਨ ਈਸ਼ਾਨ ਕਿਸ਼ਨ ਨੂੰ ਆਊਟ ਕਰਕੇ ਉਂਗਲੀ ਉੱਠਾ ਕੇ ਉਨ੍ਹਾਂ ਨੂੰ ਬਾਹਰ ਜਾਣ ਦਾ ਇਸ਼ਾਰਾ ਕੀਤਾ ਜਦਕਿ ਈਸ਼ਾਨ ਕਿਸ਼ਨ ਹੱਸਦੇ ਹੋਏ ਬਾਹਰ ਚਲੇ ਗਏ। ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਦੂਜੀ ਪਾਰੀ ਦੇ 8ਵੇਂ ਓਵਰ ਵਿੱਚ ਜੀਸ਼ਾਨ ਅੰਸਾਰੀ ਗੇਂਦਬਾਜ਼ੀ ਕਰ ਰਹੇ ਸਨ। ਈਸ਼ਾਨ ਕਿਸ਼ਨ ਨੇ ਓਵਰ ਦੀਆਂ ਸ਼ੁਰੂਆਤੀ ਚਾਰ ਗੇਂਦਾਂ 'ਤੇ ਦੋ ਛੱਕੇ ਅਤੇ ਦੋ ਚੌਕੇ ਲਾ ਕੇ 20 ਰਨ ਬਣਾ ਲਏ । ਜਦਕਿ ਜੀਸ਼ਾਨ ਨੇ ਈਸ਼ਾਨ ਕਿਸ਼ਨ ਨੂੰ ਡੀਪ ਸਕੁਐਅਰ ਲੈੱਗ 'ਤੇ ਕੈਚ ਆਊਟ ਕਰਵਾ ਦਿੱਤਾ।