ਲਕਸ਼ੈ ਸੇਨ ਨੇ ਜਿੱਤਿਆ ਬੁਲਗਾਰੀਆ ਓਪਨ ਦਾ ਖਿਤਾਬ

ਨਵੀਂ ਦਿੱਲੀ- ਪ੍ਰਤਿਭਾਸ਼ਾਲੀ ਸ਼ਟਲਰ ਲਕਸ਼ੈ ਸੇਨ ਬੁਲਗਾਰੀਆ ਦੇ ਸੋਫੀਆ 'ਚ ਚਲ ਰਹੀ ਬੁਲਗਾਰੀਆ ਓਪਨ ਕੌਮਾਂਤਰੀ ਬੈਡਮਿੰਟਨ ਸੀਰੀਜ਼ ਦੇ ਫਾਈਨਲ 'ਚ ਕ੍ਰੋਏਸ਼ੀਆ ਦੇ ਜਵੋਨਿਮਿਰ ਡੁਰਕਿਜਾਕ ਨੂੰ ਹਰਾ ਕੇ ਚੈਂਪੀਅਨ ਬਣੇ। ਦੂਜਾ ਦਰਜਾ ਪ੍ਰਾਪਤ ਡੁਰਕਿਜਾਕ ਤੋਂ ਪਹਿਲਾ ਸੈੱਟ ਗੁਆਉਣ ਦੇ ਬਾਅਦ ਲਕਸ਼ੈ ਨੇ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਅਗਲੇ ਦੋਵੇਂ ਗੇਮ ਆਪਣੇ ਨਾਂ ਕੀਤੇ।

ਹਾਲ ਹੀ 'ਚ ਆਪਣਾ 16ਵਾਂ ਜਨਮ ਦਿਨ ਮਨਾਉਣ ਵਾਲੇ ਉੱਤਰਾਖੰਡ ਦੇ ਇਸ ਸ਼ਟਲਰ ਨੇ ਡੁਰਕਿਜਾਕ ਨੂੰ 18-21, 21-12, 21-17 ਨਾਲ ਹਰਾਇਆ। ਵਿਸ਼ਵ ਦੇ ਜੂਨੀਅਰ ਨੰਬਰ ਇਕ ਬੈਡਮਿੰਟਨ ਖਿਡਾਰੀ ਰਹਿ ਚੁੱਕੇ ਸੇਨ ਨੂੰ ਹਾਲ ਹੀ 'ਚ ਸਾਬਕਾ ਆਲ ਇੰਗਲੈਂਡ ਚੈਂਪੀਅਨ ਪੀਟਰ ਗੇਡ ਦੇ ਕੋਲ ਕੋਚਿੰਗ ਦੇ ਲਈ ਭੇਜਿਆ ਗਿਆ। ਗੇਡ ਅਜੇ ਫਰਾਂਸ ਦੇ ਮੁੱਖ ਕੋਚ ਹਨ।