Ricky Ponting : ਬੱਲੇਬਾਜ਼ ਰਿਕੀ ਪੌਂਟਿੰਗ ਨੇ ਭਾਰਤੀ ਕ੍ਰਿਕਟ ਟੀਮ ਦੇ ਮੁੱਖ ਕੋਚ ਬਣਨ ਦੀ ਪੇਸ਼ਕਸ਼ ਨੂੰ ਠੁਕਰਾਇਆ 

Ricky Ponting : ਨਵੀਂ ਦਿੱਲੀ- ਆਸਟਰੇਲੀਆ ਦੇ ਮਹਾਨ ਬੱਲੇਬਾਜ਼ ਰਿਕੀ ਪੌਂਟਿੰਗ ਨੇ ਖੁਲਾਸਾ ਕੀਤਾ ਹੈ ਕਿ ਭਾਰਤ ਦੇ ਮੁੱਖ ਕੋਚ ਦੇ ਖ਼ਾਲੀ ਹੋਣ ਵਾਲੇ ਅਹੁਦੇ ਨੂੰ ਭਰਨ ਲਈ ਉਨ੍ਹਾਂ ਨਾਲ ਸੰਪਰਕ ਕੀਤਾ ਗਿਆ ਸੀ ਪਰ ਉਨ੍ਹਾਂ ਨੇ ਇਸ ਪੇਸ਼ਕਸ਼ ਨੂੰ ਠੁਕਰਾ ਦਿੱਤਾ ਕਿਉਂਕਿ ਇਹ ਉਨ੍ਹਾਂ ਦੀ ਜੀਵਨ ਸ਼ੈਲੀ ਵਿਚ ਫਿੱਟ ਨਹੀਂ ਬੈਠਦਾ। ਪੋਂਟਿੰਗ, ਜਿਸ ਨੇ ਹਾਲ ਹੀ ’ਚ ਦਿੱਲੀ ਕੈਪੀਟਲਜ਼ ਆਈਪੀਐੱਲ ਫਰੈਂਚਾਈਜ਼ੀ ਦੇ ਮੁੱਖ ਕੋਚ ਵਜੋਂ ਸੱਤ ਸੀਜ਼ਨ ਪੂਰੇ ਕੀਤੇ ਹਨ, ਇਸ ਤੋਂ ਪਹਿਲਾਂ ਆਸਟਰੇਲੀਆ ਦੇ ਅੰਤਰਿਮ ਟੀ-20 ਕੋਚ ਵਜੋਂ ਕੰਮ ਕਰ ਚੁੱਕਿਆ ਹੈ। ਉਸ ਨੇ ਇਹ ਨਹੀਂ ਦੱਸਿਆ ਕਿ ਭਾਰਤੀ ਕੋਚ ਦੇ ਅਹੁਦੇ ਲਈ ਬੀਸੀਸੀਆਈ ਵੱਲੋਂ ਕੋਈ ਸੁਝਾਅ ਆਇਆ ਜਾਂ ਨਹੀਂ।

ਇਹ ਵੀ ਪੜੋ:Bathinda Suicide News : ਬਠਿੰਡਾ ’ਚ ਮਜ਼ਦੂਰ ਨੇ ਵਾਟਰ ਵਰਕਸ ਵਾਲੀ ਡਿੱਗੀ ’ਚ ਛਾਲ ਮਾਰ ਕੀਤੀ ਖ਼ੁਦਕੁਸ਼ੀ 

ਰਿਕੀ ਪੋਂਟਿੰਗ ਨੇ ਆਈਸੀਸੀ ਨੂੰ ਕਿਹਾ, 'ਆਈਪੀਐਲ ਦੌਰਾਨ ਇਹ ਜਾਣਨ ਲਈ ਕੁਝ ਆਹਮੋ-ਸਾਹਮਣੇ ਗੱਲਬਾਤ ਹੋਈ ਸੀ ਕਿ ਕੀ ਮੈਂ ਇਸ ਅਹੁਦੇ ਵਿਚ ਦਿਲਚਸਪੀ ਰੱਖਦਾ ਹਾਂ ਜਾਂ ਨਹੀਂ। ਮੈਂ ਰਾਸ਼ਟਰੀ ਟੀਮ ਦਾ ਸੀਨੀਅਰ ਕੋਚ ਬਣਨਾ ਪਸੰਦ ਕਰਾਂਗਾ ਪਰ ਮੇਰੀ ਜ਼ਿੰਦਗੀ ’ਚ ਹੋਰ ਚੀਜ਼ਾਂ ਹਨ ਅਤੇ ਮੈਂ ਘਰ ਵਿਚ ਕੁਝ ਸਮਾਂ ਬਿਤਾਉਣਾ ਚਾਹੁੰਦਾ ਹਾਂ। ਹਰ ਕੋਈ ਜਾਣਦਾ ਹੈ ਕਿ ਜੇਕਰ ਤੁਸੀਂ ਭਾਰਤੀ ਟੀਮ ਨਾਲ ਕੰਮ ਕਰਦੇ ਹੋ ਤਾਂ ਤੁਸੀਂ IPL ਟੀਮ ਨਾਲ ਨਹੀਂ ਜੁੜ ਸਕਦੇ। ਇਸ ਤੋਂ ਇਲਾਵਾ ਰਾਸ਼ਟਰੀ ਮੁੱਖ ਕੋਚ ਦੀ ਨੌਕਰੀ ਸਾਲ ਵਿੱਚ 10 ਜਾਂ 11 ਮਹੀਨੇ ਹੁੰਦੀ ਹੈ ਅਤੇ ਮੈਂ ਇਹ ਕਰਨਾ ਚਾਹੁੰਦਾ ਹਾਂ, ਇਹ ਮੇਰੀ ਜੀਵਨ ਸ਼ੈਲੀ ਅਤੇ ਉਨ੍ਹਾਂ ਚੀਜ਼ਾਂ ਵਿੱਚ ਫਿੱਟ ਨਹੀਂ ਬੈਠਦਾ।

(For more news apart from Ricky Ponting turned down offer become head coach Indian cricket team News in Punjabi, stay tuned to Rozana Spokesman)