ਮਾਂ ਦੀ ਸਿੱਖਿਆ ਨਾਲ ਵਿਨੇਸ਼ ਫੋਗਾਟ ਨੇ ਪਾਰ ਕੀਤੀਆਂ ਚੁਣੌਤੀਆਂ, ਬਣੀ ਦੁਨੀਆਂ ਦੀ ਸਰਬੋਤਮ ਪਹਿਲਵਾਨ
ਬਚਪਨ ਵਿਚ ਜਦੋਂ ਪਿਤਾ ਰਾਜਪਾਲ ਫੋਗਾਟ ਦੀ ਮੌਤ ਹੋ ਗਈ ਸੀ ਤਾਂ ਤਦ ਮਾਂ ਕੈਂਸਰ ਤੋਂ ਪੀੜਤ ਸੀ
ਨਵੀਂ ਦਿੱਲੀ - ਪੰਜ ਸਾਲ ਦੀ ਉਮਰ ਵਿਚ ਦਰੋਣਾਚਾਰੀਆ ਐਵਾਰਡ ਅਤੇ ਮਹਾਬੀਰ ਫੋਗਾਟ ਦੇ ਅਖਾੜੇ ਵਿਚ ਕੁਸ਼ਤੀ ਦੀਆਂ ਚਾਲਾਂ ਸਿੱਖਣ ਵਾਲੀ ਵਿਨੇਸ਼ ਫੋਗਾਟ ਅਖਾੜੇ ਵਿਚ ਹੀ ਨਹੀਂ ਬਲਕਿ ਆਮ ਜ਼ਿੰਦਗੀ ਵਿਚ ਵੀ ਮਜ਼ਬੂਤ ਹੈ। ਵਿਸ਼ਵ ਦੀ ਨੰਬਰ ਇਕ ਦੀ ਮਹਿਲਾ ਪਹਿਲਵਾਨ ਦਾ ਦਰਜਾ ਪ੍ਰਾਪਤ ਕਰਨ ਵਾਲੀ ਵਿਨੇਸ਼ ਫੋਗਾਟ ਦਾ ਜੀਵਨ ਸ਼ੁਰੂ ਤੋਂ ਹੀ ਚੁਣੌਤੀਆਂ ਨਾਲ ਭਰਿਆ ਹੋਇਆ ਸੀ।
ਬਚਪਨ ਵਿਚ ਜਦੋਂ ਪਿਤਾ ਰਾਜਪਾਲ ਫੋਗਾਟ ਦੀ ਮੌਤ ਹੋ ਗਈ ਸੀ ਤਾਂ ਤਦ ਮਾਂ ਕੈਂਸਰ ਤੋਂ ਪੀੜਤ ਸੀ। ਸਾਰੀਆਂ ਚੁਣੌਤੀਆਂ ਨੂੰ ਪਾਰ ਕਰਦਿਆਂ, ਵਿਨੇਸ਼ ਨੇ ਕੁਸ਼ਤੀ ਦੀ ਖੇਡ ਪ੍ਰਤੀ ਨਾ ਸਿਰਫ ਕੁੜੀਆਂ ਦੇ ਰਵੱਈਏ ਨੂੰ ਬਦਲਿਆ ਹੈ, ਬਲਕਿ ਸੰਘਰਸ਼ ਦੁਆਰਾ ਸਫਲਤਾ ਪ੍ਰਾਪਤ ਕਰਨ ਲਈ ਇੱਕ ਮਿਸਾਲ ਵੀ ਕਾਇਮ ਕੀਤੀ ਹੈ। ਵਿਨੇਸ਼ ਫੋਗਾਟ ਟੋਕਿਓ ਓਲੰਪਿਕ ਲਈ ਚੁਣੀ ਗਈ ਟੀਮ ਵਿਚ ਚੁਣੀ ਗਈ ਹੈ ਤੇ ਉਸ ਦਾ ਤਮਗਾ ਜਿੱਤਣਾ ਵੀ ਦਾਅਵੇਦਾਰ ਮੰਨਿਆ ਜਾ ਰਿਹਾ ਹੈ।
ਵਿਨੇਸ਼ ਫੋਗਾਟ ਰਾਸ਼ਟਰਮੰਡਲ ਦੇ ਨਾਲ ਨਾਲ ਏਸ਼ੀਅਨ ਖੇਡਾਂ ਦੀ ਸੋਨ ਤਗਮਾ ਜਿੱਤਣ ਵਾਲੀ ਮਹਿਲਾ ਪਹਿਲਵਾਨ ਹੈ। ਉਸ਼ ਨੂੰ ਸਰਕਾਰੀ ਅਰਜੁਨ ਅਵਾਰਡ ਅਤੇ ਰਾਜੀਵ ਗਾਂਧੀ ਖੇਡ ਰਤਨ ਐਵਾਰਡ ਨਾਲ ਵੀ ਸਨਮਾਨਤ ਕੀਤਾ ਗਿਆ ਹੈ। ਵਿਨੇਸ਼ ਨੇ ਆਪਣੇ ਹੀ ਅੰਦਾਜ਼ ਵਿਚ 2016 ਰੀਓ ਓਲੰਪਿਕ ਦੀ ਸ਼ੁਰੂਆਤ ਕੀਤੀ ਪਰ ਬਦਕਿਸਮਤੀ ਨਾਲ ਮੁਕਾਬਲੇ ਵਿਚ ਗੋਡੇ 'ਤੇ ਸੱਟ ਲੱਗ ਗਈ ਅਤੇ ਉਹ ਮੈਚ ਤੋਂ ਬਾਹਰ ਹੋ ਗਈ। ਪਿਛਲੇ ਓਲੰਪਿਕ ਵਿਚ ਸੱਟ ਲੱਗਣ ਕਾਰਨ ਵਿਨੇਸ਼ ਦੇ ਨਾਲ ਦੇਸ਼ ਵਾਸੀਆਂ ਦੀਆਂ ਤਗਮੇ ਦੀਆਂ ਉਮੀਦਾਂ ਵੀ ਚੂਰ-ਚੂਰ ਹੋ ਗਈਆਂ ਸਨ। ਸੱਟ ਲੱਗਣ ਤੋਂ ਬਾਅਦ ਡਾਕਟਰਾਂ ਨੇ ਵਿਨੇਸ਼ ਨੂੰ ਕੁਸ਼ਤੀ ਛੱਡਣ ਦੀ ਸਲਾਹ ਵੀ ਦਿੱਤੀ ਸੀ।
ਡਾਕਟਰਾਂ ਨੇ ਕਿਹਾ ਕਿ ਜੇ ਉਹ ਖੇਡ ਵਿਚ ਦੁਬਾਰਾ ਆ ਵੀ ਗਈ ਤਾਂ ਉਸ ਦਾ ਪੈਰ ਵੀ ਖ਼ਰਾਬ ਹੋ ਸਕਦਾ ਹੈ ਤੇ ਇਸ ਦੇ ਬਾਵਜੂਦ ਵਿਨੇਸ਼ ਨੇ ਹਿੰਮਤ ਨਹੀਂ ਹਾਰੀ ਅਤੇ ਦਸ ਮਹੀਨਿਆਂ ਦੀ ਸਖ਼ਤ ਮਿਹਨਤ ਤੋਂ ਬਾਅਦ, ਨਾ ਸਿਰਫ ਉਹ ਚਟਾਈ 'ਤੇ ਵਾਪਸ ਆਈ, ਬਲਕਿ, ਉਸ ਨੇ ਆਪਣੀ ਪ੍ਰਸਿੱਧੀ ਦੇ ਅਨੁਸਾਰ ਰਾਸ਼ਟਰਮੰਡਲ ਅਤੇ ਏਸ਼ੀਅਨ ਖੇਡਾਂ ਵਿਚ ਸੋਨੇ ਦੇ ਤਗਮੇ ਵੀ ਜਿੱਤੇ। ਇਸ ਵਾਰ ਨਾ ਸਿਰਫ ਬਲਾਲੀ ਦੇ ਲੋਕ, ਬਲਕਿ ਦੇਸ਼ ਵਾਸੀ ਵੀ ਵਿਨੇਸ਼ ਤੋਂ ਪਿਛਲੇ ਓਲੰਪਿਕ ਦੇ ਬਦਲੇ ਇਸ ਵਾਰ ਤਮਗਾ ਲਿਆਉਣ ਦੀ ਉਮੀਦ ਜਤਾਈ ਬੈਠੇ ਹਨ। ਵਿਨੇਸ਼ ਫੋਗਾਟ ਟੋਕਿਓ ਓਲੰਪਿਕ ਲਈ ਕੁਆਲੀਫਾਈ ਕਰਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਪਹਿਲਵਾਨ ਹੈ। ਉਹ 53 ਕਿੱਲੋ ਭਾਰ ਵਰਗ ਵਿਚ ਦੇਸ਼ ਦੀ ਪ੍ਰਤੀਨਿਧਤਾ ਕਰੇਗੀ।
ਵਿਨੇਸ਼ ਫੋਗਾਟ ਦੀਆਂ ਪ੍ਰਾਪਤੀਆਂ : - ਸਾਲ 2013 ਵਿਚ ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ ਕਾਂਸੀ ਦਾ ਤਗਮਾ
- 2013 ਵਿਚ ਰਾਸ਼ਟਰਮੰਡਲ ਕੁਸ਼ਤੀ ਚੈਂਪੀਅਨਸ਼ਿਪ ਵਿਚ ਚਾਂਦੀ ਦਾ ਤਗਮਾ
- 2014 ਵਿਚ ਰਾਸ਼ਟਰਮੰਡਲ ਖੇਡਾਂ ਵਿਚ ਸੋਨ ਤਗਮਾ
- 2014 ਵਿੱਚ ਏਸ਼ੀਆਈ ਖੇਡਾਂ ਵਿੱਚ ਕਾਂਸੀ ਦਾ ਤਗਮਾ
- 2015 ਵਿੱਚ ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ ਚਾਂਦੀ ਦਾ ਤਗਮਾ।
- ਸਾਲ 2016 ਵਿੱਚ ਰੀਓ ਓਲੰਪਿਕ ਵਿੱਚ ਕੁਆਰਟਰ ਫਾਈਨਲ ਵਿਚ ਪਹੁੰਚੀ ਪਰ ਗੋਡੇ ਦੀ ਸੱਟ ਕਾਰਨ ਜ਼ਖਮੀ
- ਸਾਲ 2016 ਵਿਚ ਅਰਜੁਨ ਅਵਾਰਡ ਨਾਲ ਸਨਮਾਨਤ
- ਸਾਲ 2018 ਵਿਚ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸੋਨ ਤਗਮਾ
- ਸਾਲ 2018 ਵਿਚ ਏਸ਼ੀਅਨ ਖੇਡਾਂ ਵਿਚ ਸੋਨ ਤਮਗਾ
- ਸਾਲ 2019 ਵਿਚ ਵਿਸ਼ਵ ਕੁਸ਼ਤੀ ਚੈਪੀਂਅਨ ਵਿਚ ਕਾਂਸੀ ਦਾ ਤਮਗਾ
- ਸਾਲ 2019 ਵਿੱਚ ਪੋਲੈਂਡ ਓਪਨ ਰੈਸਲਿੰਗ ਟੂਰਨਾਮੈਂਟ ਵਿਚ ਕਾਂਸੀ ਦਾ ਤਗਮਾ,
- ਸਾਲ 2020 ਵਿਚ ਰੋਮ ਵਿਚ ਇਕ ਰੈਂਕਿੰਗ ਮੁਕਾਬਲੇ ਵਿਚ ਗੋਲਡ ਮੈਡਲ
- ਸਾਲ 2020 ਵਿਚ ਰਾਜੀਵ ਗਾਂਧੀ ਖੇਡ ਰਤਨ ਨਾਲ ਸਨਮਾਨਤ
- ਸਾਲ 2021 ਵਿਚ ਯੂਕ੍ਰੀਅਨ ਪਹਿਲਵਾਨਾਂ ਅਤੇ ਕੋਚ ਮੈਮੋਰੀਅਲ ਟੂਰਨਾਮੈਂਟ ਵਿਚ ਸੋਨ ਤਗਮਾ
ਸਾਲ 2021 ਵਿੱਚ ਪੋਲੈਂਡ ਓਪਨ ਰੈਸਲਿੰਗ ਟੂਰਨਾਮੈਂਟ ਵਿੱਚ ਗੋਲਡ ਮੈਡਲ