Tokyo: Super Mom ਮੈਰੀਕਾਮ ਨੇ ਜਿੱਤ ਨਾਲ ਕੀਤੀ ਸ਼ੁਰੂਆਤ, ਦੂਜੇ ਗੇੜ ਵਿਚ ਪਹੁੰਚੀ

Mary Kom

ਟੋਕਿਉ - ਭਾਰਤ ਦੀ ਸਟਾਰ ਮਹਿਲਾ ਮੁੱਕੇਬਾਜ਼ ਅਤੇ ਛੇ ਵਾਰ ਵਿਸ਼ਵ ਚੈਂਪੀਅਨ ਰਹੀ ਮੈਰੀਕਾਮ ਨੇ ਟੋਕਿਉ ਉਲੰਪਿਕ ਵਿਚ ਜਿੱਤ ਦੇ ਨਾਲ ਸ਼ੁਰੂਆਤ ਕਰ ਲਈ ਹੈ। ਐਤਵਾਰ ਨੂੰ ਮੈਰੀਕਾਮ ਨੇ 51 ਕਿਲੋਗ੍ਰਾਮ ਵਰਗ ਦੇ ਪਹਿਲੇ ਗੇੜ ਵਿਚ ਡੋਮੀਨੀਕਨ ਰੀਪਬਲਿਕ ਦੀ ਖਿਡਾਰਨ ਹਰਨਾਡੇਜ਼ ਗਾਰਸੀਆ ਨੂੰ 4-1 ਨਾਲ ਹਰਾਇਆ। ਇਸ ਜਿੱਤ ਦੇ ਨਾਲ ਹੀ ਮੈਰੀਕਾਮ ਨੇ ਵੀ ਅਗਲੇ ਗੇੜ ਵਿਚ ਪੈਰ ਰੱਖ ਲਿਆ ਹੈ।

ਟੋਕਿਉ ਰਿੰਗ ਵਿਚ ਮੈਰੀਕਾਮ ਨੇ ਆਪਣਾ ਪਹਿਲਾ ਮੈਚ ਸੋਚੀ ਸਮਝੀ ਰਣਨੀਤੀ ਨਾਲ ਸ਼ੁਰੂ ਕੀਤਾ। ਉਸ ਨੇ ਮੈਚ ਦੌਰਾਨ ਆਪਣੇ ਤਜ਼ਰਬੇ ਦੀ ਪੂਰੀ ਵਰਤੋਂ ਕਰਦਿਆਂ ਮੈਚ ਜਿੱਤਿਆ। ਤੀਜੇ ਰਾਊਂਡ ਵਿਚ ਮੈਰੀ ਕੌਮ ਨੇ ਪਹਿਲਾ ਗੇੜ ਸਾਵਧਾਨੀ ਨਾਲ ਖੇਡਿਆ। ਇਸ ਗੇੜ ਵਿਚ ਉਸ ਨੇ ਆਪਣਾ ਸਾਰਾ ਧਿਆਨ ਆਪਣੀ ਐਨਰਜੀ ਬਚਾਉਣ ਵਿਚ ਕੀਤਾ ਅਤੇ ਉਹ ਉਦੋਂ ਹੀ ਵਿਰੋਧੀ 'ਤੇ ਹਮਲਾ ਕਰਦੀ ਵੇਖੀ ਗਈ ਜਦੋਂ ਉਸ ਨੂੰ ਮੌਕਾ ਮਿਲਿਆ।

ਮੈਚ ਦੇ ਦੂਜੇ ਗੇੜ ਵਿਚ ਮੈਰੀਕਾਮ ਥੋੜ੍ਹੀ ਹਮਲਾਵਰ ਦਿਖਾਈ ਦਿੱਤੀ। ਹਾਲਾਂਕਿ, ਇਸ ਤਰਤੀਬ ਵਿਚ ਉਸ ਨੇ ਵਿਰੋਧੀ ਮੁੱਕੇਬਾਜ਼ ਨਾਲ ਸਖ਼ਤ ਟੱਕਰ ਵੀ ਲਈ। ਡੋਮੀਨੀਕਨ ਰੀਪਬਲਿਕ ਦੇ ਮੁੱਕੇਬਾਜ਼ ਨੇ ਵੀ ਦੂਜੇ ਗੇੜ ਵਿਚ ਮੈਰੀਕਾਮ ਦੇ ਹਮਲਿਆਂ ਦਾ ਚੰਗਾ ਜਵਾਬ ਦਿੱਤਾ। ਇਹੀ ਕਾਰਨ ਸੀ ਕਿ ਜਦੋਂ ਇਹ ਦੌਰ ਖ਼ਤਮ ਹੋਇਆ ਤਾਂ ਸਕੋਰ 50-50 ਸੀ। ਯਾਨੀ, 2 ਜੱਜਾਂ ਨੇ ਮੈਰੀਕਾਮ ਨੂੰ 10-10 ਅੰਕ ਦਿੱਤੇ, ਜਦੋਂ ਕਿ ਦੋ ਨੇ ਡੋਮਿਨਿਕਨ ਰੀਪਬਲਿਕ ਦੀ ਮੁੱਕੇਬਾਜ਼ ਨੂੰ 10-10 ਅੰਕ ਦਿੱਤੇ।
ਦੂਜਾ ਰਾਊਂਡ ਬੇਸ਼ੱਕ ਬਰਾਬਰੀ ਦਾ ਰਿਹਾ ਸੀ, ਪਰ ਤੀਜੇ ਰਾਊਂਡ ਵਿਚ ਮੈਰੀਕਾਮ ਵਿਰੋਧੀ 'ਤੇ ਪੂਰੀ ਤਰ੍ਹਾਂ ਭਾਰੀ ਪਈ।

ਉਸ ਨੇ ਵਿਰੋਧੀ ਮੁੱਕੇਬਾਜ਼ 'ਤੇ ਮੁੱਕਿਆਂ ਦੀ ਬੁਛਾੜ ਕਰ ਦਿੱਤੀ। ਮੈਰੀ ਕੌਮ ਨੇ ਇਸ ਗੇੜ ਵਿਚ ਹਮਲਾਵਰ ਮੁੱਕੇਬਾਜ਼ੀ ਦਾ ਪ੍ਰਦਰਸ਼ਨ ਕੀਤਾ। ਇਸ ਗੇੜ ਨੂੰ ਜਿੱਤਣ ਲਈ, ਮੈਰੀਕਾਮ ਨੇ ਆਪਣੀ ਸਾਰੀ ਐਨਰਜੀ ਅਤੇ ਤਜ਼ਰਬੇ ਦੀ ਵਰਤੋਂ ਕੀਤੀ ਅਤੇ ਇਸ ਦਾ ਨਤੀਜਾ ਉਸ ਨੂੰ ਟੋਕਿਓ ਓਲੰਪਿਕ ਰਿੰਗ ਵਿਚ ਪਹਿਲੀ ਜਿੱਤ ਦੇ ਤੌਰ 'ਤੇ ਮਿਲਿਆ।