ਟੋਕੀਓ ਓਲੰਪਿਕ : ਟੇਬਲ ਟੈਨਿਸ ਖਿਡਾਰੀ ਸਾਥਿਆਨ ਪੁਰਸ਼ ਦੂਜੇ ਗੇੜ ਦਾ ਮੁਕਾਬਲਾ ਹਾਰ ਕੇ ਹੋਏ ਬਾਹਰ

ਟੋਕਿਓ: ਭਾਰਤ ਦੇ ਗਿਆਨਸ਼ੇਖਰਨ ਸਾਥਿਆਨ ਟੋਕਿਓ ਓਲੰਪਿਕ ਦੇ ਟੇਬਲ ਟੈਨਿਸ ਟੂਰਨਾਮੈਂਟ ਦੇ ਦੂਸਰੇ ਗੇੜ ਵਿੱਚ ਹਾਂਗ ਕਾਂਗ  ਦੇ ਲਾਮ ਸਿਯੂ ਹਾਂਗ ਤੋਂ 7 ਗੇਮ ਦੇ ਕਰੀਬੀ ਮੁਕਾਬਲੇ ’ਚ ਹਾਰ ਗਏ। ਪਹਿਲੇ ਗੇਮ ’ਚ ਪਿੱਛੜਨ ਦੇ ਬਾਅਦ ਸਾਥੀਆਨ ਨੇ ਵਾਪਸੀ ਕੀਤੀ ਪਰ ਉਸ ਲੈਅ ਨੂੰ ਹਾਸਲ ਨਾ ਕਰ ਸਕੇ।

ਵਿਰੋਧੀ ਖਿਡਾਰੀ ਨੇ ਉਨ੍ਹਾਂ ਨੂੰ 11-7, 7-11, 4-11, 5-11, 11-9, 12-10, 11-6 ਨਾਲ ਹਰਾਇਆ। ਆਪਣਾ ਪਹਿਲਾ ਓਲੰਪਿਕ ਖੇਡ ਰਹੇ ਸਾਥਿਆਨ ਦਾ ਇਸ ਤੋਂ ਪਹਿਲਾਂ ਲਾਮ ਦੇ ਖ਼ਿਲਾਫ਼ ਰਿਕਾਰਡ 2-0 ਦਾ ਸੀ।

ਪਹਿਲੀ ਗੇਮ ਬਰਾਬਰੀ ਦਾ ਸੀ ਅਤੇ ਹਾਂਗ ਕਾਂਗ ਦੇ ਖਿਡਾਰੀ ਨੇ  ਫੋਰਹੈਂਡਸ ਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਸਮੇਂ ਇਸ ਨੂੰ ਜਿੱਤ ਲਿਆ। ਦੂਜੀ ਗੇਮ ਵਿਚ ਸਾਥਿਆਨ ਨੇ ਸ਼ੁਰੂਆਤ ਤੋਂ ਬੜ੍ਹਤ ਬਣਾ ਕੇ ਇਸ ਨੂੰ ਕਾਇਮ ਰੱਖਿਆ। ਇਕ ਪਾਸੇ ਸਾਥਿਆਨ ਸ਼ਾਨਦਾਰ ਖੇਡ ਦਿਖਾ ਰਿਹਾ ਸੀ ਅਤੇ ਦੂਜੇ ਪਾਸੇ ਲਾਮ ਨਿਰੰਤਰ ਗਲਤੀਆਂ ਕਰ ਰਿਹਾ ਸੀ। ਅਗਲੇ ਦੋ ਮੈਚ ਜਿੱਤਣ ਤੋਂ ਬਾਅਦ, ਸਾਥੀਅਨ ਨੇ 3-1 ਦੀ ਬੜ੍ਹਤ ਹਾਸਲ ਕੀਤੀ।