ਮੈਦਾਨ 'ਚ ਫੁੱਟਬਾਲ ਖੇਡ ਰਹੇ ਖਿਡਾਰੀ ਦੀ ਅਚਾਨਕ ਹੋਈ ਮੌਤ

ਨਵੀਂ ਦਿੱਲੀ : ਮੈਦਾਨ ਵਿਚ ਖੇਡਦੇ ਸਮੇਂ ਕਿਸੇ ਨਾ ਕਿਸੇ ਤਰੀਕੇ ਨਾਲ ਖਿਡਾਰੀਆਂ ਦੇ ਸੱਟਾ ਲਗਦੀਆਂ ਹੀ ਰਹਿੰਦੀਆਂ ਹਨ, ਪਰ ਹੁਣ ਕਈ ਅਜਿਹੇ ਹਾਦਸੇ ਵੀ ਸੁਣ ਚੁਕੇ ਹਾ ਜਿਸ ਕਾਰਨ ਖਿਡਾਰੀਆਂ ਦੀ ਖੇਡ ਮੈਦਾਨ ਵਿਚ ਮੌਤ ਹੋ ਜਾਂਦੀ ਹੈ। ਅਜਿਹਾ ਹੀ ਇਕ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਵਿਚ ਇਕ ਹੋਰ ਖਿਡਾਰੀ ਦੀ ਖੇਡ ਮੈਦਾਨ ਵਿਚ ਹੀ ਮੌਤ ਹੋ ਗਈ।  ਐਤਵਾਰ ਨੂੰ ਹੋਏ ਹਾਦਸੇ ਵਿਚ ਇਕ ਕਰੋਏਸ਼ੀਆਈ ਫੁੱਟਬਾਲ ਖਿਡਾਰੀ ਦੀ ਛਾਤੀ ਵਿਚ ਫੁੱਟਬਾਲ ਲੱਗਣ ਦੇ ਕਾਰਨ ਮੈਦਾਨ ਵਿਚ ਹੀ ਮੌਤ ਹੋ ਗਈ। ਮੀਡੀਆ ਰਿਪੋਰਟਾਂ ਦੇ ਮੁਤਾਬਕ ਖਿਡਾਰੀ ਦੀ ਮੌਤ ਦਾ ਕਾਰਨ ਹਾਰਟ ਅਟੈਕ ਦਸਿਆ ਜਾ ਰਿਹਾ ਹੈ। 

25 ਸਾਲ ਦੇ ਕਰੋਏਸ਼ੀਆਈ ਖਿਡਾਰੀ ਬਰੁਨੋ ਬੋਬਨ ਕਰੋਏਸ਼ੀਅਨ ਥਰਡ ਫੁੱਟਬਾਲ ਲੀਗ ਵਿਚ ਮਾਰਸੋਨੀਆ ਟੀਮ ਵਲੋਂ ਖੇਡ ਰਹੇ ਸਨ। ਐਤਵਾਰ ਨੂੰ ਸਲਾਵੋਨੀਆਜ ਪੋਜੇਗਾ ਟੀਮ ਵਿਰੁਧ ਖੇਡਦੇ ਹੋਏ ਬਰੁਨੋ ਦੀ ਛਾਤੀ 'ਤੇ ਫੁੱਟਬਾਲ ਲਗੀ ਅਤੇ ਉਹ ਬੇਹੋਸ਼ ਹੋ ਕੇ ਜ਼ਮੀਨ 'ਤੇ ਡਿੱਗ ਗਿਆ। ਇਸ ਦੇ ਬਾਅਦ ਮੈਦਾਨ ਵਿਚ ਪਹੁੰਚੀ ਮੈਡੀਕਲ ਟੀਮ ਨੇ 40 ਮਿੰਟ ਤੱਕ ਬਰੁਨੋ ਨੂੰ ਹੋਸ਼ ਵਿਚ ਲਿਆਉਣ ਦੀ ਕੋਸ਼ਿਸ਼ ਕੀਤੀ, ਪਰ ਆਖ਼ਰਕਾਰ ਪਿੱਚ ਉੱਤੇ ਹੀ ਬਰੁਨੋ ਨੇ ਦਮ ਤੋੜ ਦਿਤਾ।

ਸੋਮਵਾਰ ਨੂੰ ਆਈ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਬਰੁਨੋ ਦੀ ਮੌਤ ਹਾਰਟ ਅਟੈਕ ਕਾਰਨ ਹੋਈ। ਦੱਸ ਦਈਏ ਕਿ ਬਰੁਨੋ ਥਰਡ ਡਿਵੀਜ਼ਨ ਲੀਗ ਦਾ ਹੁਣ ਤਕ ਟਾਪ ਸਕੋਰਰ ਸੀ ਅਤੇ ਇਸ ਲੀਗ ਵਿਚ ਹੁਣ ਤਕ 12 ਗੋਲ ਕਰ ਚੁਕਿਆ ਸੀ। ਬਰੁਨੋ ਸਾਲ 2014 ਤੋਂ ਲੈ ਕੇ 2016 ਤੱਕ ਸਲੋਵੇਨਿਜਾ ਟੀਮ ਵਲੋਂ ਫੁੱਟਬਾਲ ਖੇਡ ਚੁਕਿਆ ਸੀ ਅਤੇ ਇਸ ਸਾਲ ਦੀ ਸ਼ੁਰੂਆਤ ਵਿਚ ਬਰੁਨੋ ਨੇ ਮਾਰਸੋਨਿਜਾ ਨਾਲ ਕਰਾਰ ਕੀਤਾ ਸੀ।