ਕੋਲੰਬੀਆ ਨੇ ਸੈਨੇਗਲ ਨੂੰ 1-0 ਨਾਲ ਹਰਾਇਆ

Match Between ColombiaAnd Senegal

ਸਮਾਰਾ  : ਇਥੇ ਸਮਾਰਾ ਏਰਿਨਾ ਵਿਚ ਵੀਰਵਾਰ ਨੂੰ ਕੋਲੰਬੀਆ ਨੇ ਸੈਨੇਗਲ ਨੂੰ 1-0 ਨਾਲ ਹਰਾ ਦਿਤਾ। ਇਸ ਦੇ ਨਾਲ ਹੀ ਗਰੁਪ ਸਟੇਜ ਵਿਚ ਜ਼ਿਆਦਾ ਯੈਲੋ ਕਾਰਡ ਮਿਲਣ ਕਾਰਨ ਸੈਨੇਗਲ ਆਖ਼ਰੀ 16 ਵਿਚ ਪਹੁੰਚਣ ਤੋਂ ਨਾਕਾਮ ਹੋ ਗਿਆ ਅਤੇ ਪੋਲੈਂਡ ਤੋਂ ਮੈਚ ਹਾਰਨ ਦੇ ਬਾਵਜੂਦ ਜਾਪਾਨ ਅਗਲੇ ਦੌਰ ਵਿਚ ਪਹੁੰਚ ਗਿਆ। 
ਕੋਲੰਬੀਆ ਲਈ ਯੇਰੀ ਮੀਨਾ ਨੇ 74ਵੇਂ ਮਿੰਟ ਵਿਚ ਕਾਰਨਰ ਕਿਕ ਰਾਹੀਂ ਗੋਲ ਕੀਤਾ। ਇਸ ਤੋਂ ਪਹਿਲਾਂ ਸੈਨੇਗਲ ਨੂੰ ਮੈਚ ਸ਼ੁਰੂ ਹੋਣ ਦੇ 9ਵੇਂ ਅਤੇ 21ਵੇਂ ਮਿੰਟ ਵਿਚ ਹੀ ਫ੍ਰੀ ਕਿਕ ਮਿਲੀ ਸੀ। ਹਾਲਾਂਕਿ, ਉਹ ਇਨ੍ਹਾਂ ਦੋਵੇਂ ਮੌਕਿਆਂ ਦਾ ਫ਼ਾਇਦਾ ਲੈਣ ਵਿਚ ਕਾਮਯਾਬ ਨਹੀਂ ਹੋ ਸਕਿਆ।

ਇਸ ਤੋਂ ਇਲਾਵਾ 17ਵੇਂ ਮਿੰਟ ਵਿਚ ਸੈਨੇਗਲ ਨੂੰ ਰੈਫ਼ਰੀ ਨੇ ਪੈਨਲਟੀ ਵੀ ਦਿਤੀ, ਪਰ ਵੀਏਆਰ ਤੋਂ ਬਾਅਦ ਇਸ ਨੂੰ ਰੱਦ ਕਰ ਦਿਤਾ ਗਿਆ। ਜਿਥੇ ਸੈਨੇਗਲ ਇਸ ਮੈਚ ਵਿਚ ਜਿੱਤ ਜਾਂ ਡਰਾਅ ਦੀ ਬਦੌਲਤ ਅਗਲੇ ਦੌਰ ਵਿਚ ਜਗ੍ਹਾ ਪੱਕੀ ਕਰ ਸਕਦੀ ਸੀ। ਉਥੇ, ਕੋਲੰਬੀਆ ਨੂੰ ਅਗਲੇ ਦੌਰ ਵਿਚ ਜਗ੍ਹਾ ਪੱਕੀ ਕਰਨ ਲਈ ਸੈਨੇਗਲ ਨੂੰ ਹਰ ਹਾਲ ਵਿਚ ਹਰਾਉਣਾ ਸੀ। ਹਾਲਾਂਕਿ ਕੋਲੰਬੀਆ ਨੇ ਇਸ ਮੈਚ ਵਿਚ ਜ਼ਬਰਦਸਤ ਖੇਡ ਵਿਖਾਉੁਂਦਿਆਂ ਸੈਨੇਗਲ ਨੂੰ ਮਿਲੇ ਮੌਕਿਆਂ ਨੂੰ ਗੋਲ ਵਿਚ ਨਹੀਂ ਬਦਲਣ ਦਿਤਾ।    (ਏਜੰਸੀ)