ਸ਼ਮੀ ਦੀ ਅੰਗ੍ਰੇਜ਼ੀ ਸੁਣ ਐਂਕਰ ਬੋਲਣ ਲੱਗਾ ਹਿੰਦੀ

Simon Doull Mohammed Shami Virat Kohli

ਮਾਊਂਟ ਮੋਂਗਾਨੁਈ  : ਭਾਰਤੀ ਕ੍ਰਿਕਟ ਟੀਮ ਨੇ ਸੋਮਵਾਰ ਨੂੰ ਨਿਊਜ਼ੀਲੈਂਡ ਵਿਰੁਧ ਤੀਜੇ ਇਕ ਦਿਨਾਂ ਮੈਚ 'ਚ 7 ਵਿਕਟਾਂ ਨਾਲ ਸ਼ਾਨਦਾਰ ਜਿੱਤ ਦਰਜ ਕੀਤੀ ਅਤੇ ਲੜੀ 'ਚ 3-0 ਨਾਲ ਅੱਗੇ ਹੋ ਗਈ ਹੈ । ਉਨ੍ਹਾਂ ਨੇ 41 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ। ਉਨ੍ਹਾਂ ਦੇ ਇਸ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਉਨ੍ਹਾਂ ਨੂੰ 'ਮੈਨ ਆਫ ਦਿ ਮੈਚ' ਸਨਮਾਨ ਦਿਤਾ ਗਿਆ। ਮੈਨ ਆਫ਼ ਦਿ ਮੈਚ ਅਵਾਰਡ ਲੈਣ ਦੇ ਬਾਅਦ ਉਨ੍ਹਾਂ ਕਿਹਾ ਹਵਾ ਦੇ ਉਲਟ ਗੇਂਦਬਾਜ਼ੀ ਕਰਨਾ ਮੁਸ਼ਕਲ ਹੁੰਦਾ ਹੈ ਪਰ ਕਿਸੇ ਨੂੰ ਤਾਂ ਅਪਣਾ ਕੰਮ ਕਰਨਾ ਹੈ। ਇਹ ਵੀ ਖੇਡ ਦਾ ਹਿੱਸਾ ਹੈ। 'ਮੈਨ ਆਫ਼ ਦਿ ਮੈਚ' ਸੈਰੇਮਨੀ ਦੇ ਦੌਰਾਨ ਸ਼ਮੀ ਦੇ ਨਾਲ ਵਿਰਾਟ ਵੀ ਗਏ।

ਦਰਅਸਲ ਮੁਹੰਮਦ ਸ਼ਮੀ ਦੀ ਅੰਗਰੇਜ਼ੀ ਬਹੁਤ ਚੰਗੀ ਨਹੀਂ ਹੈ, ਇਸ ਲਈ ਕਪਤਾਨ ਵਿਰਾਟ ਕੋਹਲੀ ਉਨ੍ਹਾਂ ਦੇ ਨਾਲ ਗਏ। ਪਰ ਇਸ ਵਾਰ ਸ਼ਮੀ ਨੇ ਬਿਨਾਂ ਵਿਰਾਟ ਦੀ ਮਦਦ ਨਾਲ ਅੰਗਰੇਜ਼ੀ 'ਚ ਅਪਣੀ ਗੱਲ ਕਹੀ। ਸ਼ਮੀ ਦੀ ਅੰਗਰੇਜ਼ੀ ਸੁਣ ਕੇ ਐਂਕਰ ਸਾਈਮਨ ਡਾਊਲ ਕਾਫ਼ੀ ਪ੍ਰਭਾਵਿਤ ਹੋਏ। ਸਾਈਮਨ ਡਾਊਲ, ਮੁਹੰਮਦ ਸ਼ਮੀ ਦੀ ਇੰਗਲਿਸ਼ ਤੋਂ ਇੰਨੇ ਪ੍ਰਭਾਵਿਤ ਹੋਏ ਕਿ ਖ਼ੁਦ ਹੀ ਹਿੰਦੀ ਬੋਲਣ ਲੱਗੇ। ਸਾਈਮਨ ਡਾਊਲ ਦੇ ਮੂੰਹ ਤੋਂ ਹਿੰਦੀ ਸੁਣ ਕੇ ਕਪਤਾਨ ਵਿਰਾਟ ਕੋਹਲੀ ਵੀ ਆਪਣਾ ਹਾਸਾ ਨਾ ਰੋਕ ਸਕੇ। ਸ਼ਮੀ ਦੀ ਇੰਗਲਿਸ਼ ਸੁਣਨ ਦੇ ਬਾਅਦ ਐਂਕਰ ਨੇ ਕਿਹਾ- ਯੂਅਰ ਇੰਗਲਿਸ਼ ਬਹੁਤ ਅੱਛਾ। (ਭਾਸ਼ਾ)