ਰੋਹਿਤ ਸ਼ਰਮਾ ਨੇ ਇੱਕ ਰੋਜ਼ਾ ਕ੍ਰਿਕਟ ਮੈਚਾਂ ’ਚ ਸਭ ਤੋਂ ਵੱਧ ਛੱਕੇ ਲਗਾਉਣ ਦਾ ਤੋੜਿਆ ਰਿਕਾਰਡ
352 ਛੱਕੇ ਲਗਾ ਕੇ ਸ਼ਾਹਿਦ ਅਫਰੀਦੀ ਨੂੰ ਛੱਡਿਆ ਪਿੱਛੇ
ਰਾਂਚੀ: ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ ਨੇ ਇੱਕ ਰੋਜ਼ਾ ਕ੍ਰਿਕਟ ਮੈਚਾਂ ’ਚ ਸਭ ਤੋਂ ਵੱਧ ਛੱਕੇ ਲਗਾਉਣ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਅਫਰੀਦੀ ਨੇ ਆਪਣੇ ਵਨਡੇ ਕਰੀਅਰ ਵਿੱਚ ਕੁੱਲ 351 ਛੱਕੇ ਲਗਾਏ ਸਨ, ਪਰ ਰੋਹਿਤ ਨੇ ਹੁਣ ਇਸ ਫਾਰਮੈਟ ਵਿੱਚ 352 ਛੱਕਿਆਂ ਨਾਲ ਸਾਰਿਆਂ ਨੂੰ ਪਛਾੜ ਦਿੱਤਾ ਹੈ। ਰੋਹਿਤ ਨੇ ਦੱਖਣੀ ਅਫਰੀਕਾ ਵਿਰੁੱਧ ਪਹਿਲੇ ਵਨਡੇ ਦੌਰਾਨ ਇਹ ਉਪਲਬਧੀ ਹਾਸਲ ਕੀਤੀ।
ਰੋਹਿਤ ਸ਼ਰਮਾ ਵਨਡੇ ਮੈਚਾਂ ਵਿੱਚ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲੇ ਬੱਲੇਬਾਜ਼ ਬਣ ਗਏ ਹਨ। ਉਨ੍ਹਾਂ ਨੇ ਦੱਖਣੀ ਅਫਰੀਕਾ ਵਿਰੁੱਧ ਪਹਿਲੇ ਵਨਡੇ ਦੌਰਾਨ ਇਹ ਉਪਲਬਧੀ ਹਾਸਲ ਕੀਤੀ। ਇਸ ਮੈਚ ਤੋਂ ਪਹਿਲਾਂ, ਰੋਹਿਤ ਇਸ ਉਪਲਬਧੀ ਤੋਂ ਤਿੰਨ ਛੱਕੇ ਦੂਰ ਸਨ, ਅਤੇ ਮੈਚ ਵਿੱਚ ਤਿੰਨ ਛੱਕੇ ਲਗਾ ਕੇ, ਉਨ੍ਹਾਂ ਨੇ ਪਾਕਿਸਤਾਨ ਦੇ ਸ਼ਾਹਿਦ ਅਫਰੀਦੀ ਨੂੰ ਪਿੱਛੇ ਛੱਡ ਦਿੱਤਾ।
ਇੱਕ ਰੋਜ਼ਾ ਮੈਚਾਂ ’ਚ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲੇ ਬੱਲੇਬਾਜ਼:
ਰੋਹਿਤ ਸ਼ਰਮਾ (ਭਾਰਤ) 352 ਛੱਕੇ
ਸ਼ਾਹਿਦ ਅਫਰੀਦੀ (ਪਾਕਿਸਤਾਨ) 351 ਛੱਕੇ
ਕ੍ਰਿਸ ਗੇਲ (ਵੈਸਟ ਇੰਡੀਜ਼) 331 ਛੱਕੇ
ਸਨਥ ਜੈਸੂਰਿਆ (ਸ੍ਰੀਲੰਕਾ) 270 ਛੱਕੇ
ਐਮ.ਐਸ. ਧੋਨੀ (ਭਾਰਤ) 229 ਛੱਕੇ