cricketer Danish Kaneria

ਇਸਲਾਮਾਬਾਦ: ਪਾਕਿਸਤਾਨ ਦੇ ਸਾਬਕਾ ਲੇਗ ਸਪਿਨਰ ਦਾਨਿਸ਼ ਕਨੇਰਿਆ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹਨ। 39 ਸਾਲਾ ਕਨੇਰਿਆ ਸੋਸ਼ਲ ਮੀਡੀਆ ‘ਤੇ ਐਕਟਿਵ ਰਹਿੰਦੇ ਹਨ। ਇਸ ਦੌਰਾਨ ਇੱਕ ਮਹਿਲਾ ਪ੍ਰਸ਼ੰਸਕ ਨੇ ਉਨ੍ਹਾਂ ਨੂੰ ਇਸਲਾਮ ਕਬੂਲ ਕਰ ਲੈਣ ਦੀ ਅਪੀਲ ਕੀਤੀ ਸੀ। ਉਸਨੇ ਕਿਹਾ ਕਿ ਇਸਲਾਮ ਤੋਂ ਬਿਨਾਂ ਜੀਵਨ ਕੁੱਝ ਵੀ ਨਹੀਂ ਹੈ।

ਟਵਿਟਰ ‘ਤੇ #AskDanish ਸੈਸ਼ਨ ਦੌਰਾਨ ਕਨੇਰਿਆ ਨੇ ਆਪਣੀ ਉਸ ਪ੍ਰਸ਼ੰਸਕ ਨੂੰ ਜਵਾਬ ਦੇਣ ਵਿੱਚ ਦੇਰ ਨਹੀਂ ਲਗਾਈ ਅਤੇ ਲਿਖਿਆ ਕਿ ਤੁਹਾਡੀ ਤਰ੍ਹਾਂ ਕਈ ਨੇ ਇਹ ਕੋਸ਼ਿਸ਼ ਕੀਤੀ, ਲੇਕਿਨ ਉਨ੍ਹਾਂ ਨੂੰ ਕਾਮਯਾਬੀ ਨਹੀਂ ਮਿਲੀ।  

ਦਰਅਸਲ, ਆਮਨਾ ਗੁੱਲ ਨਾਮ ਦੀ ਯੂਜਰ ਨੇ ਦਾਨਿਸ਼ ਕਨੇਰਿਆ ਨੂੰ ਲਿਖਿਆ- ਤੁਸੀਂ ਇਸਲਾਮ ਕਬੂਲ ਕਰ ਲਓ। ਇਸਲਾਮ ਸਭ ਕੁਝ ਹੈ, ਮੈਂ ਜਾਣਦੀ ਹਾਂ ਕਿ ਇਸਲਾਮ ਤੋਂ ਬਿਨਾਂ ਜੀਵਨ ਕੁਝ ਵੀ ਨਹੀਂ ਹੈ। ਤੁਹਾਡੀ ਜਿੰਦਗੀ ਮਰਿਆਂ ਵਰਗੀ ਹੈ, ਤੁਸੀਂ ਇਸਲਾਮ ਕਬੂਲ ਕਰ ਲਓ। ਕਨੇਰਿਆ ਨੇ ਝਟ ਜਵਾਬ ਦਿੱਤਾ, ਤੁਹਾਡੀ ਤਰ੍ਹਾਂ ਕਈ ਲੋਕਾਂ ਨੇ ਮੇਰੇ ਧਰਮ ਨੂੰ ਬਦਲਣ ਦੀ ਕੋਸ਼ਿਸ਼ ਕੀਤੀ,  ਲੇਕਿਨ ਸਫਲ ਨਾ ਹੋਏ।

ਇੰਨਾ ਹੀ ਨਹੀਂ,  ਦਾਨਿਸ਼ ਕਨੇਰਿਆ ਨੇ ਇੱਕ ਯੂਜਰ ਨੂੰ ਜਵਾਬ ਦਿੰਦੇ ਹੋਏ ਲਿਖਿਆ- ਹਿੰਦੂ ਹੋਣ ‘ਤੇ ਮਾਣ ਹੈ। ਉਦੋਂ ਇੱਕ ਯੂਜਰ ਨੇ ਕਨੇਰਿਆ ਤੋਂ ਪੂਛ ਹੀ ਲਿਆ ਕਿ ਕੀ ਤੁਸੀਂ ਪਾਕਿਸਤਾਨ ‘ਚ ਸੁਰੱਖਿਅਤ ਮਹਿਸੂਸ ਨਹੀਂ ਕਰਦੇ..?  ਕਨੇਰਿਆ ਨੇ ਜਵਾਬ ਦਿੱਤਾ- ਮੈਂ ਇੱਥੇ ਬਿਲਕੁੱਲ ਸੇਫ ਹਾਂ। ਮੈਂ ਕਹਿ ਚੁੱਕਿਆ ਹਾਂ ਕੁਝ ਲੋਕਾਂ ਨੇ ਕੋਸ਼ਿਸ਼ ਕੀਤੀ ਸੀ। ਸ਼ਬਦਾਂ ਦੇ ਨਾਲ ਨਹੀਂ ਖੇਡੀਆਂ।

ਧਿਆਨ ਯੋਗ ਹੈ ਕਿ ਦਾਨਿਸ਼ ਕਨੇਰਿਆ ਪਿਛਲੇ ਸਾਲ ਦਸੰਬਰ ਵਿੱਚ ਅਚਾਨਕ ਚਰਚਾ ਵਿੱਚ ਆਏ ਸਨ, ਜਦੋਂ ਪਾਕਿਸਤਾਨ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਸ਼ੋਏਬ ਅਖਤਰ ਨੇ ਦਾਅਵਾ ਕੀਤਾ ਸੀ ਕਿ ਕੁਝ ਪਾਕਿਸਤਾਨੀ ਕ੍ਰਿਕਟਰ ਕਨੇਰਿਆ ਦੇ ਨਾਲ ਖਾਨਾ ਖਾਣ ਤੋਂ ਵੀ ਹਿਚਕਦੇ ਸਨ ਕਿਉਂਕਿ ਉਹ ਹਿੰਦੂ ਹੈ, ਹਾਲਾਂਕਿ ਬਾਅਦ ਵਿੱਚ ਅਖਤਰ ਨੇ ਸਾਫ਼ ਕੀਤਾ ਹੈ ਕਿ ਕਨੇਰਿਆ ਦੇ ਸੰਬੰਧ ਵਿੱਚ ਦਿੱਤੇ ਗਏ ਉਨ੍ਹਾਂ ਦੇ ਬਿਆਨ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕੀਤਾ ਗਿਆ ਹੈ।