ਅਫ਼²ਰੀਦੀ ਨੇ ਅਪਣੀ ਫ਼ਾਊਂਡੇਸ਼ਨ ਨੂੰ ਬੱਲਾ ਭੇਂਟ ਕਰਨ 'ਤੇ ਕੋਹਲੀ ਦਾ ਕੀਤਾ ਧਨਵਾਦ

ਨਵੀਂ ਦਿੱਲੀ, 1 ਅਗੱਸਤ: ਪਾਕਿਸਤਾਨ ਦੇ ਕਪਤਾਨ ਸ਼ਾਹਿਦ ਅਫ਼ਰੀਦੀ ਨੇ ਅਪਣੀ ਫ਼ਾਊਂਡੇਸ਼ਨ 'ਸ਼ਾਹਿਦ ਅਫ਼ਰੀਦੀ ਫ਼ਾਊਂਡੇਸ਼ਨ' ਨੂੰ ਬੱਲਾ ਭੇਂਟ ਕਰਨ 'ਤੇ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਦਾ ਧਨਵਾਦ ਕੀਤਾ ਹੈ।
ਬੱਲੇ ਦੀ ਤਸਵੀਰ ਦੇ ਨਾਲ ਅਫ਼ਰੀਦੀ ਨੇ ਅਪਣੇ ਟਵਿਟਰ ਹੈਂਡਲ 'ਤੇ ਲਿਖਿਆ, ''ਏ.ਐਸ.ਏ. ਫ਼ਾਊਂਡੇਸ਼ਨ ਦੇ ਸਮਰਥਨ ਲਈ ਤੁਹਾਡਾ ਧਨਵਾਦ ਏ.ਆਈ.ਐੱਮ.ਵੀ.ਕੋਹਲੀ। ਤੁਹਾਡੇ ਜਿਹੇ ਦੋਸਤ ਅਤੇ ਸਮਰਥਕ ਯਕੀਨੀ ਤੌਰ 'ਤੇ ਇਹ ਪੱਕਾ ਕਰਦੇ ਹਨ ਕਿ ਸਾਰਿਆਂ ਲਈ ਉਮੀਦ ਜ਼ਿੰਦਾ ਰਹੇ।''
ਜ਼ਿਕਰਯੋਗ ਹੈ ਕਿ ਅਫ਼ਰੀਦੀ ਨੇ ਜਦੋਂ ਕੌਮਾਂਤਰੀ ਕ੍ਰਿਕਟ ਤੋਂ ਸਨਿਆਸ ਲਿਆ ਸੀ ਤਾਂ ਭਾਰਤੀ ਟੀਮ ਨੇ ਕੋਹਲੀ ਦੀ ਸ਼ਰਟ ਉਨ੍ਹਾਂ ਨੂੰ ਭੇਂਟ ਕੀਤੀ ਸੀ ਜਿਸ 'ਚ ਭਾਰਤੀ ਟੀਮ ਦੇ ਸਾਰੇ ਖਿਡਾਰੀਆਂ ਦੇ ਦਸਤਖ਼ਤ ਸਨ। ਲੰਡਨ 'ਚ ਨਿਲਾਮੀ 'ਚ ਇਹ ਸ਼ਰਟ ਤਿੰਨ ਲੱਖ ਰੁਪਏ 'ਚ ਵਿਕੀ ਸੀ ਜਿਸ 'ਚ ਟੀਮ ਇੰਡੀਆ ਦੇ ਕਪਤਾਨ ਕੋਹਲੀ ਨੇ ਸੰਦੇਸ਼ ਦਿਤਾ ਸੀ, ''ਸ਼ਾਹਿਦ ਭਰਾ ਲਈ ਸ਼ੁੱਭਕਾਮਨਾਵਾਂ, ਤੁਹਾਡੇ ਵਿਰੁਧ ਖੇਡਣਾ ਹਮੇਸ਼ਾ ਸੁਖਦ ਰਿਹਾ ਹੈ।''