ਨਵੀਂ ਦਿੱਲੀ, 11 ਜਨਵਰੀ: ਆਈ.ਪੀ.ਐਲ. 2018 ਲਈ ਖਿਡਾਰੀਆਂ ਦੀ ਨਿਲਾਮੀ 27 ਅਤੇ 28 ਜਨਵਰੀ ਨੂੰ ਹੋਣ ਜਾ ਰਹੀ ਹੈ। ਹਾਲਾਂ ਕਿ ਇਸ ਤੋਂ ਪਹਿਲਾਂ ਹੀ ਸੱਭ ਟੀਮ ਨੇ ਖਿਡਾਰੀਆਂ ਨੂੰ ਰਿਟੇਨ ਕਰ ਲਿਆ ਹੈ, ਜਿਸ 'ਚ ਬੰਗਲੌਰ, ਚੇਨਈ, ਦਿੱਲੀ ਅਤੇ ਮੁੰਬਈ ਨੇ 3-3, ਕਲਕੱਤਾ ਅਤੇ ਹੈਦਰਾਬਾਦ ਨੇ 2-2, ਜਦੋਂ ਕਿ ਪੰਜਾਬ ਅਤੇ ਰਾਜਸਥਾਨ ਨੇ 1-1 ਖਿਡਾਰੀ ਨੂੰ ਰਿਟੇਨ ਕੀਤਾ। ਇਸ 'ਚ ਵਿਰਾਟ ਕੋਹਲੀ (17 ਕਰੋੜ ਰੁਪਏ) ਸੱਭ ਤੋਂ ਮਹਿੰਗੇ ਖਿਡਾਰੀ ਰਹੇ, ਜਿਨ੍ਹਾਂ ਨੂੰ ਆਰ.ਸੀ.ਬੀ. ਨੇ ਖਰੀਦਿਆ।
ਇਸ ਤੋਂ ਇਲਾਵਾ ਰੋਹਿਤ ਸ਼ਰਮਾ ਨੂੰ ਮੁੰਬਈ ਇੰਡੀਅਸ ਨੇ 15 ਕਰੋੜ 'ਚ ਰਿਟੇਨ ਕੀਤਾ। ਖਿਡਾਰੀਆਂ ਦੀ ਨਿਲਾਮੀ 'ਚ ਅਜੇ ਸਮਾਂ ਬਾਕੀ ਹੈ ਪਰ ਇਸ ਤੋਂ ਪਹਿਲਾਂ ਹੀ ਇਕ ਅਖ਼ਬਾਰ ਦੀ ਰੀਪੋਰਟ 'ਚ ਕੁਝ ਖਿਡਾਰੀਆਂ ਦੇ ਮੁਢਲੇ ਮੁੱਲ ਦਾ ਖ਼ੁਲਾਸਾ ਹੋ ਚੁਕਾ ਹੈ।