ਨਵੀਂ ਦਿੱਲੀ, 16 ਦਸੰਬਰ: ਭਾਰਤ ਨੇ ਜੋਹਾਨਿਸਬਰਗ 'ਚ ਰਾਸ਼ਟਰ ਮੰਡਲ ਕੁਸ਼ਤੀ ਚੈਂਪੀਅਨਸ਼ਿਪ ਦੇ ਪਹਿਲੇ ਦਿਨ ਗ੍ਰੀਕੋ ਰੋਮਨ ਵਰਗ 'ਚ ਕਲੀਨ ਸਵੀਪ ਕਰਦਿਆਂ 10 ਸੋਨ ਤਮਗ਼ੇ ਅਤੇ ਇੰਨੇ ਹੀ ਚਾਂਦੀ ਦੇ ਤਮਗ਼ੇ ਅਪਣੇ ਨਾਮ ਕੀਤੇ।ਭਾਰਤ ਵਲੋਂ ਰਾਜੇਂਦਰ ਕੁਮਾਰ (55 ਕਿਲੋਗ੍ਰਾਮ), ਮਨੀਸ਼ (60 ਕਿਲੋਗ੍ਰਾਮ), ਵਿਕਾਸ (63 ਕਿਲੋਗ੍ਰਾਮ), ਅਨਿਲ ਕੁਮਾਰ (67 ਕਿਲੋਗ੍ਰਾਮ), ਆਦਿਤਯ ਕੁੰਡੂ (72 ਕਿਲੋਗ੍ਰਾਮ), ਗੁਰਪ੍ਰੀਤ (77 ਕਿਲੋਗ੍ਰਾਮ), ਹਰਪ੍ਰੀਤ (82 ਕਿਲੋਗ੍ਰਾਮ), ਸੁਨੀਲ (87 ਕਿਲੋਗ੍ਰਾਮ), ਹਰਦੀਪ (97 ਕਿਲੋਗ੍ਰਾਮ) ਅਤੇ ਨਵੀਨ (130 ਕਿਲੋਗ੍ਰਾਮ) ਨੇ ਸੋਨ ਤਮਗ਼ੇ ਜਿੱਤੇ।