ਰੋਹਿਤ ਨੇ 35 ਗੇਂਦਾਂ ਵਿਚ ਸੈਂਕੜਾ ਬਣਾਇਆ
ਇੰਦੌਰ, 22 ਦਸੰਬਰ : ਟੈਸਟ ਅਤੇ ਵਨਡੇਅ ਸੀਰੀਜ਼ ਮਗਰੋਂ ਟੀਮ ਇੰਡੀਆ ਨੇ ਸ੍ਰੀਲੰਕਾ ਨੂੰ ਦੂਜੇ ਟੀ20 ਮੈਚ ਵਿਚ ਹਰਾ ਕੇ ਇਸ ਸੀਰੀਜ਼ 'ਤੇ ਵੀ ਕਬਜ਼ਾ ਕਰ ਲਿਆ। ਦੂਜੇ ਮੈਚ ਵਿਚ ਟੀਮ ਇੰਡੀਆ ਨੇ ਰੋਹਿਤ ਸ਼ਰਮਾ ਦੇ ਤੂਫ਼ਾਨੀ ਸੈਂਕੜੇ ਦੀ ਮਦਦ ਨਾਲ 88 ਦੌੜਾਂ ਨਾਲ ਜਿੱਤ ਦਰਜ ਕੀਤੀ। ਦੂਜੇ ਟੀ 20 ਮੈਚ ਵਿਚ ਵੀ ਟਾਸ ਜਿੱਤ ਕੇ ਸ੍ਰੀਲੰਕਾ
ਨੇ ਪਹਿਲਾਂ ਗੇਂਦਬਾਜ਼ੀ ਚੁਣ ਕੇ ਭਾਰਤ ਨੂੰ ਬੱਲੇਬਾਜ਼ੀ ਲਈ ਸੱਦਾ ਦਿਤਾ। ਭਾਰਤ ਨੇ 260 ਦੌੜਾਂ ਦਾ ਟੀਚਾ ਦਿਤਾ। ਅਠਵੇਂ ਓਵਰ ਵਿਚ ਗੁਣਰਤਨੇ ਦੀ ਗੇਂਦ 'ਤੇ ਰੋਹਿਤ ਸ਼ਰਮਾ ਨੇ ਛੱਕਾ ਮਾਰ ਕੇ ਅਪਣਾ ਅੱਧਾ ਸੈਂਕੜਾ ਪੂਰਾ ਕੀਤਾ। ਉਸ ਨੇ 50 ਰਨ 23 ਬਾਲਾਂ ਵਿਚ ਬਣਾਏ। ਰੋਹਿਤ ਨੇ ਟੀ 20 ਦਾ ਦੂਜਾ ਸੱਭ ਤੋਂ ਤੇਜ਼ ਸੈਂਕੜਾ ਬਣਾ ਕੇ ਪੁਰਾਣੀ ਰੀਕਾਰਡ ਦੀ ਬਰਾਬਰੀ ਕਰ ਲਈ। ਉਸ ਨੇ ਸਿਰਫ਼ 35 ਗੇਂਦਾਂ ਵਿਚ ਸੈਂਕੜਾ ਮਾਰ ਦਿਤਾ। ਉਸ ਤੋਂ ਪਹਿਲਾਂ ਡੇਵਿਡ ਮਿਲਰ ਨੇ ਵੀ 35 ਗੇਂਦਾਂ ਵਿਚ 100 ਰਨ ਬਣਾਏ ਸਨ।