ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ 'ਚੋਂ ਕਾਫ਼ੀ ਲੰਬੇ ਸਮੇਂ ਤੋਂ ਬਾਹਰ ਚੱਲ ਰਹੇ ਖੱਬੇ ਹੱਥ ਦੇ ਸਲਾਮੀ ਬੱਲੇਬਾਜ਼ ਗੋਤਮ ਗੰਭੀਰ ਜੋ ਆਈ.ਪੀ.ਐੱਲ 'ਚ ਪਿਛਲੇ ਕੁਝ ਸਮੇਂ ਤੋਂ ਕੋਲਕਾਤਾ ਨਾਲ ਜੁੜੇ ਹੋਏ ਸਨ। ਤੇ ਹੁਣ ਉਸ ਨੂੰ ਦਿੱਲੀ ਨੇ ਬੇਸ ਪ੍ਰਾਇਜ਼ 2.8 ਕਰੋੜ ਰੁਪਏ ਦੀ ਕੀਮਤ 'ਤੇ ਖਰੀਦ ਲਿਆ ਸੀ। ਆਈ.ਪੀ.ਐੱਲ ਦੇ 11ਵੇਂ ਸੀਜ਼ਨ 'ਚ ਦਿੱਲੀ ਨੇ ਅਪਣੀ ਟੀਮ ਦੀ ਕਮਾਨ ਗੌਤਮ ਗੰਭੀਰ ਨੂੰ ਸੌਂਪ ਦਿੱਤੀ। ਤੁਹਾਨੂੰ ਦੱਸ ਦੇਈਏ ਕਿ ਕੋਲਕਾਤਾ ਨੇ ਗੰਭੀਰ ਦੀ ਕਪਤਾਨੀ ਵਿਚ ਦੋ ਵਾਰ ਆਈ.ਪੀ.ਐੱਲ ਦਾ ਖਿਤਾਬ ਵੀ ਜਿੱਤਿਆ ਹੈ। ਆਖਰ ਹੁਣ ਗੰਭੀਰ ਦੀ ਘਰ ਵਾਪਸੀ ਹੋ ਹੀ ਗਈ ਤੇ ਟੀਮ ਨੇ ਗੰਭੀਰ ਨੂੰ ਕਪਤਾਨ ਦੇ ਅਹੁੱਦੇ ਤੋਂ ਵੀ ਨਵਾਜਿਆ।