ਇੰਦੌਰ, 21 ਦਸੰਬਰ: ਸ਼ਾਨਦਾਰ ਲੈਅ 'ਚ ਚੱਲ ਰਹੀ ਭਾਰਤੀ ਕ੍ਰਿਕਟ ਟੀਮ ਅੱਜ ਇੱਥੇ ਹੋਣ ਵਾਲੇ ਦੂਜੇ ਟੀ-20 ਕੌਮਾਂਤਰੀ ਮੈਚ 'ਚ ਸ੍ਰੀਲੰਕਾ 'ਤੇ ਦਬਦਬਾ ਬਰਕਰਾਰ ਰੱਖਣ ਅਤੇ ਤਿੰਨ ਮੈਚਾਂ ਦੀ ਲੜੀ ਅਪਣੇ ਨਾਮ ਕਰਨ ਦੀ ਉਮੀਦ ਨਾਲ ਮੈਦਾਨ 'ਚ ਉਤਰੇਗੀ।ਸ੍ਰੀਲੰਕਾਈ ਟੀਮ ਦੀਆਂ ਮੁਸ਼ਕਲਾਂ ਦਾ ਕੋਈ ਅੰਤ ਨਹੀਂ ਹੈ, ਜਿਸ ਨੂੰ ਕਟਕ 'ਚ ਟੀ20 ਲੜੀ ਦੇ ਸ਼ੁਰੂਆਤੀ ਮੁਕਾਬਲੇ 'ਚ 93 ਦੌੜਾਂ ਦੀ ਕਰਾਰੀ ਹਾਰ ਦਾ ਮੂੰਹ ਦੇਖਣਾ ਪਿਆ ਅਤੇ ਇਹ ਨਤੀਜਾ ਇਕਪਾਸੜ ਹੀ ਰਿਹਾ, ਜਿਸ ਨੇ ਕਈਆਂ ਨੂੰ ਇਹ ਸਵਾਲ ਪੁੱਛਣ ਲਈ ਮਜਬੂਰ ਕਰ ਦਿਤਾ ਕਿ ਭਾਰਤ ਦਾ ਇੰਨੀ ਕਮਜ਼ੋਰ ਟੀਮ ਵਿਰੁਧ ਵਾਰ-ਵਾਰ ਖੇਡਣਾ ਕਿੰਨਾ ਤਰਕ ਆਧਾਰਤ ਹੈ।