ਹਾਕੀ ਇੰਡੀਆ ਨੇ ਅੱਜ 18 ਮੈਂਬਰੀ ਭਾਰਤ ਏ ਮਹਿਲਾ ਟੀਮ ਦਾ ਐਲਾਨ ਕੀਤਾ ਹੈ ਜੋ ਕਿ ਆਸਟਰੇਲੀਆ ਹਾਕੀ ਲੀਗ (ਏ.ਐੱਚ.ਐੱਲ.) 2017 'ਚ ਹਿੱਸਾ ਲਏਗੀ। ਦੱਸ ਦਈਏ ਕਿ ਏ.ਐੱਚ.ਐੱਲ. ਦੀ ਸ਼ੁਰੂਆਤ 28 ਸਤੰਬਰ ਤੋਂ ਹੋਵੇਗੀ।
ਟੀਮ ਦੀ ਕਪਤਾਨੀ ਪ੍ਰੀਤੀ ਦੁਬੇ ਨੂੰ ਸੌਂਪੀ ਗਈ ਹੈ ਜਦਕਿ ਉਦਿਤਾ ਨੂੰ ਉਪ ਕਪਤਾਨ ਬਣਾਇਆ ਗਿਆ ਹੈ। ਟੀਮ 'ਚ ਗੋਲਕੀਪਰ ਦੇ ਰੂਪ 'ਚ ਦਿਵਿਆ ਥੇਪੇ ਖਰੀਬਾਮ ਨੂੰ ਸ਼ਾਮਿਲ ਕੀਤਾ ਗਿਆ ਹੈ ਜਦਕਿ ਨੀਲੂ ਦਾਦੀਆ, ਅਸ਼ਮਿਤਾ ਬਾਰਲਾ, ਪ੍ਰਿਯੰਕਾ, ਸੁਮਨ ਦੇਵੀ ਥੋਡਮ ਅਤੇ ਸਲੀਮਾ ਟੇਟੇ ਡਿਫੈਂਡਰ ਦੀ ਭੂਮਿਕਾ ਨਿਭਾਉਣਗੀਆਂ। ਮਿਡਫੀਲਡਰ ਦੀ ਜ਼ਿੰਮੇਵਾਰੀ ਉਦਿਤਾ, ਇਸ਼ੀਕਾ ਚੌਧਰੀ, ਮਹਿਮਾ ਚੌਧਰੀ, ਗਗਨਦੀਪ ਕੌਰ, ਨੀਲਾਂਜਲੀ ਰਾਏ ਅਤੇ ਮਾਰੀਆਨਾ ਕੁਜੂਰ ਦੇ ਮੋਢਿਆਂ 'ਤੇ ਹੋਵੇਗੀ ਜਦਕਿ ਫਾਰਵਰਡ ਲਾਈਨ 'ਚ ਕਪਤਾਨ ਪ੍ਰੀਤੀ, ਸੰਗੀਤਾ ਕੁਮਾਰੀ, ਜਿਓਤੀ, ਨਵਪ੍ਰੀਤ ਕੌਰ ਅਤੇ ਮੁਮਤਾਜ ਖਾਨ ਨੂੰ ਜਗ੍ਹਾ ਮਿਲੀ ਹੈ।
ਮਹਿਲਾ ਹਾਕੀ ਟੀਮ ਨੇ ਹੁਣੇ ਹੀ ਹਾਲ ‘ਚ ਕੀਤਾ ਸੀ ਇਹ ਕਮਾਲ
ਦੱਸ ਦਈਏ ਕਿ ਬੈਲਜੀਅਮ ਪਹੁੰਚੀ ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਆਪਣਾ ਪਹਿਲਾ ਮੰਗਲਵਾਰ ਨੂੰ ਖੇਡਿਆ ਸੀ। ਇਸ ਮੈਚ ‘ਚ ਉਹ ਬੈਲਜੀਅਮ ਦੀ ਜੂਨੀਅਰ ਪੁਰਸ਼ ਟੀਮ ਦੇ ਖਿਲਾਫ ਖੇਡੀ ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਬੈਲਜੀਅਮ ਦੀ ਪੁਰਸ਼ਾਂ ਦੀ ਜੂਨੀਅਰ ਟੀਮ ਨਾਲ 2-2 ਨਾਲ ਡਰਾਅ ਖੇਡਿਆ। ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਕੜੇ ਮੁਕਾਬਲੇ ‘ਚ ਬੈਲਜੀਅਮ ਦੀ ਜੂਨੀਅਰ ਪੁਰਸ਼ ਟੀਮ ਦੇ ਖਿਲਾਫ 2-2 ਨਾਲ ਡਰਾਅ ਖੇਡਿਆ। ਇਸ ਤਰ੍ਹਾਂ ਭਾਰਤੀ ਮਹਿਲਾ ਟੀਮ ਹੁਣ ਮੁਕਾਬਲਾ ਜਿੱਤਣ ਦੇ ਲਈ ਕੂਚ ਕਰੇਗੀ।