ਨਵੀਂ
ਦਿੱਲੀ, 27 ਸਤੰਬਰ : ਮਹਾਨ ਐਥਲੀਟ ਮਿਲਖਾ ਸਿੰਘ ਨੇ ਮੰਗਲਵਾਰ ਨੂੰ ਆਪਣੇ ਮੋਮ ਦੇ ਪੁਤਲੇ
ਦੀ ਘੁੰਡ ਚੁਕਾਈ ਕਰਨ ਦੇ ਬਾਅਦ ਕਿਹਾ ਕਿ ਉਨ੍ਹਾਂ ਦੀ ਮੌਤ ਦੇ ਬਾਅਦ ਵੀ ਇਹ ਪੁਤਲਾ
ਲੋਕਾਂ ਨੂੰ ਪ੍ਰੇਰਿਤ ਕਰੇਗਾ। ਫਲਾਇੰਗ ਸਿੱਖ ਦੇ ਨਾਂ ਨਾਲ ਮਸ਼ਹੂਰ 85 ਸਾਲਾ ਮਿਲਖਾ
ਸਿੰਘ ਨੇ ਉਪਰੋਕਤ ਗੱਲ ਕਹੀ। ਮਿਲਖਾ ਸਿੰਘ ਨੇ ਪੁਤਲੇ ਨੂੰ ਇਕ ਦਸੰਬਰ ਤੋਂ ਦਿੱਲੀ 'ਚ
ਖੁਲ੍ਹ ਰਹੇ ਮੈਡਮ ਤੁਸਾਦ ਮੋਮ ਅਜਾਇਬ ਘਰ 'ਚ ਲਗਾਇਆ ਜਾਵੇਗਾ। ਅਜਾਇਬ ਘਰ ਦੇ ਖੇਡ ਖੇਤਰ
'ਚ ਲੱਗਣ ਵਾਲੇ ਪੁਤਲੇ 'ਚ ਮਿਲਖਾ ਸਿੰਘ ਦੌੜਦੇ ਹੋਏ ਨਜ਼ਰ ਆਉਣਗੇ। ਇਸ ਪੋਜ਼ ਨੂੰ 1958 ਦੇ
ਰਾਸ਼ਟਰ ਮੰਡਲ ਖੇਡਾਂ 'ਚੋਂ ਲਿਆ ਗਿਆ ਹੈ ਜਿਸ 'ਚ ਉਹ ਜੇਤੂ ਰਹੇ ਸਨ। (ਪੀ.ਟੀ.ਆਈ.)