ਨੰਬਰ ਇਕ ਬਣੇ ਰਹਿਣ ਦੇ ਇਰਾਦੇ ਨਾਲ ਉਤਰੇਗਾ ਭਾਰਤ

ਢਾਕਾ, 10 ਅਕਤੂਬਰ: ਏਸ਼ੀਆ ਵਿਚ ਨੰਬਰ ਇਕ ਦਾ ਅਪਣਾ ਦਰਜਾ ਬਣਾਏ ਰੱਖਣ ਦੀ ਕਵਾਇਦ ਵਿਚ ਭਾਰਤੀ ਹਾਕੀ ਟੀਮ ਕਲ ਤੋਂ ਸ਼ੁਰੂ ਹੋ ਰਹੇ ਪੁਰਸ਼ ਹੀਰੋ ਏਸ਼ੀਆ ਕੱਪ ਹਾਕੀ ਦੇ ਪਹਿਲੇ ਮੈਚ ਵਿਚ ਜਾਪਾਨ ਨਾਲ ਖੇਡੇਗਾ।
ਪਿਛਲੀ ਵਾਰ ਉਪ ਵਿਜੇਤਾ ਰਹੀ ਭਾਰਤੀ ਟੀਮ ਦੀ ਕਮਾਨ ਮਿਡਫ਼ੀਲਡਰ ਮਨਪ੍ਰੀਤ ਸਿੰਘ ਦੇ ਹੱਥ ਵਿਚ ਹੈ। ਭਾਰਤ ਨੂੰ ਪੁਲ ਏ ਵਿਚ ਜਾਪਾਨ, ਪਾਕਿਸਤਾਨ ਅਤੇ ਬੰਗਲਾਦੇਸ਼ ਨਾਲ ਰਖਿਆ ਗਿਆ ਹੈ। ਪੁਲ ਬੀ ਵਿਚ ਚੈਂਪੀਅਨ ਕੋਰੀਆ, ਮਲੇਸ਼ੀਆ, ਚੀਨ ਅਤੇ ਉਮਾਨ ਹਨ। ਭਾਰਤ ਦਾ ਇਰਾਦਾ ਜਿੱਤ ਨਾਲ ਆਗਾਜ਼ ਕਰਨ ਦਾ ਹੋਵੇਗਾ। ਟੀਮ ਇੰਡੀਆ ਦੇ ਕਪਤਾਨ ਮਨਪ੍ਰੀਤ ਸਿੰਘ ਨੇ ਜਾਪਾਨ ਵਿਰੁਧ ਮੈਚ ਨੂੰ ਲੈ ਕੇ ਭਰੋਸਾ ਜਤਾਉਂਦੇ ਹੋਏ ਕਿਹਾ ਕਿ ਪਹਿਲੇ ਮੈਚ ਵਿਚ ਹਮੇਸ਼ਾ ਕੁੱਝ ਬੇਚੈਨੀ ਹੁੰਦੀ ਹੈ ਅਤੇ ਸਾਨੂੰ ਉਸ ਤੋਂ ਉਭਰਨ ਲਈ ਚੰਗਾ ਖੇਡਣਾ ਹੋਵੇਗਾ । ਹਾਲਾਂਕਿ ਅਸੀਂ ਚੁਨੌਤੀ ਲਈ ਤਿਆਰ ਹਾਂ।