ਨਵੀਂ ਦਿੱਲੀ, 31 ਜਨਵਰੀ: ਸੀਜ਼ਨ-11 ਲਈ ਕੀਤੀ ਗਈ ਨੀਲਾਮੀ ਦੀ ਨਿਊਜ਼ੀਲੈਂਡ ਕ੍ਰਿਕਟ ਪਲੇਅਰਜ਼ ਐਸੋਸੀਏਸ਼ਨ (ਐਨ.ਜ਼ੈੱਡ.ਸੀ.ਪੀ.ਏ.) ਨੇ ਸਖ਼ਤ ਆਲੋਚਨਾ ਕੀਤੀ ਹੈ। ਐਨ.ਜ਼ੈੱਡ.ਸੀ.ਪੀ.ਏ. ਚੀਫ਼ ਹੇਥ ਮਿਲਸ ਨੇ ਨੀਲਾਮੀ ਨੂੰ ਅਪਮਾਨਜਨਕ, ਘਟੀਆ ਅਤੇ ਖਿਡਾਰੀਆ ਦੀ ਕਮਾਈ ਨਾਲ ਖਿਲਵਾੜ ਕਰਨ ਵਾਲਾ ਦਸਿਆ ਕਿਹਾ ਕਿ ਮੈਨੂੰ ਲਗਦਾ ਹੈ ਕਿ ਪੂਰੀ ਪ੍ਰਣਾਲੀ ਪੁਰਾਣੀ ਹੈ ਅਤੇ ਉਨ੍ਹਾਂ ਖਿਡਾਰੀਆਂ ਲਈ ਕਾਫ਼ੀ ਅਪਮਾਨਜਨਕ ਹੈ, ਜਿਨ੍ਹਾਂ ਨੂੰ ਦੁਨੀਆਂ ਸਾਹਮਣੇ ਜਾਨਵਰਾਂ ਵਾਂਗ ਪਰੇਡ ਕਰਦੇ ਦਿਖਾਇਆ ਗਿਆ। ਕਈ ਖਿਡਾਰੀ ਇਸ ਲਈ ਨਿਰਾਸ਼ ਹਨ, ਕਿਉਂ ਕਿ ਉਹ ਅਜੇ ਵੀ ਆਈ.ਪੀ.ਐਲ. ਪ੍ਰਣਾਲੀ ਨੂੰ ਸਮਝ ਨਹੀਂ ਸਕੇ ਹਨ। ਉਨ੍ਹਾਂ ਨੂੰ ਨਹੀਂ ਪਤਾ ਕਿ ਆਖ਼ਿਰ ਇਹ ਕਿਵੇਂ ਕੰਮ ਕਰਦਾ ਹੈ। ਇਸ ਸੀਜ਼ਨ ਨਿਊਜ਼ੀਲੈਂਡ ਦੇ 7 ਖਿਡਾਰੀਆਂ ਨੂੰ ਨੀਲਾਮੀ 'ਚ ਖਰੀਦਿਆ ਗਿਆ ਹੈ।