ਫੋਰਬਸ ਇੰਡੀਆ ਨੇ 30 ਸਾਲ ਤੋਂ ਘੱਟ ਉਮਰ ਦੇ 30 ਅਮੀਰ ਭਾਰਤੀਆਂ ਦੇ ਨਾਮ ਦੀ ਸੂਚੀ ਜਾਰੀ ਕੀਤੀ ਹੈ। ਖੇਡ ਜਗਤ ਦੇ ਵੀ 4 ਖਿਡਾਰੀ ਇਸ ਸੂਚੀ ਵਿਚ ਆਪਣੀ ਜਗ੍ਹਾ ਬਣਾਉਣ ਵਿਚ ਕਾਮਯਾਬ ਰਹੇ। ਇਨ੍ਹਾਂ ਖਿਡਾਰੀਆਂ ਵਿਚ 2 ਕ੍ਰਿਕਟਰ, ਇਕ ਹਾਕੀ ਖਿਡਾਰੀ ਅਤੇ ਇਕ ਸ਼ੂਟਰ ਦਾ ਨਾਮ ਸ਼ਾਮਿਲ ਹੈ। ਫੋਰਬਸ ਦੀ ਸੂਚੀ ਵਿਚ ਸ਼ਾਮਿਲ ਹੋਣ ਵਾਲੇ ਇਹ ਖਿਡਾਰੀ ਖੇਡ ਦੀ ਦੁਨੀਆ ਵਿਚ ਕਾਫ਼ੀ ਨਾਮ ਕਮਾ ਚੁੱਕੇ ਹਨ। ਇਨ੍ਹਾਂ ਨਾਮਾਂ ਵਿਚ ਭਾਰਤੀ ਕ੍ਰਿਕਟ ਟੀਮ ਦੇ ਤੇਜ ਗੇਂਦਬਾਜ ਜਸਪ੍ਰੀਤ ਬੁਮਰਾਹ ਦਾ ਨਾਮ ਵੀ ਸ਼ਾਮਿਲ ਹੈ।