ਨਾਗਪੁਰ, 9 ਨਵੰਬਰ: ਭਾਰਤ ਦੀ ਪਹਿਲੀ ਬੈਡਮਿੰਟਨ ਸਟਾਰ ਸਾਇਨਾ ਨੇਹਵਾਲ ਅਤੇ ਓਲੰਪਿਕ ਫ਼ਾਇਨਲ ਤਕ ਪਹੁੰਚਣ ਵਾਲੀ ਪੀ.ਵੀ. ਸਿੰਧੂ ਪਹਿਲੀ ਵਾਰ ਰਾਸ਼ਟਰੀ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਫ਼ਾਇਨਲ 'ਚ ਆਹਮੋ-ਸਾਹਮਣੇ ਸਨ। ਦੁਨੀਆ ਦੀ ਇਕ ਨੰਬਰ ਖਿਡਾਰੀ ਰਹਿ ਚੁਕੀ ਸਾਇਨਾ ਨੇ 54 ਮਿੰਟ ਤਕ ਚੱਲੇ ਮੁਕਾਬਲੇ 'ਚ ਸਿੰਧੂ ਨੂੰ ਹਰਾਉਂਦਿਆਂ ਖ਼ਿਤਾਬ ਅਪਣੇ ਨਾਮ ਕਰ ਲਿਆ। 27 ਸਾਲਾ ਸਾਇਨਾ ਨੇ ਰੋਮਾਂਚਕ ਫ਼ਾਇਨਲ 'ਚ ਓਲੰਪਿਕ ਅਤੇ ਵਿਸ਼ਵ ਚੈਂਪੀਅਨਸ਼ਿਪ ਸਿਲਵਰ ਮੈਡਲ ਜੇਤੂ ਸਿੰਧੂ 'ਤੇ ਫ਼ਾਇਨਲ 'ਚ 21-17, 27-25 ਨਾਲ ਜਿੱਤ ਦਰਜ ਕੀਤੀ। ਸਾਇਨਾ ਨੇ ਜਿੱਤ ਤੋਂ ਬਾਅਦ ਕਿਹਾ ਕਿ ਅੱਜ ਮੈਂ ਜਿਵੇਂ ਖੇਡੀ ਹਾਂ, ਉਸ ਤੋਂ ਮੈਂ ਹੈਰਾਨ ਹਾਂ। ਮੈਂ ਕੋਰਟ 'ਤੇ ਚੰਗੀ ਤਰ੍ਹਾਂ ਮੂਵ ਕਰਦਿਆਂ ਸਿੰਧੂ ਦੇ ਮੁਸ਼ਕਲ ਸ਼ਾਰਟ ਨੂੰ ਚੰਗੀ ਤਰ੍ਹਾਂ ਵਾਪਸ ਭੇਜਿਆ।