ਦੁਨੀਆ ਦੀ ਨੰਬਰ 1 ਟੈਨਿਸ ਖਿਡਾਰਨ ਰਹਿ ਚੁੱਕੀ ਸੇਰੇਨਾ ਵਿਲੀਅਮਜ਼ ਮਾਂ ਬਣ ਗਈ ਹੈ। 36 ਸਾਲਾ ਸੇਰੇਨਾ ਨੇ ਸ਼ੁੱਕਰਵਾਰ ਨੂੰ ਇੱਕ ਧੀ ਨੂੰ ਜਨਮ ਦਿੱਤਾ। ਸੇਰੇਨਾ ਦੀ ਵੱਡੀ ਭੈਣ ਵੀਨਸ ਵਿਲੀਅਮਜ਼ ਨੇ ਯੂਐਸ ਓਪਨ ਵਿੱਚ ਤੀਸਰੇ ਦੌਰ ਦਾ ਮੈਚ ਜਿੱਤਣ ਦੇ ਬਾਅਦ ਸੇਰੇਨਾ ਦੇ ਪਹਿਲੇ ਬੱਚੇ ਦੇ ਜਨਮ ਦੀ ਪੁਸ਼ਟੀ ਕੀਤੀ। ਵੀਨਸ ਨੇ ਕਿਹਾ, ਮੈਂ ਬਹੁਤ ਉਤਸ਼ਾਹਿਤ ਹਾਂ ਅਤੇ ਮਾਸੀ ਬਣਨ ਦੀ ਖੁਸ਼ੀ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕਰ ਸਕਦੀ।
ਸੇਰੇਨਾ ਇੰਸਟਾਗਰਾਮ ਉੱਤੇ ਤਸਵੀਰਾਂ ਪੋਸਟ ਕਰ ਆਪਣੇ ਫੈਨਸ ਨੂੰ ਮਾਂ ਬਣਨ ਤੋਂ ਪਹਿਲਾਂ ਲਗਾਤਾਰ ਅਪਡੇਟ ਕਰ ਰਹੀ ਸੀ। ਹਾਲ ਹੀ ਵਿੱਚ ਉਨ੍ਹਾਂ ਨੇ ਵੈਨਿਟੀ ਫੇਅਰ ਮੈਗਜੀਨ ਦੇ ਕਵਰ ਪੇਜ ਉੱਤੇ ਤਸਵੀਰ ਲਈ ਨਿਊਡ ਪੋਜ ਦਿੱਤਾ ਸੀ। ਤਸਵੀਰ ਵਿੱਚ ਸੇਰੇਨਾ ਬੇਬੀ ਬੰਪ ਦੇ ਨਾਲ ਵਿਖਾਈ ਦੇ ਰਹੀ ਸੀ। ਦੱਸ ਦਈਏ ਕਿ ਪਹਿਲਾਂ ਸੇਰੇਨਾ ਵਿਲੀਅਮਜ਼ ਨੇ ਇਹ ਕਹਿੰਦੇ ਹੋਏ ਗਰਭਵਤੀ ਹੋਣ ਦੀ ਗੱਲ ਛੁਪਾਉਣੀ ਚਾਹੀ ਸੀ ਕਿ ਗਲਤੀ ਨਾਲ ਸਨੈਪਚੈਟ ਉੱਤੇ ਫੋਟੋ ਸ਼ੇਅਰ ਹੋ ਗਈ।
ਮੰਗਣੀ ਦੀ ਖਬਰ ਵੀ ਸੇਰੇਨਾ ਨੇ ਸੋਸ਼ਲ ਮੀਡੀਆ ਦੇ ਜਰੀਏ ਦਿੱਤੀ ਸੀ। ਪਿਛਲੇ ਦਸੰਬਰ ਵਿੱਚ ਇਨ੍ਹਾਂ ਦੋਵਾਂ ਦੀ ਕੁੜਮਾਈ ਹੋਈ ਸੀ।