ਮੁੰਬਈ/ਮੇਰਠ, 23 ਨਵੰਬਰ: ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਜਹੀਰ ਖ਼ਾਨ ਨੇ ਅਪਣੀ ਮੰਗੇਤਰ ਅਤੇ 'ਚੱਕ ਦੇ ਇੰਡੀਆ' ਦੀ ਮਸ਼ਹੂਰ ਅਦਾਕਾਰਾ ਸਾਗਰਿਕਾ ਘਾਟਗੇ ਨਾਲ ਵਿਆਹ ਕਰਵਾ ਲਿਆ ਹੈ। ਦੋਵਾਂ ਨੇ ਸਵੇਰੇ ਰਜਿਸਟਰਡ ਵਿਆਹ ਕੀਤਾ, ਜਿਸ 'ਚ ਦੋਵਾਂ ਦੇ ਪਰਵਾਰਕ ਮੈਂਬਰਾਂ ਤੋਂ ਇਲਾਵਾ ਕਾਫ਼ੀ ਕਰੀਬੀ ਦੋਸਤ ਵੀ ਮੌਜੂਦ ਸਨ। ਦੋਵੇਂ 27
ਨਵੰਬਰ ਨੂੰ ਇੱਥੇ ਫ਼ਾਈਵ ਸਟਾਰ ਹੋਟਲ 'ਚ ਰਿਸੈਪਸ਼ਨ ਦੇਣਗੇ, ਜਿਸ 'ਚ ਕ੍ਰਿਕਟਰ ਅਤੇ ਬਾਲੀਵੁਡ ਹਸਤੀਆਂ ਵੀ ਮੌਜੂਦ ਹੋਣਗੀਆਂ।ਉਧਰ ਸਟਾਰ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ ਅਤੇ ਉਨ੍ਹਾਂ ਦੀ ਬਚਪਨ ਦੀ ਦੋਸਤ ਨੂਪੁਰ ਵੀ ਵਿਆਹ ਦੇ ਬੰਧਨ 'ਚ ਬੱਝ ਗਏ ਹਨ। ਭੁਵਨੇਸ਼ਵਰ ਕੁਮਾਰ ਦੇ ਵਿਆਹ ਦਾ ਪ੍ਰੋਗਰਾਮ ਦਿਨ 'ਚ ਹੀ ਰੱਖਿਆ ਗਿਆ, ਕਿਉਂ ਕਿ ਉਹ ਭਾਰਤ-ਸ੍ਰੀਲੰਕਾ ਟੈਸਟ ਲੜੀ 'ਚ ਵੀ ਰੁੱਝੇ ਹੋਏ ਹਨ। (ਏਜੰਸੀ)