Uttarakhand Weather Update: ਉਤਰਾਖੰਡ ਵਿਚ ਮੀਂਹ ਦਾ ਕਹਿਰ, ਪਾਣੀ ਵਿਚ ਰੁੜ੍ਹੀ ਕਾਰ, ਖ਼ੌਫ਼ਨਾਕ ਵੀਡੀਓ ਆਈ ਸਾਹਮਣੇ
Uttarakhand Weather Update: ਲੋਕਾਂ ਨੇ ਮੁਸ਼ਕਿਲ ਨਾਲ ਬਚਾਈ ਕਾਰ ਸਵਾਰ ਦੀ ਜਾਨ
Uttarakhand Weather Update News : ਉਤਰਾਖੰਡ ਦੇ ਵਿਕਾਸਨਗਰ ਤੋਂ ਜ਼ਮੀਨ ਖਿਸਕਣ ਦੀਆਂ ਭਿਆਨਕ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਕਲਸੀ-ਚਕਰਤਾ ਸੜਕ 'ਤੇ ਮਲਬਾ ਹਟਾਉਣ ਦਾ ਕੰਮ ਚੱਲ ਰਿਹਾ ਸੀ ਕਿ ਅਚਾਨਕ ਪਹਾੜ 'ਤੇ ਹਿੱਲਜੁਲ ਹੋਈ।
ਪਹਿਲਾਂ ਕੁਝ ਪੱਥਰ ਡਿੱਗੇ ਅਤੇ ਫਿਰ ਇੰਝ ਲੱਗਿਆ ਜਿਵੇਂ ਮਲਬੇ ਦਾ ਹੜ੍ਹ ਆ ਗਿਆ ਹੋਵੇ। ਹਾਲਾਂਕਿ ਦੋਵਾਂ ਪਾਸਿਆਂ ਦੇ ਵਾਹਨਾਂ ਨੂੰ ਸਮੇਂ ਸਿਰ ਰੋਕ ਦਿੱਤਾ ਗਿਆ ਪਰ ਲੰਬੇ ਸਮੇਂ ਤੱਕ ਪਹਾੜ ਤੋਂ ਪੱਥਰ ਡਿੱਗਦੇ ਰਹੇ।
ਇਸ ਤੋਂ ਇਲਾਵਾ, ਉਤਰਾਖੰਡ ਦੇ ਵਿਕਾਸਨਗਰ ਵਿਚ ਇਕ ਕਾਰ ਪਾਣੀ ਦੇ ਤੇਜ਼ ਵਹਾਅ ਵਿਚ ਰੁੜ ਗਈ। ਕਾਰ ਸੜਕ ਤੋਂ ਵਹਿ ਕੇ ਹੇਠਾਂ ਫਸ ਗਈ, ਜਿਸ ਕਾਰਨ ਇੱਕ ਵੱਡਾ ਹਾਦਸਾ ਟਲ ਗਿਆ। ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਕਾਰ ਚਾਲਕ ਨੂੰ ਮੁਸ਼ਕਿਲ ਨਾਲ ਸੁਰੱਖਿਅਤ ਬਾਹਰ ਕੱਢਿਆ। ਇਸ ਘਟਨਾ ਦੀ ਭਿਆਨਕ ਵੀਡੀਓ ਵੀ ਸਾਹਮਣੇ ਆਈ ਹੈ।
"(For more news apart from “Uttarakhand Weather Update News in punjabi , ” stay tuned to Rozana Spokesman.)