Snow

ਅਮਰੀਕਾ : ਅਮਰੀਕਾ ਦੇ ਕਰੀਬ 12 ਰਾਜਾਂ ਵਿਚ ਜਾਨਲੇਵਾ ਠੰਡ ਉਥੇ ਰਹਿ ਰਹੇ ਲੋਕਾਂ ਦੇ ਜਨਜੀਵਨ ਉਤੇ ਹਾਵੀ ਹੈ। ਸੱਧ ਪੱਛਮੀ ਖੇਤਰ ਵਿਚ ਜਨਜੀਵਨ ਅਸਤ ਵਿਅਸਤ ਹੋ ਗਿਆ ਹੈ। ਰਿਪੋਰਟਸ ਦੀ ਮੰਨੀਏ ਤਾਂ ਅਮਰੀਕਾ ਵਿਚ ਅੰਟਾਰਕਟੀਕਾ ਤੋਂ ਵੀ ਜ਼ਿਆਦਾ ਠੰਡ ਪੈ ਰਹੀ ਹੈ। ਠੰਡ ਦਾ ਅੰਦਾਜਾ ਇਸ ਸਚਾਈ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਇਥੇ ਕਈ ਰਾਜਾਂ ਵਿਚ ਪਾਰਾ ਸਿਫ਼ਰ ਤੋਂ 30 ਡਿਗਰੀ ਹੇਠਾਂ ਚੱਲਿਆ ਗਿਆ ਹੈ। ਮੌਸਮ ਵਿਭਾਗ ਦੀ ਮੰਨੀਏ ਤਾਂ ਇਹ ਤਾਪਮਾਨ-70 ਡਿਗਰੀ ਤੱਕ ਪਹੁੰਚ ਸਕਦਾ ਹੈ।

ਉੱਤਰੀ ਦੇ ਬਰਫੀਲੇ ਇਲਾਕਿਆਂ ਵਿਚ ਬਰਫੀਲੀਆਂ ਹਵਾਵਾਂ ਦੇ ਕਾਰਨ ਵਿਅਕਤੀ - ਜੀਵਨ ਬਿਲਕੁੱਲ ਠੱਪ ਹੋ ਗਿਆ ਹੈ ਅਤੇ ਇਸ ਦਾ ਅਸਰ ਲੱਖਾਂ ਲੋਕਾਂ ਉਤੇ ਪਿਆ ਹੈ। ਠੰਡ ਦੇ ਕਾਰਨ ਅਮਰੀਕਾ ਵਿਚ ਜਹਾਜ਼ਾਂ ਦੀ ਸੇਵਾ ਵੀ ਰੁਕੀ ਹੋਈ ਹੈ। ਅਮਰੀਕਾ ਦੇ 2 ਏਅਰਪੋਰਟ ਤੋਂ ਉਡਾਣ ਭਰਨ ਵਾਲੇ 1500 ਜਹਾਜ਼ਾਂ ਦੀਆਂ ਉਡਾਣਾਂ ਨੂੰ ਰੱਦ ਕਰਨਾ ਪਿਆ। ਇਸ ਤੋਂ ਇਲਾਵਾ ਇਥੇ ਰੇਲ ਸੇਵਾ ਵੀ ਰੁਕੀ ਹੋਈ ਹੈ। ਅੰਟਾਰਕਟੀਕਾ ਤੋਂ ਵੀ ਜ਼ਿਆਦਾ ਠੰਡ ਮਹਿਸੂਸ ਕੀਤੀ ਜਾ ਰਹੀ ਹੈ। ਜਾਣਕਾਰੀ  ਦੇ ਮੁਤਾਬਕ ਅਮਰੀਕਾ ਦੇ ਸ਼ਿਕਾਗੋ ਵਿਚ ਪਾਰਾ - 32 ਡਿਗਰੀ ਤੱਕ ਪਹੁੰਚ ਗਿਆ ਹੈ।

ਉਥੇ ਹੀ ਬੁੱਧਵਾਰ ਨੂੰ ਅੰਟਾਰਕਟੀਕਾ ਦੇ ਪ੍ਰਿਸਟਲੇ ਗਲੈਸ਼ੀਅਰ ਦਾ ਹੇਠਲਾ ਤਾਪਮਾਨ -27 ਡਿਗਰੀ ਰਿਹਾ। ਮੌਸਮ ਵਿਭਾਗ ਨੇ ਬਰਫੀਲੀਆਂ ਹਵਾਵਾਂ  ਦੇ ਨਾਲ ਅਮਰੀਕਾ ਵਿਚ ਠੰਡ ਵਧਣ ਦੀ ਚਿਤਾਵਨੀ ਜਾਰੀ ਕੀਤੀ ਹੈ।

ਮੌਸਮ ਵਿਭਾਗ ਦੇ ਮੁਤਾਬਕ ਇਥੇ ਦਾ ਤਾਪਮਾਨ - 70 ਡਿਗਰੀ ਤੱਕ ਡਿੱਗ ਸਕਦਾ ਹੈ। ਇਸ ਦੇ ਮੱਦੇ ਨਜ਼ਰ ਉਥੇ ਦੇ ਲੋਕਾਂ ਨੂੰ ਚੇਤੰਨ ਰਹਿਣ ਦੀ ਅਪੀਲ ਕੀਤੀ ਹੈ। ਇਸ ਵਿਚ ਉਥੇ ਦੀਆਂ ਕੰਪਨੀਆਂ ਨੇ ਅਪਣੇ ਕਰਮਚਾਰੀਆਂ ਨੂੰ ਘਰ ਤੋਂ ਬਾਹਰ ਨਿਕਲਣ ਲਈ ਮਨਾ ਕੀਤਾ ਹੈ। ਠੰਡ ਕਹਿਰ ਅਜਿਹਾ ਹੈ ਕਿ ਹੁਣ ਤੱਕ 4 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਪੂਰੇ ਅਮਰੀਕਾ ਵਿਚ 2700 ਤੋਂ ਜ਼ਿਆਦਾ ਉਡਾਣਾਂ ਨੂੰ ਰੱਦ ਕੀਤਾ ਗਿਆ ਹੈ।