ਕੁਵੈਤ : ਦੋ ਬਸਾਂ ਦੀ ਭਿਆਨਕ ਟੱਕਰ ਵਿਚ ਸੱਤ ਭਾਰਤੀਆਂ ਸਮੇਤ 15 ਦੀ ਮੌਤ

15 died 7 indian collision

ਕੁਵੈਤ : ਬੀਤੇ ਦਿਨ ਕੁਵੈਤ ਦੇ ਅਰਟੇਲ ਹਾਈਵੇਅ 'ਤੇ ਭਿਆਨਕ ਸੜਕ ਹਾਦਸਾ ਵਾਪਰਿਆ ਹੈ ਜਿਸ ਵਿਚ ਕੁਲ 15 ਲੋਕਾਂ ਦੀ ਮੌਤ ਹੋ ਗਈ ਹੈ ਜਿਨ੍ਹਾਂ ਵਿਚੋਂ ਸੱਤ ਭਾਰਤੀ, 3 ਪਾਕਿਸਤਾਨੀ ਤੇ 5 ਮਿਸ਼ਰ ਦੇ ਲੋਕ ਸ਼ਾਮਲ ਹਨ। ਦਸ ਦੇਈਏ ਕਿ ਇਹ ਵਰਕਰ ਕੁਵੈਤ ਦੀ ਤੇਲ ਦੀ ਕੰਪਨੀ ਵਿਚ ਕੰਮ ਕਰ ਕੇ ਬੱਸ ਰਾਹੀਂ ਵਾਪਸ ਆ ਰਹੇ ਸਨ ਤੇ ਅਚਾਨਕ ਸੜਕ ਹਾਦਸਾ ਹੋ ਗਿਆ।

ਹਾਦਸਾ ਐਨਾ ਭਿਆਨਕ ਸੀ ਕਿ ਤਸਵੀਰਾਂ ਦੇਖ ਕੇ ਇਸ ਦਾ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ। ਇਸ ਦੀ ਜਾਣਕਾਰੀ ਸਟੇਟ ਦੀ ਤੇਲ ਕੰਪਨੀ ਦੇ ਬੁਲਾਰੇ ਨੇ ਦਿੱਤੀ।ਪੁਲਿਸ ਨੇ ਕਿਹਾ ਇਸ ਹਾਦਸੇ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲ ਪਾਈ ਹੈ। ਫੋਟੋ ਨੂੰ ਦੇਖ ਕੇ ਹਾਦਸੇ ਦਾ ਅੰਦਾਜ਼ਾ ਲਿਆਇਆ ਜਾ ਸਕਦਾ ਹੈ ਕਿ ਹਾਦਸਾ ਕਿੰਨਾ ਭਿਆਨਕ ਰਿਹਾ ਹੋਵੇਗਾ।

ਇਸ ਹਾਦਸੇ ਤੋਂ ਬਾਅਦ ਕਾਫੀ ਦੇਰ ਤਕ ਹਾਈਵੇਅ ਜਾਮ ਰਿਹਾ ਪਰ ਕੁੱਝ ਹੀ ਦੇਰ ‘ਚ ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਹਾਦਸੇ ਵਾਲੀ ਜਗ੍ਹਾ ‘ਤੇ ਹਾਲਾਤਾਂ ਨੂੰ ਕਾਬੂ ‘ਚ ਕੀਤਾ। ਜ਼ਖਮੀਆਂ ਦਾ ਕੁਵੈਤ ਦੇ ਨਿੱਜੀ ਹਸਪਤਾਲ ‘ਚ ਇਲਾਜ਼ ਚੱਲ ਰਿਹਾ ਹੈ।